Bakı Dövlət Universiteti Filologiya fakültəsi

Açar sözlər: Cəlil Nağıyev, professor, Şərq ədəbiyyatı, Qərb ədəbiyyatı, Dünya ədəbiyyatı. 
 
ÜLKƏR NƏBİYEVA 
Filologiya elmləri doktoru, professor 
Bakı Dövlət Universiteti 
XALQ YARADICILIĞININ, AZƏRBAYCANŞÜNASLIĞIN YORULMAZ TƏDQİQATÇISI VƏ 
TƏBLİĞATÇISI AZAD NƏBİYEV 
Azərbaycanda folklorşünaslıq elminin formalaşmasında, dünyanın müxtəlif ölkələrində 
özünəməxsus nüfuz qazanmasında filologiya elmləri doktoru, AMEA-nm müxbir üzvü, professor, 
Respulikanın Əməkdar Müəllimi Azad Nəbiyevin misilsiz xidmətləri vardır. 

---

BDU-nun Filologiya fakültəsi - 100 
59 
Azad Nəbiyev yaradıcılığı folklorşünaslığımızın xüsusi mərhələsidir və onun yaratdığı ənənələr 
əsasında Azərbaycan folklorşünaslarının böyük bir nəsli formalaşmışdır. 
Milli düşüncəmizin əsas mərkəzlərini vətəndaşlıq yanğısı ilə tədqiq edən Azad Nəbiyev öz əsərləri ilə 
folklorşünaslığımız, eləcə də onunla əlaqəli olan digər elm sahələri üçün əsl qaynaq, mənbə, nəzəri-
metodoloji baza yaratmışdır. 
A.Nəbiyev 1963-cü ildə Azərbaycan Dövlət Universitetinin (indiki BDU) ən samballı
fakültələrindən olan Filologiya fakültəsinə daxil olmuş, ədəbi mühitin fəal iştirakçısına çevrilmişdir. 
Təhsil aldığı dövrdə (1963-1967) müəllimlərinin nəzər-diqqətini cəlb edən A.Nəbiyev ilk yazılarını da bu 
vaxtlar nəşr etdirmişdir. 
Müəllimi Mir Cəlalın təklifi ilə universitetin aspiranturasına daxil olan Azad Nəbiyev burada folklorşünaslıq
ixtisasını seçir. 1972-ci ildə “Koroğlu” dastanının müqayisəli və tipoloji tədqiqi” mövzusunda namizədlik 
dissertasiyası müdafiə edir. 
1976-cı ildən universitetin Filologiya fakültəsində “Azərbaycan ədəbiyyatı tarixi” kafedrasına 
müəllim vəzifəsində çalışır. 1981-ci ildə Tbilisidə “Azərbaycan - özbək folklorunun tipologiyası və qarşılıqlı 
əlaqəsi” probleminə həsr olunmuş doktorluq dissertasiyası müdafiə edir, bir il sonra professor vəzifəsinə 
seçilir. Azərbaycan folklorunun tarixi və nəzəri məsələlərini, milli mifologiyanın az öyrənilmiş 
problemlərini alim böyük səylə araşdırır. 
1989-cu ildə Azad Nəbiyevin təşəbbüsü ilə Filologiya fakültəsində ilk və hələlik yeganə Folklor 
kafedrası yaradılır. Bu isə folklorumuzun tədrisini yeni əsasda təşkil edilməsini təmin etdi. Azad Nəbiyev 
özünəməxsus folklor məktəbini yaratdı, yaxın və uzaq xaricdə görkəmli elm xadimi kimi tanındı. 
Azad Nəbiyevin bir alim kimi uğurları, hər şeydən əvvəl, onun vətənə, torpağa bağlılığı, 
Azərbaycançılıq sevgisi, çoxcəhətli pedaqoji fəaliyyəti, milli dəyərləri ardıcıl şəkildə öyrənib təbliğ etməsi 
ilə bağlı idi. O, folklorşünas kadrların hazırlanması sahəsinə böyük əmək sərf etmiş, həssas müəllim kimi 
yüksək nüfuz qazanmışdı. Onun rəhbərliyi altında onlarla elmlər doktoru və namizədi yetişmişdir.