Baki – 2020 Mövzu Yumurta

Məhsulun markalanması və saxlanılması. Şüşə taralara ştamplar və ya komposterlər vasitəsilə etiketi qabartama üsulu məhsulun markalanması ilə və ya bir başa şüşəyə vurmaqla aparılır.

Polimer taralarda markalanmanı istənilən formada aparmaq olar.

Konservləri temperaturu sabit olan, quru, sərin yerlərdə saxlayırlar. Balıq konservləri havanın rütubətliyi 75%-dən çox olmayan 0-dan 15-20ºS temperaturda saxlanılır.

Preservlər üçün isə aşağı temperatur: -8-dən 0ºS tələb olunur.

Ən kiçik bombaj elementlərinin əmələ gəlməsi zamanı balıq preservləri (bunlar xarab olma kimi yox, məhsulun keyfoyyətinin qiymətləndirilməsi kimi nəzərə alınır) bankaları təxirə salmadan soyuducuda yerləşdirmək lazımdır. Soyuducuda havanın temperaturu 0ºS olmalı, məhsulun donmasına yol verilməməlidir. Preservlərin saxlama müddəti 4 aydır.

Konservlərin yuxarı temperaturda saxlanması hər şeydən əvvəl metalla bankanın içindəki məhsul arasındakı reaksiyanı sürətləndirir. Reaksiya nəticəsində konservlərdə məhlullaşmış qalayın norması lazım olan standartdan artıq ola bilər (1 kq-da 200mq). Nəticədə duzun, dəmirin və qalayın miqdarı artır ki, bu da metal dadı verir. Bir qədər aşağı temperaturda qalıq mikrobların çoxalması baş verir.

Yağlı balıq konservlərini 0ºS temperaturda saxlayırlar. Məhsulun keyfiyyətinin itməsi hiss olunan həddə olmur.

Konservlərin donması bir çox konserv məhsullarının keyfiyyətinin aşağı düşməsinə səbəb olur. Belə ki, öz şirəsində, təbii və jeledə olan konservlərin 0ºS-dən aşağı temperaturda saxlanmasına icazə verilmir, dondurulması yolverilən deyil. Çünki bu zaman balığın toxumalarının quruluşu pozulur. Bundan başqa məhsulların dondurulması bir çox hallarda qabın içində əmələ gələn buzun genişlənməsi ilə nəticələnir, bu da fiziki bombaja, hətta bankanın partlamasına səbəb olur.

Konservləri birbaşa günəş şüası altında su kəməri xətlərinin, kanalizasiyaların yaxınlığında, istilik sisteminin yanında saxlamaq olmaz (1 metrdən yaxın)

Sterilizə olunmuş konservləri bir neçə il saxlamaq olar. Bununla yanaşı ticarət şəbəkələrində onları 1-2 ildən çox saxlamaq məqsədəuyğun deyil. Tomat sousunda hazırlanan balıq konservlərinin saxlanılması bir illə məhdudlaşır. Öz şirəsində hazırlanan balıq məhsullarını iki ilə yaxın müddətdə saxlamaq olar. Bu müddətdə konservlər donmamalıdır.

Əgər bankalarda paslanmanın kiçik elementləri görünürsə, onda onu təxirəsalmadan quru əski ilə silib təmizləmək lazımdır. Bundan sonra təmizlənmiş yer, yağ va ya texniki vazelinlə silinməlidir.