2.Jismoniy tarbiyaning mehnat va harbiy amaliyot bilan aloqasi tamoyili.Jismoniy tarbiyaning sog`lomlashtirishga qaratilganlik tamoyili. Jismoniy tarbiyaning asosiy ijtimoiy qonuniyati uning asosiy xizmat vazifasi – odamlarni faoliyatga, hayotga tayyorlashdan iboratligini ifodalaydi. Jismoniy tarbiyaning barcha tizimlarida bu qonuniyat o‘ziga xos ifodasini topadi.
Jismoniy tarbiya kishilarni barakali mehnat qilishga va o‘z Vatanini dushman hamlalaridan fidokorona himoya qilishga qodir insonlarni tayyorlashga da’vat etadi. Jismoniy tarbiyaning mehnat va harbiy amaliyot bilan aloqasi tamoyili jismoniy tarbiya tizimiga xos bo‘lgan yangi mazmun va ahamiyat baxsh etadi.
Jismoniy tarbiyaning mazkur tamoyilini amalga oshirishda shunga amal qilish zarurki, jismoniy tarbiya qayerda qo‘llanilsa, o‘sha joyda pirovard natijada mehnat va mudofaaga tayyorgarlik ko‘zda tutilishi kerak.
Jismoniy tarbiyaning amaliy ahamiyati hayotda bevosita qo‘llaniladigan harakat ko‘nikmalarini hosil etishdangina iborat, degan fikrbor. Jismoniy mashqlarning u yoki bu turi bilan shug‘ullanish natijasida ko‘nikma amaliy bo‘lsa, ya’ni sport yoki gimnastika mashg‘ulotlari sharoitlaridan mehnat va jangovar vaziyatga ko‘chiriladigan bo‘lsa, unday jismoniy tarbiya hayot bilan bog‘langandir.
Jismoniy tarbiyaning barcha xususiy vazifalarini, shu jumladan, sport mashqlari vazifalarini hal etishda (bevosita amaliy ahamiyatga ega bo‘lgan jismoniy mashqlar ham shunga kiradi) jismoniy tarbiyaning mehnat va harbiy amaliyot bilan aloqasi tamoyiliga amal qilish zarur.
3.Jismoniy tarbiyaning uslubiy tamoyillariga tavsif.Onglilik va faollilik, ko’rsatmalilik, bajara olish va individuallashtirish, muntazamlilik, taraqqiyot talablarni asta-sekinlik bilan oshirib borish) tamoyillari. Umumiy metodologik tamoyillar Umumiy metodologik tamoyillar – jismoniy tarbiya jarayonining umumiy metodikasini belgilab beruvchi dastlabki qoidalardir.
Inson organizmi va psixikasiga jismoniy mashqlar bilan muntazam ta’sir ko‘rsatish jismoniy mashqlarning qo‘llanish uslubiyatida bu ta’sirlar qonuniyatlarga mos kelgan hollardagina muvaffaqiyatli bo‘lishi mumkin. Ular asosiy va umumiy qoidalarni, shuningdek, jismoniy tarbiya jarayonining har xil tomonlarini o‘rganuvchi qator fanlarning ma’lumotlarini taqqoslash orqali berilgan tavsiyalarni aks ettiradi.
