Teqvim2013. pdf

95 

illiyi

İmran Qasımov 

1918-1981  

NOY

ABR

İmran Haşım oğlu Qasımov 1918-

ci il noyabr ayının 25-də Bakıda do-

ğulmuşdur. 

Orta məktəbi 1935-ci ildə bitirmiş, 

ADU-nun filologiya fakültəsinə (qiya-

bi) daxil olmuş, həm də Bakı Kinostu-

diyasında işləmişdir. Oradan Moskvaya 

kinossenaristlər kursuna göndərilmiş, 

1937-ci ildə Bakı kinostudiyasında 

təcrübə stajı keçmiş, sonra ssenarist və 

məsləhətçi olmuşdur (1938-1942). Bu 

dövrdə “Yeraltı uğultu” (1937), “Yeni 

üfüqlər” (1940) kinossenarilərini 

və “Arzu” (1938) pyesini yazmış-

dır. 1942-ci ildə beş ay Hərbi rəis 

məktəbinin dinləyicisi olmuş, 1944-

cü ilədək “Azərbaycanfilm”də ssenari 

şöbəsinin rəisi vəzifəsində  işləmişdir.  

Azərbaycan Nazirlər Soveti yanında 

Kinematoqrafiya nazirinin birinci mü-

avini vəzifəsinə irəli çəkilmişdir. Son-

ra 1944-1953-cü illərdə orada kollegi-

ya üzvü və “Literaturnaya qazeta”nın 

xüsusi müxbiri, 1953-1954-cü illərdə 

Azərbaycan Yazıçılar  İttifaqında dra-

maturgiya üzrə məsləhətçi, 1954-1956-

cı illlərdə “Literaturnıy Azerbaydjan” 

jurnalının baş redaktoru işləmişdir. 

1961-ci ilin iyununda Azərbaycan 

yazıçılarının IV qurultayında Yazıçı-

lar İttifaqının katibi seçilmiş, 1975-ci 

ilin yanvarından ömrünün sonunadək 

Azərbaycan Yazıçılar  İttifaqı  İdarə 

Heyətinin birinci katibi olmuşdur. 

O, həm də Azərbaycanın  Ədəbiyyat, 

İncəsənət və Arxitektura üzrə Dövlət 

mükafatları Komitəsinin sədri olmuş-

dur. Onun irsi zəngindir: kinossenari, 

pyes, roman, hekayə, oçerk, esse və 

publisistika onun yaradıcılığında xü-

susi yer tutur, 50-yə yaxın qısametrajlı 

filmlərin ssenarisini (novella, oçerk, 

multiplikasiya və s.) yaratmışdır. 

“Xəzər üzərində şəfəq”, “İnsan məskən 

salır”, “Dairəni genişləndirin”, “Ömrü-

müz qısadır” pyesləri, “Yeni üfüqlər”, 

“Odlar ölkəsi”, “İradə”, “Sovet 

Azərbaycanı”, “Abşeron ritmləri” və 

s. kinossenariləri, “Ceyran”, “Fransız 

qobeleni”, “İtaliya mozaikası” əsərləri 

rəğbət qazanmışdır. H.Seyidbəyli ilə 

müştərək əsərləri “Dəniz cəsurları se-

vir” (1954), “Sən nə üçün yaşayırsan?” 

(1959) pyesləri, “Uzaq sahillərdə” 

(1953), “İllər keçir” (1967) romanları-

dır. “Uzaq sahillərdə” əsəri 22 dildə 30 

dəfədən çox nəşr olunmuşdur. 

Xidmətlərinə görə Azərbaycanın 

“Əməkdar incəsənət xadimi” (1960), 

“Xalq yazıçısı” (1979) fəxri adlarına 

layiq görülmüş, Azərbaycan Dövlət 

mükafatı laureatı (1980) olmuş, Le-

nin ordeni, “Qırmızı  əmək bayrağı”, 

“Şərəf nişanı” ordenləri, SSRİ me-

dalları və Azərbaycan SSR Ali Soveti 

Rəyasət Heyətinin Fəxri fərmanı ilə 

təltif edilmişdir.

İmran Qasımov 1981-ci il aprel 

ayının 20-də Bakıda vəfat etmiş  və 

Fəxri Xiyabanda dəfn olunmuşdur. 

Bakı küçələrindən biri yazıçının adını 

daşıyır.