BəRDƏliləR

140

 

 

 

 

ƏHMƏDOV  RZA  

BƏYLƏR  OĞLU 

 

1940-cı il iyunun 19-da Bərdə rayonu-

nun Saatlı kəndində doğulub. 1956-cı ildə 

Saatlı  kənd 7 illik məktəbi, 1959-cu ildə 

Bərdə rayon 1 nömrəli istinad orta məktə-

bini bitirib. Həmin il Azərbaycan Dövlət 

Tibb İnstitutuna daxil olub. Əmək fəaliyyə-

tinə hələ tələbə ikən, 1962-ci ildə N.Krups-

kaya adına Bakı şəhər doğum evində tera- 

piya şöbəsində tibb qardaşı kimi başlayıb. 1964-cü ildə Bakı şəhər təcili 

yardım məntəqəsinə feldşer təyin olunub.  

1965-ci ildə institutu bitirərək Azərbaycan SSR Səhiyyə Nazirli-

yinin göndərişi ilə Bərdə Rayon Mərkəzi Xəstəxanasında işə başlayıb. Tə-

cili yardım məntəqəsinə  həkim təyin olunub. 1965-ci il dekabrın 20-də 

Mehdixanlı  kənd xəstəxanasına və  Vərəm sanatoriyasına terapevt təyin 

olunub. 1966-cı ildə Mehdixanlı kənd xəstəxanasına baş həkim vəzifəsinə 

keçirilib. Onun işlədiyi müddətdə  xəstəxananın yerləşdiyi bina yararsız 

olduğu üçün daha əlverişli binaya köçürülüb. 1966-cı və 1968-ci ildə Bakı 

şəhərində  Həkimləri Təkmilləşdirmə institutunda 4 aylıq kurs keçib. 

1969-cu ildə rayon Mərkəzi Xəstəxanasına metodik işlər üzrə müavin, 

1970-ci ildə  Bərdə  Şəhər Poliklinikasına sahə terapevti vəzifəsinə  təyin 

olunub. 1973-cü ildə Bakı şəhər Həkimləri Təkmilləşdirmə institutunda 4 

aylıq kurs keçdikdən sonra nevropatoloq ixtisası üzrə də işləməyə başla-

yıb.  

1975-ci ildə Bərdə Şəhər Poliklinikasına müdir, 1979-cu ildə Mər-

kəzi rayon xəstəxanasına baş  həkim vəzifəsinə irəli çəkilib. Baş  həkim 

işlədiyi müddətdə xəstəxanada ilk dəfə reanimasiya, 40 çarpayılıq rayon-

lararası nevrologiya şöbəsi açıb. 130 çarpayılıq yeni doğum evinin, 500 

gəlişli  şəhər poliklinikasının, Mirzəcəfərli kəndində 25 çarpayılıq xəstə-

xananın, sanitar – epidomoloji stansiyanın yeni binasının, uşaq xəstəxana-

sında yeni korpusun tikilməsi Rza həkimin adı ilə bağlıdır. 2 ədəd subar-

tezian quyusunun istifadəyə verilməsinə, kəndlərdə kolxozların hesabına 

kompleks poliklinikanın (aptek, 4 mənzilli yaşayış binası) tikilməsinə nail 

olub.   

1988-ci ildə öz ərizəsi ilə  işdən azad olunub, nevropatoloq işlə-

məyə başlayıb. Həmin il Xarkov şəhərində 4 aylıq reflekso-terapiya (Çin 

---

 

141

təbabəti) ixtisasartırma kursu keçib. 1996-cı ildə rayonlararası 40 çarpayı-

lıq nevroloji şöbəyə müdir təyin olunub.  

1991-ci ildə ali dərəcəli həkim ixtisası alıb, 20-yə yaxın elmi mə-

qaləsi respublika mətbuatında çap olunub. Müxtəlif illərdə təşəkkür və tə-

rifnamələr alıb. 2007-ci ilin yanvarında ailə vəziyyəti ilə əlaqədar olaraq 

Bakı şəhərinə köçüb. Həmin vaxtdan Bakı şəhər 5 saylı xəstəxanada nev-

roloji şöbədə nevropatoloq, refleksoterapevt işləyir.  

 

 

 

 

 

 

---