(Məhəmməd Füzuli) Gənclərimiz təbabətin və baytarlıq təbabətinin bazasını təşkil edən genetika
elminin böyük perspektivə malik bioloji elm sahəsi olduğunu nəzərə alıb,
sələflərimiz olan korifey alimlərimizin elmi irsində boşluğun yaranmasına yol
verməməli və onların
davamçıları olmalıdır. Genetika olduqca çətin, mü- rəkkəb, fundamental, zəngin, lakin perspektivli və maraqlı elm sahəsidir. Gənclərimiz onun çətinliklərindən qorxmamalı və korifey alimlərimizdən sonra
yaranan böyük bir yarğanın əmələ gəlməsinin qarşısını almalı və onunla ciddi
mübarizə aparmalıdır.
Bu boşluq artıq yaranıb, onun radiusu və diapozonu isə get-gedə daha da dərinləşir, genişlənir və keçilməz sədd yaradır. Bu isə milli
elmimizin inkişafı, tərəqqisi üçün ciddi maneçilik törədə bilər. Çünki ölkəmiz
hazırda insan həyatının bütün sferalarında dünya ölkələri arasında çox böyük və
dinamik sürətlə inkişaf edən bir ölkəyə çevrilib. Milli elmimizin bütün sahələri,
o cümlədən genetika elmi də bu inkişafın axınına qoşulmalı, ölkəmizin ümumi,
davamlı və dayanıqlı inkişafı ilə uzlaşmalı və həmahəng olmalıdır. Dünya
şöhrətli, dahi filosof
K.Marks yazmışdır:
«Elmdə şahraq yol yoxdur. Bu yol daşlı-kəsəkli, tikanlı-kollu, enişli-yoxuşlu, dərəli-təpəli, nahamar, çətin bir yoldur. Ancaq bu yol özü üçün, gec-tez mütləq bir çıxış yolu, hamar cığır tapacaqdır». «Elm və tərəqqinin ən xarakterik cəhəti bizim dünyagörüşümüzə tədricən yeni-yeni sahələr və üfüqlər bəxş etməsidir» (Lui Paster). Əminliyimizi, məmnuniyyətlə bildiririk ki, tezliklə ölkəmizdə gənclərdən ibarət olduqca
böyük bir genetiklər ordusu yetişəcək və beləliklə də elmimizdə boşluğun, fasilənin
qarşısı mütləq alınacaqdır. Müəlliflər isə böyük məmnunluq və nikbinlik hissi ilə
genetiklərdən ibarət gənc alimlər ordusuna yalnız və yalnız uğurlar, yeni elmi kəşflər
arzulayır. Elmi estafet və söz indi onlara verilir, vətənpərvərlik estafeti də məhz onlara
xas olan xüsusiyyətlər kimi dəyərləndirilir.
