Фирузя мяммядли

Seçilmiş əsərləri X 
145 
qarşılamışdı. Qızının sevgi şeirləri onu həm də hövsələdən çı-
xarmışdı. «On il bircə dənə də olsun, «4» qiymət almamışdım». 
Kamal atestatı alanda isə bir dörd yazıb qızın medalını gümüşə 
endirdilər. «Təsəvvür edin ki, medal almağım da təhsilimə 
əngəl yaratmışdı. Medalsız abituriyentlərin hamısı attestatlarını 
alıb sənədlərini instituta verdi, mən isə medala görə attestat ala 
bilmədim. (O vaxt gözləyirdilər ki, validleyn gəlib müəyyən 
adamların cibinə pul qoysun). Qardaşımla gəlib nazirliyə çıx-
dıq. Kənd uşağı, birinci dəfədir ki, şəhərə gəlirdim. Ta o vaxta 
qədər attestatı vermədilər ki, avqust başa çatdı, 31-i günü saat 
5. Attestatı aldım, amma mənim ali məktəbə sənəd vermək 
imkanım olmadı. Quba tibb məktəbində məni təbərrük kimi 
qarşıladılar. Medallı tələbə bu texnikumun tarixində ilk və 
yeganə hadisə idi. Məni hamı sevir və qiymətləndirirdi. 
Sonra ali təhsil illəri gələcəkdi. 
Bir qədər də keçəcək, nəhayət ki, ilk kitabı çapdan 
çıxacaq. Atası sevinirdi. Nə vaxtsa qəlbinə dəydiyini, şeirlər 
yazılmış kağızları cırıb ayaqları altına səpələdiyini, ona «Oxu-
mayacaqsan» deyə verdiyi əmrini də unutmuşdu. Hələ təzə 
rəng iyi verən kitabı götürüb bir xeyli baxdı. Atasının üz-gö-
zündəki sevinci ancaq ilk nəvəsi dünyaya gələn babanın sevinci 
ilə müqayisə etmək olardı. Sonra soruşdu ki, yenədəmi kitabın 
çıxacaq? Onda 1973-cü il idi. Firuzə Məmmədlinin ikinci kita-
bı 1978-ci ildə çapdan çıxdı. Və iki kitabın arasındakı məsafə-
nin bu qədər uzun çəkməsinin səbəblərindən biri də müəllifin 
qadın olması idi. İnanılası deyil, amma günü bu gün qadın ol-
masının əziyyətini çəkənlər var cəmiyyətimizdə. 
– Mən özümdən çox başqasının dərdini yaşamışam, ki-
minsə bir kədərini içimdən keçirdimmi, özümküləşdirib qələmə 
almışam. Mən daxilimdəki kiminsə dərdinin «mən»indən çıxış 
etmişəm. Deyirlər, şairlər sadist olur, öz dərdlərini oxucuya 
yükləyirlər. Yox, şair insana dərd yükləmir. Əksinə, şair axı öz 
dərdini yaşamır. Öz dərdindən çıxış etmək şairlik deyil. Bir də 

---