Dərslik Azərbaycan Respublikası Təhsil Nazirliyi tərəfindən təsdiq edilmişdir

 
****** 
 
Şöbə № 22 
Xüsusi konstruktor bürosunun MƏLUMAT
direktoru cənab Əli Əsədova 
00.00.0000 № 00 
Bakı şəhəri
Mükafatlandırma haqqında 
1989-cu ilin oktyabrında 28 №-li təsərrüfat müqaviləsi yüksək səviyyədə başa çatdırılmış 
və əhəmiyyətli nəticələr alınmışdır. Müxtəlif quruluşlu hidroakustik antennalar hazırlanmış və 
onlar «Dənizcihaz»da sınaqdan müvəffəqiyyətlə keçmişdir. 
Yuxarıdakı faktları, əməkdaşların yaxşı işini nəzərə alaraq, aşağıdakı işçilərin maddi 
həvəsləndirmə fondundan göstərilən miqdarda mükafatlandırılmasını təklif edirəm: 
1. M.A.Qurbanov- mövzunun rəhbəri – 250 /iki yüz əlli/ manat; 
2. D.D.Vahidov- məsul icraçı – 250 /iki yüz əlli/ manat; 
3. Q.Q.Qasımov – icraçı – 150 /bir yüz əlli/ manat. 
Şöbə müdiri
 
M.A.Qurbanov 

---

 
 
 
 
İZAHAT 
İzahat səlahiyyətli orqanların nümayəndələrinin vətəndaşdan, müəssisə rəhbəri və 
struktur bölmənin rəhbəri tərəfindən işçidən onun hərəkəti, fəaliyyəti haqqında və ya baş 
vermiş hadisə ilə bağlı məlumatı haqqında tələb etdikləri sənəd növüdür. İzahat əllə yazılır və 
sonda imzalanır. İzahatın aşağıdakı rekvizitləri vardır: 
-sənədin adı –İZAHAT 
-sənədin ünvvanlandığı şəxsin adı, soyadı, vəzifəsi; 
-izahatı yazan şəxsin adı, atasının adı, soyadı; 
- izahatı yazan şəxsin vəzifəsi (və ya ünvanı) 
-izahatın yazılma tarixi; 
- izahatı yazan şəxsin adı, soyadı və imzası 
 
NÜMUNƏ 
«SİMURQ» kiçik müəssisəsinin direktoru cənab Əsəd 
Abbasova həmin müəssisənin xəzinədarı Rafiq Əli oğlu 
Babaşovdan
 
İZAHAT 
00.00.0000 tarixdə müəssisə əməkdaşlarının əmək haqlarının ödənilməsi zamanı 
müəssisənin kadrlar şöbəsinin müdiri Zərifə Alı qızı Bağırova onun əmək haqqını təşkil edən 
250 (iki yüz əlli) manatı məndən almış və cədvəli imzalamışdır. Bundan yarım saat keçdikdən 
sonra o, təkrar yanıma qayıtmış və aldığı pulun 200 (iki yüz) manat oldubunu bildirmiş və 
çatışmayan 50 (əlli) manatı verməyimi tələb etmişdir. Mən ona pulu kassadan uzaqlaşmamış 
saymağın lazım gəldiyini və ona əmək haqqını bütün verdiyimi deməyimə baxmayaraq, əlavə 
pul tələb etməyi davam etdirmişdir. Sonda Zərifə Alı qızı Bağırova məni təhqir etmiş və 
əlindəki daşla kassa pəncərəsinin şüşəsini sındırmışdır. Zərifə Bağırovaya onun əmək haqqını 
tam verdiyimi və kassa pəncərəsinin şüşəsinin sınmasında günahımın olmadığını bildirirəm.