Mövzu 1: Büdcənin sosial- iqtisadi mahiyyəti və funksiyaları

KitabYurdu.az 
43

---

11 
Büdcə layihəsinə baxılması və təsdiq edilməsi 
Maliyyə orqanlarından müvafiq büdcə layihələrini aldıqdan sonra, icra 
hakimiyyəti orqanları layihəyə baxır və zəruri hallarda düzəlişlər və əlavələr 
edir. 
Azərbaycan Respublikasının hökuməti növbəti maliyyə ilinə dövlət büdcəsi 
haqqında qanun layihəsini və ona əlavə olunmuş sənədləri və materialları 
oktyabrın 1- dək Azərbaycan Respublikası Prezidentinə təqdim edir. Azərbaycan 
Respublikasının Prezidenti növbəti maliyyə ilinə dövlət büdcəsi haqqında qanun 
layihəsinə və ona əlavə olunmuş materiallara baxdıqdan sonra onların oktyabrın 
15- dən gec olmayaraq Azərbaycan Respublikasının Milli Məclisinə təqdim edir. 
Növbəti büdcə ili üzrə dövlət büdcəsi ilə bağlı aşağıdakı sənədlər müvafiq 
icra hakimiyyəti orqanı tərəfindən Azərbaycan Respublikasının Milli Məclisinə 
təqdim edilir: 
- növbəti büdcə ili üzrə dövlət büdcəsi haqqında qanun layihəsi və qanun 
layihəsinə dair izahat; 
- Azərbaycan Respublikasının növbəti büdcə ili və gələn üç il üzrə iqtisadi və 
sosial inkişaf konsepsiyası və proqnoz göstəriciləri; 
- büdcə- vergi siyasətini əsas istiqamətləri; 
- dövlət büdcəsinin vəsaiti hesabına maliyyələşdirilməsi nəzərdə tutulan
məqsədli proqramlar; 
- büdcə gəlirləri təsnifatının, funksional, iqtisadi və təşkilati təsnifatların 
paraqrafları səviyyəsində gəlirlərin və xərclərin layihəsi; 
- dövlət borcları və dövlət zəmanətləri ilə digər öhdəliklərə dair məlumat; 
- növbəti il üzrə icmal büdcəsinin layihəsi; 
- Azərbaycan Respublikasının ərazisi üzrə toplu maliyyə balansı; 
- qanunvericiliyə uyğun olaraq Azərbaycan Respublikasının Milli Məclisi 
tərəfindən təsdiq olunması nəzərdə tutulduğu hallarda növbəti büdcə ili üzrə
büdcədənkənar dövlət fodlarının büdcələri haqqında qanun layihələri; 
- növbəti büdcə ili üzrə gəlirləri ötən ilin faktiki və cari gözlənilən nəticləri ilə , 
habelə xərclərinin funksional, iqtisadi və təşkilati təsnifatlar üzrə müqayisəsi;