2020-21. I y.il. Mühaz. Qr. ƏE-017 İstehlak mallarının ekspertizası-2
Rəngi. Kürünün rəngi (sarımtıl, qəhvəyi və s.) bankanın ağzı açıldıqdan sonra (xüsusi şpatellə qaldırılmaqla) təyin edilir.
İyi və dadı. Kürünün iyi və dadı təyin edilərkən, ilk növbədə, kürünün duzluluğuna, kənar iy və dadın olmamasına (kəskin və acı dadın, lil tamının, ət tamının, qaxsımış yağ tamının) diqqət yetirilir. Pasterizə edilməmiş kürüdə iyi təyin etmək üçün 2 – 3 sm dərinliyində və yan tərəflərdən də bu qədər məsafə saxlamaqla orta nümunə götürülür. Çəlləkdə qablaşdırılan dənəvər kürüdən nümunə götürdükdə kürü xüsusi qaşiqla qaldırılır və çəlləyin mərkəzindən orta nümunə götürülür. Dənəvər pasterizə edilmiş kürüdən isə qaşıqla nümunə götürülür və dərhal iy təyin edilir. Bankada dənəvər nərə balıq kürüsünün müvafiq standartın tələbinə əsasən orqanoleptiki göstəricilər aşağıdakı cədvəldə qeyd edilən tələbata cavab verməlidir.
Bankada dənəvər nərə balıq kürüsünün müvafiq standartın tələbinə əsasən orqanoleptiki göstəriciləri
