Mövzu 1: Büdcənin sosial- iqtisadi mahiyyəti və funksiyaları

KitabYurdu.az 
25

---

3 
Azərbaycan Respublikasının Konstitusiyasına əsasən Azərbaycan 
Respublikasının 
Milli 
Məclisinin 
səlahiyyətinə 
Azərbaycan 
Respublikasının vahid dövlət büdcəsini işləyib hazırlamaq, müzakirə 
etmək, təsdiq etmək və onun icrasına nəzarət etmək,büdcənin icrası 
haqqında hesabatı təsdiq etmək, dövlət büdcəsini formalaşdırmaq üçün 
vergi və gəlirləri müəyyən etmək aiddir. 
Azərbaycan Respublikasının iqtisadi siyasət komissiyası büdcənin 
formalaşması və müzakirəsində fəal iştirak edir. Azərbaycan 
Respublikasının Milli Məclisi Azərbaycan Respublikası Prezidentinin 
təqdimatına əsasən Azərbaycan Respublikası dövlət büdcəsini təsdiq 
edir və onun icrasına nəzarət edir. Milli Məclis vergilər, rüsumlar və 
digər ödənişlər haqqında ümumi qaydaları müəyyən edir. 
Azərbaycan Respublikasının Prezidenti Azərbaycan Respublikasının 
dövlət büdcəsini Azərbaycan Respublikasının Milli Məclisinin 
müzakirəsinə və təsdiqinə cari ilin oktyabr ayının 15- dən gec olmayaraq 
təqdim edir. 
Azərbaycan 
Respublikasının Nazirlər Kabineti Azərbaycan 
Respublikası Prezidentinin yuxarı icra orqanı olmaqla Azərbaycan 
Respublikası dövlət büdcəsinin layihəsini hazırlayıb Azərbaycan 
Respublikasının prezidentinə tədqim edir, Azərbaycan Respublikası 
dövlət büdcəsinin icrasını təmin edir. 
Naxçıvan Muxtar Respublikası Ali Məclisi Naxçıvan Muxtar 
Respublikasının büdcəsini təsdiq edir. Naxçıvan Muxtar Respublikasının 
Nazirlər Kabineti Muxtar Respublika büdcəsinin lahiyəsini hazırlayıb 
Naxçıvan Muxtar Respublikasının Ali Məclisinə təqdim edir. Muxtar 
Respublikanın büdcəsinin icrasını təmin edir. 
Yerlərdə özünüidarəetmənin təşkili Azərbaycan Respublikasının 
Konstitusiyasında təsbit edilmişdir. Yerlərdə yerli özünüidarəetməni 
bələdiyyələr həyata keçirirlər. Bələdiyyələrin iclaslarında yerli vergilər 
və ödənişlər müəyyən edilir, yerli büdcələr və onun icrası haqqında 
hesabatlar təsdiq edilir.