Bu fəsildə təhsil ilə yoxsulluğun azaldılması arasında əlaqədən və Azərbaycanın hərtərəfli, diversifikasiya etmiş və qlobal səviyyədə rəqabət qabiliyyətinə malik artımdan ibarət ambisiyalı məqsədinin əldə edilməsində təhsilin rolundan bəhs edilir. Burada təhsil sisteminin cari vəziyyəti, təhsilin keyfiyyəti və müxtəlif sosial qruplar üzrə təhsilə çıxış imkanı baxımından fərqlər barədə ümumi məlumat verilir. Hesabat çərçivəsində təhsil sistemində önəmli nailiyyətlərin əldə olunduğu sahələr müəyyən edilir, o cümlədən, 15 yaşına qədər uşaqlar arasında yüksək və bərabər qeydiyyat səviyyəsi, azərbaycanlı şagirdlərin beynəlxalq riyaziyyat testindən varlı ölkələr ilə rəqabət aparacaq dərəcədə yüksək nəticələr göstərməsi qeyd edilir. Fəsildə, həmçinin, getdikcə yüksələn bazar iqtisadiyyatını və gələcəkdə yoxsulluğun azaldılması tədbirlərini lazımı səviyyədə dəstəkləyən müasir təhsil sisteminin inkişaf etdirilməsi istiqamətində Azərbaycanın üzləşdiyi bir sıra çətinliklər nəzərə çatdırılır. Ali təhsil pilləsində qeydiyyat əmsalı varlı şəxslərə doğru meyl edir və ölkənin gəlir səviyyəsi ilə müqayisədə aşağıdır. Riyaziyyat fənni ilə müqayisədə azərbaycanlı şagirdlərin oxu bilikləri çox aşağıdır ki, bu da ümumilikdə təhsilin keyfiyyətinə mənfi təsir göstərir . Çünki, yaxşı oxu qabiliyyəti bütün təhsil nailiyyətlərinin mərkəzində dayanır.