Introduktsiya” atamasi lotincha “introductio”

Urug`ni ekishga tayyorlash. Introdutsion tajirba sinovlari boshida olingan boshlangich material tahliliy o‘rganiladi va ekishga tayyorlanadi. Qattiq po‘stli va danakli urug‘lar ekishdan oldin ivitilishi va skarifikatsiya qilinishi (qumqog‘oz bilan ishqalash, impaksiyalash, kislotalar bilan ishlash, qaynoq suvda ivitish) mumkin. Boshlangich materallar еtarli bo‘lganda uruglarning laboratoriya unuvchanligi aniqlanadi. Urug‘larning unuvchanligiga haroratning ta‘sirini o‘rganish uni ekish vaqtini aniqlashtirish imkoniyatini beradi. Ayrim o‘simliklar urug‘lari unib chiqishi uchun ma‘lum muddatda sovuq haroratli joyda saqlash yoki qorga ko‘mish talab qilinadi. Juda ko‘pchilik turlar, ayniqsa shimoliy mintaqalardan keltirilgan daraxtlar, ayrim subtropik turlar, ko‘p yillik o‘tchil o‘simliklar urug‘lari stratifikatsiya yoki skarifikatsiya qilinganda yaxshi unadi.
Urug`larni ekish. Urug‘lar maxsus tajriba maydonchalariga ekiladi. Boshqa davlatlardan olingan materiallar karantin maydonchalarida sinab ko‘riladi. Ekish muddati, ekish chuqurligi, ekish qalinligi, urug‘ning katta-kichikligi hamda introduktsiya qilinayotgan o‘simlikning biologik xusisiyatlaridan kelib chiqadi. Uruglarni erta kuzda, kuzda, kech kuzda, qishda, erta bahorda, bahorda va bahor oxirida ekish mumkin. Ayrim o‘simliklar urugi unuvchanligini tez yo‘qotishi sababli ularni tergan zahoti ekish talab qilinadi. Bunday o‘simliklar urug unuvchanligini saqlab qolish maqsadida qog‘oz paketchalarda, shisha idishlarda, folga qog‘ozda turli haroratlarda (t – 0-1°C, 4-6, 9-10, 14-16, 19-20, 24-26 30-31, 35-36, 40-42 va h.)
sinab ko‘riladi.
Barcha urug`lar yirik-maydaligiga ko`ra quyidagi toifalarga bo`lish mumkin. (5-jadval)

1. 
   Juda mayda 1 gr da 250000 gacha;
   
2. 
   Mayda 1 gr da 5000 dan12,500 gacha;
   
3. 
   O`rtacha 1 gr da 500 dan 600 ta gacha;
   
4. 
   Yirik 1 gr da 100 dan 300 ta gacha;
   
5. 
   Juda yirik 1 gr da 1 tadan 35 tagacha;
   
6. 
   Ulkan (kakos) 1 tasi 0,5-0,8 kg;
   

5-jadval