|
Funksional tələb – məmulatın öz təyinatına uyğun olması tələbidir. Məmulatlara olan konkret funksional tələblər həmin mal qrupunun çeşidinə baxılıb söylənilir.
Məmulatın konstruksiyası onun məqsəd funksiyasını optimal dərəcədə yerinə yetirilməsinə zəmanət verməlidir. İstismar zamanı məmulat davamlı olmalıdır. Vacibdir ki, məmulatın dəyişən hissələri bir-birini əvəz edə bilsin, məmulatın özü isə istismar və daşınma zamanı mümkün zərbələrə davamlı olsun.
Cihazların daxili elektrik şəbəkəsi üçün işlənilən naqillər mütləq misdən olmalıdır, alüminium naqillərin istifadəsinə yol verilmir.
Elektrik cihazların və maşınların istismarı zamanı cərəyan təhlükəsizliyi xüsusilə vacibdir. Bundan başqa onlar sağlamlıq üçün ziyanlı şüalanma verməməli, mexaniki zədələr vurmamalı, kimyəvi maddələrlə zəhərlənməməli və yanğın təhlükəsi yaratmamalıdırlar. Cihaz və maşınların gərginlik altında olan hissələri təsadüfi toxunmadan etibarlı müdafiə olunmalıdır.
İstismar zamanı qida məhsulları ilə təmasda olan cihazlar və yaxud onların hissələri Səhiyyə Nazirliyinin sanitar müfəttişliyi tərəfindən icazə verilmiş materiallardan hazırlanmalıdır.
Elektrik cihazlarının keyfiyyət göstəriciləri şərti olaraq 4 qrupa bölünür: funksional, istismar, o cümlədən etibarlılıq və erqonomik; estetik, ekonomik.
Dostları ilə paylaş: | 
