Teqvim2013. pdf

İ n t e r n e t d ə

www..anl.az

www.az.wikipedia.org

www.infocenter.gov.az

www.milliqahraman.az

19

Milli Qəhrəman

---

192

Milli Qəhrəmanlar

60 

illiyi

Əlif Hacıyev

1953-1992

İYUN

Əlif Lətif oğlu Hacıyev 1953-cü 

il iyun ayının 24-də Xocalı şəhərində 

doğulmuşdur. 

1970-ci ildə  məktəbi bitirərək, 

Xankəndi 

şəhərində sürücülük 

peşəsinə yiyələnmişdir. 

1971-ci ildə ordu sıralarına çağı-

rılmış, hərbi xidməti Minsk şəhərində 

keçmişdir. 

1973-cü ildə ordudan tərxis olu-

naraq Xankəndi Avtonəqliyyat Müəs-

sisəsində sürücü işləmişdir. 

1974-1984-cü illərdə Belorusiya 

DİN-nin və Azərbaycan SSR DQMV-

nin daxili işlər orqanlarında müxtəlif 

vəzifələrdə işləmişdir. 

1976-cı ildə SSRİ  DİN-in Frunze 

adına Xüsusi Orta Milis Məktəbinə 

daxil olmuşdur. 

O, 1979-cu ildə  həmin məktəbi 

bitirmiş, 1981-ci ildən təhsilini SSRİ 

DİN-nin Akademiyasında davam et-

dirmişdir. DQMV-də işləyərkən uzun 

müddət fəaliyyət göstərən gizli millətçi 

mərkəzi ifşa etməyə çalışmışdır. Buna 

görə  də erməni millətçiləri onu sax-

ta ittihamlarla günahlandıraraq 10 il 

həbs cəzasına məhkum etmişdilər. 

1987-ci ildə  işinə yenidən baxıl-

mış, 10 il həbs cəzası 6 ilə endirilmiş-

di. Sonra o, bəraət almış, azadlığa bu-

raxılmışdır.

Ə.Hacıyev 1990-cı ildə Xocalı-

ya qayıtmış  və Dağlıq Qarabağ üzrə 

Təşkilat Komitəsində, Qarabağa 

Xalq Yardımı Komitəsində  fəaliyyət 

göstərərək erməni millətçilərinə qarşı 

mübarizəsini yenidən davam etdir-

mişdir. 

O, 1990-cı ilin dekabr ayında da-

xili işlər orqanlarına yenidən bərpa 

olunmuş  və Xocalı  Təyyarə limanı 

xətt daxili işlər bölməsinə  rəis təyin 

edilmişdir. Eyni zamanda o, Xocalı 

Aeroportunun komendantı olmuşdur. 

Yaxşı fəaliyyətinə görə 1991-ci ilin 

dekabr ayında ona mayor rütbəsi ve-

rilmişdir.

Qarabağ  cəngavəri  Əlif Hacıye-

vin  əzmkarlığı  nəticəsində Xocalı 

hava limanı erməni millətçilərinin 

nəzarətindən tamamilə  çıxmış  və bu, 

onlar üçün ağır zərbə olmuşdu. Bunun 

əvəzini çıxmaq üçün düşmən 1992-ci 

ilin fevral ayının 25-dən 26-na keçən 

gecə Xocalıya hücum etmişdi.  Əlif 

və onun dəstəsi səhər saat beşə qədər 

azğınlaşmış rus hərbiçiləri və erməni 

yaraqlıları ilə vuruşmuşdular. O, bu 

qanlı döyüşdə misilsiz qəhrəmanlıqlar 

göstərərək, bir dəstə dinc əhalini Ağ-

damın  Şelli kəndinə  tərəf təhlükəsiz 

yerə  çıxarmışdı.  Əlif bir daha geriyə 

dönərək, yenidən döyüşə atılmış və bu 

zaman ağır yaralanmışdır. Vətənini, 

torpağını canından  əziz bilən  Əlif, 

Qarabağ torpağında – Xocalı faciəsi 

zamanı şəhid olmuşdu.

Azərbaycan Respublikası Prezi-

dentinin 6 iyun 1992-ci il tarixli 831 

saylı  Fərmanı ilə mayor Hacıyev 

Əlif Lətif oğluna ölümündən son-

ra “Azərbaycanın Milli Qəhrəmanı” 

fəxri adı verilmişdir.

Bakı  şəhəri  Şəhidlər Xiyabanında 

dəfn edilmişdir. Bakının Nizami rayo-

nundakı küçələrdən biri qəhrəmanın 

adını daşıyır.