2.Ticarət agenti bir qrup istehlakçı ilə əlaqə yaradır - Şəxsi satışın bu cür təşkilinə nümunə kimi yenə də kosmetika satışı üzrə ixtisaslaşan Amerikanın «Meri Key prodokts» firmasının kommivoyajerlərinin fəaliyyətini göstərmək olar. Onların fəaliyyət sxemi belədir. Ticarət agentləri potensial qadın alıcılarla «bir fincan çay» dəstgahı ilə görüş təşkil etməyə razılıq verən evdar qadınları axtarıb tapırlar. Ev sahibəsi tanışlarını evinə dəvət edir, qeyri-rəsmi söhbət zamanı kommivoyajer qonaqları kosmetika nümunələri ilə tanış edir, onlardan istifadə üsullarını nümayiş etdirir. Bundan sonra «qonaqlar» özləri də təklif olunan kosmetikadan istifadə edərək sınaqdan çıxarırlar. Əmtəə kimin xoşuna gəlirsə, oradaca onu əldə edir. Ev sahibəsi onun evində satılmış əmtəənin məbləğinin 10%-i həcmində komission gəliri əldə edir və ona «Meri Key prodakts» fırmasının kosmetika satışı üzrə agenti olmaq imkani verilir.
