BəRDƏliləR
Yüklə 5,99 Mb. Pdf görüntüsü
|
|
42
SƏFƏR EDİB Martın 2-də Prezident İlham Əliyev Bərdə rayonunda səfərdə olub. Dövlət başçısı Bərdə Müalicə diaqnostika mərkəzinin, Bərdə Tarix Diyarşünaslıq muzeyinin, yeni musiqi məktəbinin açılışında iştirak edib, YAP Bərdə rayon təşkilatının yeni inzibati binası və daxili qoşunların N saylı hərbi hissəsində əsgərlər üçün yaradılan şəraitlə tanış olub. 2004- 2008-ci illəri əhatə edən Regionların sosial-iqtisadi inkişafı Dövlət proq- ramı ölkəmizin bütün bölgələri , o cümlədən Bərdə rayonunun köklü şə- kildə inkişafında mühüm rol oynayıb. Prezident İlham Əliyevin bu proq- ramın reallaşmasına şəxsən xüsusi diqqət yetirməsi, yerlərdə sağlam rə- qabətə təkan olub, orijinal ideyaların meydana çıxmasına stimul verib. Bərdə rayonunun timsalında da biz bunun əyani şahidi oluruq. Region- larda sosial iqtisadi inkişafın sürətləndirilməsinə dair əlavə 17 sərəncam imzalayan ölkə başçısı ötən beş ildə bölgələrə 127 səfər edib, 6 dəfə Nax- çıvan MR-da olub. Prezident İlham Əliyev regionlara səfəri zamanı 500- dək müəssisə və obyektin təməlqoyma və ya açılış mərasimlərində iştirak edib. Dövlət başçısı 2003-2008-ci illərdə bir neçə dəfə cəbhə bölgəsində yerləşən, Azərbaycanın qədim paytaxtlarından biri olmuş Bərdəyə səfər edib, Qarabağın bu dilbər guşəsində həyata keçirilən silsilə yenidənqurma və abadlıq tədbirləri ilə tanış olub. Ötən 5 ildə Bərdədə 9 min 337 yeni iş yeri yaradılıb, bunlardan 5 min 568-i daimidir. 142 mindən çox sakini olan, eləcə də 35 minə qədər qaçqın və məcburi köçkünün məskunlaşdığı Bərdə respublikamızın ən sürətlə inkişaf edən rayonlarından biridir. 2008- ci ildə 2007-ci ilin müvafiq dövrü ilə müqayisədə rayonda ümumi məhsul buraxılışı 44,6 faiz artaraq faktiki qiymətlərlə 160,3 milyon manat təşkil edib. Sənayedə artım 34 faiz olub. 2008-ci ildə kənd təsərrüfatında artım 2007-ci il üzrə həmin göstəricini 35,8 faiz üstələyib. Əsas kapitala yönəldilən investisiyalar 2,1 dəfə çoxalıb. Həmin müddətdə pərakəndə əmtəə dövriyyəsi 12,5 faiz ,pullu xidmətlərin həcmi isə 12,9 faiz artıb. Rayonun büdcəsinin gəlirlərinin icrasına 137,3 faiz əməl edilib. Bərdə rayonunda infrastrukturun, təhsil, idman və səhiyyənin inkişafı da xüsusi diqqətdə saxlanılıb, maddi-mədəniyyət və memarlıq abidələrinin yenidən qurulmasına və qorunmasına həssaslıqla yanaşılıb. Son 5 ildə Bərdədə 13 orta məktəb inşa edilib. Bunlardan 3-ü Heydər Əliyev Fondunun dəstəyi ilə ərsəyə gətirilib. Bütün məktəblər kompyuterlərlə və müxtəlif əyani dərs vəsaitləri ilə təmin olunub. Bərdədə abadlıq və yaşıllaşdırma tədbir- ləri də geniş vüsət alıb.
43 Prezident İlham Əliyev 2009-cu ildə regionlara səfərini cəbhə böl- gəsindən başlayıb. Dövlət başçısı və xanımı Mehriban Əliyeva Bərdə ra- yonuna gəliblər. Prezident İlham Əliyev və xanımı Mehriban Əliyeva ulu öndər Heydər Əliyevin abidəsini ziyarət ediblər. Bərdə Müalicə Diaqnostika Mərkəzi də nəfis, orijinal və müasir görkəmi ilə diqqəti cəlb edir. Azərbaycanda ulu öndər Heydər Əliyevin ideya və təşəbbüsü, Prezident İlham Əliyevin hərtərəfli dəstəyi ilə ölkə- mizin bütün bölgələrində ərsəyə gətirilən bu tibb ocaqlarının sadəcə ümu- mi görünüşü ilə tanışlığın özü belə təsirli bir müalicədir. Bərdə Diaqnos- tika Mərkəzi Regionların sosial-iqtisadi inkişafı Dövlət Proqramı çərçivə- sində ölkə başçısının müvafiq sərəncamına əsasən tikilib. Burada inşaat işləri sürətlə və peşəkarlıqla həyata keçirlib. Müasirlik və milli üslubun uzlaşdırılmasına həssaslıqla yanaşılıb. Respublikamızdakı bu cür möhtə- şəm səhiyyə ocaqları Qərbin ən inkişaf etmiş ölkələrindəki analoji tibb müəssisələrindən heç də geri qalmır. Ətrafdakı abadlıq və yaşıllıq bura əlavə yaraşıq gətirir. Mərkəzin ətrafında 6 min kv. m sahədə yaşıllaşdırma işləri görülüb. Burada mükəmməl infrastruktur yaradılıb. Tibb ocağının ayrıca elektrik enerjisi yarımstansiyası, generator otağı və qazanxanası var. Bütün avadanlıqlar ən son texnologiyalara əsaslanır. Həyətdə 500 ton tutumu olan su anbarı da var. Qəbul şöbəsi birinci mərtəbədədir. Belə möhtəşəm tikililər müstəqilliyimizin real töhfələrindəndir. Təbii ki, milli maraqların başlıca meyar olması, hərtərəfli dövlət siyasəti və qara qızılın xalqın ən ümdə istək və arzularına yönəldilməsi bu cür xariqələrin ger- çəkləşməsinin əsas qayəsidir. İnşaat işlərində yerli materiallarla yanaşı Almaniya, Polşa, İspaniya, Türkiyə və digər ölkələrin tikinti materialla- rından geniş istifadə olunub. Foyedə ulu öndər Heydər Əliyevin və Prezi- dent İlham Əliyevin tibb sahəsinə göstərdiyi diqqət və qayğını əks etdirən fotostend qurulub. 1-ci mərtəbədəki Şüa-Diaqnostika və Hemodializ şöbələrində ideal şərait yaradılıb. Hemodializ Şöbəsi Prezident Fondundan ayrılan vəsait hesabına maliyyələşib. Xəstələr əlavə xərc çəkmədən burada pulsuz müalicə olunacaqlar. Artıq Bərdə ilə yanaşı qonşu Ağcabədi, Tərtər, Yev- lax, Goranboy, Beyləqan, Ağdam və digər rayonlardan müraciətlər daxil olmaqdadır. Bu mərkəzdə yalnız ən son elmi texniki yeniliklərə əsaslanan avadanlıqlar quraşdırılıb. Mərkəz Azərbaycan Dövlət Neft Şirkətinin və- saiti hesabına inşa və təchiz edilib. Bu səhiyyə müəssisəsində “OTİS” fir- masının üç müasir lifti quraşdırılıb. Bu tibb ocağının 2-ci mərtəbəsində inzibati, cərrahi stasionar, konsultativ diaqnostik poliklinika şöbələri var. Avadanlıqlar Almaniya, Yaponiya və digər ölkələrin ən tanınmış şirkətlə- rindən alınıb. Dövlət başçısının tapşırığına uyğun bütün müalicə-diaqnos- tika mərkəzlərində olduğu kimi burada da yalnız ən son avadanlıqlara üs- tünlük verilir. Prezident İlham Əliyevin təməlini qoyduğu bu səhiyyə oca-
44 ğında silsilə tibbi xidmətlər göstəriləcək, 3-cü mərtəbədə konsultativ diaq- nostik poliklinika, anesteziologiya və reanimasiya şöbələri və əməliyyat bloku fəaliyyət göstərəcək. Bu mərkəz sırf cərrahi profillidir. 260 nəfərin çalışacağı səhiyyə ocağında 4 cərrahiyə otağı yerləşir. Mərkəzdə xəstələrə xidmət və müalicə tam pulsuz olacaq. Bütün xərcləri Azərbaycan Dövlət Neft Şirkəti ödəyəcək. Xəstələrin qidalanmalarına da xüsusi diqqət yetiri- ləcək. Bu tibb ocağında iki yeməkxana fəaliyyət göstərəcək. Yeməkxana- larda eyni vaxtda 54 nəfərin qidalanması mümkün olacaq. Mətbəxdə İta- liyanın müasir avadanlıqları quraşdırılıb. Mərkəzin 4-cü mərtəbəsində konfrans zalı, yardımçı otaqlar və əczaxana yerləşir. Konfrans zalı 150 nəfərlikdir. Burada xüsusi video-avadanlıq quraşdırılıb. 3-cü mərtəbədəki 4 cərrahiyə otağının hər birindəki cərrahiyyə əməliyyatını konfrans zalın- dakı monitorda canlı izləmək mümkün olacaq. Əslində bu cür müalicə diaqnostika mərkəzləri Azərbaycan səhiyyəsində əsl inqilabi xarakter daşıyır və tibb sahəsində aparılan islahatların yüksək səviyyəsinə dəlalət edir. Bu mükəmməl tibb ocaqları eyni zamanda Prezident İlham Əliyevin neft kapitalını insan kapitalına çevirmək istiqamətində həyata keçirdiyi əvəzsiz töhfələrdəndir. Prezident İlham Əliyev və xanımı Mehriban Əli- yeva martın 2-də Bərdə Müalicə diaqnostika mərkəzinə gəliblər. Dövlət başçısı mərkəzin açılışı münasibətilə qırmızı lenti kəsib. Azərbaycan Dövlət Neft Şirkətinin prezidenti Rövnəq Abdullayev yeni inşa olunan bu səhiyyə ocağı barədə ölkə başçısına ətraflı məlumat verib. Prezident İlham Əliyev mərkəzin yeməkxanası ilə tanış olub. Şüa- diaqnostika şöbəsindəki kompüter-tomoqrafiya və rentgen kabinetindəki rəqəmsal müayinə aparatlarına baxıb. Dövlət başçısı mərkəzin 3-cü mər- təbəsində yerləşən reanimasiya zalı, intensiv terapiya palatası və digər şö- bələri gəzib. Anesteziologiya və reanimasiya şöbəsindəki əməliyyat otaq- ları ilə tanışlıq zamanı Prezident İlham Əliyevə məlumat verilib ki, bura- da ən müasir avadanlıqlar quraşdırılıb. Bu şöbədəki əməliyyat otaqları mürəkkəb cərrahiyyə əməliyyatlarının həyata keçirilməsinə imkan yara- dır. Ölkə başçısına mərkəzdə yerləşən müxtəlif xəstəliklərin müayinəsi və müalicəsi üzrə kabinetlər barədə də məlumat verilib. 2-ci mərtəbədə yer- ləşən inzibati konsultativ poliklinika şöbələrindəki dünya standartlarına cavab verən tibbi avadanlıqla dəqiq diaqnoz qoyulması və hərtərəfli müa- licə aparılması mümkündür. Prezident İlham Əliyevə stasionar şöbədəki palatalarda yaradılan ideal şərait barədə də ətraflı məlumat verilib. 1-ci mərtəbədə tibbin ən son nailiyyətləri ilə seçilən Hemodializ şöbəsi yerlə- şir. Ölkə başçısı dializ otaqları və dializ zalında olub. Sonra Prezident İl- ham Əliyev mərkəzin kollektivi ilə görüşüb və açılış münasibətilə ən xoş arzularını bildirib. Dövlət başçısı qeyd edib ki, bu mərkəzdə istər Bərdə, istərsə də qonşu rayonlardan olan sakinlər ən yüksək səviyyədə səhiyyə xidməti ala biləcək. Əməkdar həkim Zeynəb Əliyeva kollektiv adından
45 Azərbaycan Prezidentinə ən xoş arzularını çatdırıb. O, ulu öndər Heydər Əliyevin Bərdənin hərtərəfli inkişafında və Respublikanın ən çiçəklənən diyarına çevrilməsində müstəsna xidmətlərini vurğulayıb. Zeynəb Əliyeva Prezident İlham Əliyevin də Bərdəyə qayğısını əsirgəmədiyini deyib. O, Azərbaycanın mədəniyyətinin, təhsilinin, səhiyyəsinin inkişafında Heydər Əliyev Fondunun kompleks və ardıcıl xidmətlərini diqqətə çatdırdı və Fondun prezidenti Mehriban Əliyevaya bərdəlilər adından xüsusi minnət- darlığını bildirdi. Prezident İlham Əliyev xüsusi vurğulayıb ki, Bərdəyə qayğı bundan sonra daha da gücləndiriləcək. Dövlət başçısı son illərdə Bərdənin sosial inkişafı ilə bağlı həyata keçirilən tədbirlərdən razılığını bildirib. Prezident İlham Əliyev dünyada iqtisadi və maliyyə böhranının tüğyan etməsinə baxmayaraq, Azərbaycanda quruculuq prosesinin və öl- kəmizin sosial iqtisadi inkişafının möhkəmləndirilməsinin uğurla davam etdiyini söyləyib. Prezident İlham Əliyev regionda strateji mövqeyi olan Bərdənin daha da inkişaf etdirilməsi yolunda bərdəlilərə bir daha ən xoş arzularını bildirib. Mərasimin sonunda Prezident İlham Əliyev və xanımı Mehriban Əliyeva mərkəzin kollektivi ilə xatirə şəkli çəkdiriblər. Bərdə Tarix Diyarşünaslıq muzeyinin yenidən qurulmasına 2008- ci ilin əvvəlində başlanıb, bu tədbirlər həmin ötən ilin sentyabrında ye- kunlaşdırılıb. Muzeyin layihəsi xüsusi zövqlə işlənib .Ətrafda nəfis yaşıl- lıqlar salınıb, hərtərəfli abadlıq işləri görülüb. Bərdə Tarix Diyarşünaslıq muzeyi, Azərbaycanın zəngin və qədim mədəniyyətinin qorunması və in- kişaf etdirilməsi və qədərincə təbliği baxımından son illərdə Dövlət səviy- yəsində aparılan kompleks və ardıcıl tədbirlərə əsaslı töhfədir. Muzey və buradakı eksponatlar Qarabağın tarixinə göz dikən ermənilərə tutarlı ca- vabdır. 5-ci əsrdə Albaniyanın paytaxtı Qəbələdən Bərdəyə köçdükdən sonra bu antik şəhər nəinki qədim Azərbaycanın, o cümlədən Yaxın Şər- qin siyasi, iqtisadi və mədəni mərkəzlərindən birinə cevrilir. Bu barədə türk, fars, ərəb, gürcü və digər dillərdəki yazılı qaynaqlarda geniş və mü- fəssəl məlumatlar əksini tapıb. Qədim Bərdənin əzəməti və gözəlliyi dahi Nizami Gəncəvinin “İsgəndərnamə”sində də böyük məhəbbətlə vəsf olu- nur. Muzeydəki iki ekspozisiya zalındakı maddi mədəniyyət nümunələri insanda qürur hissi doğurur. Burada çeşidbəçeşid, bir-birindən dəyərli 2200 eksponat toplanıb. Həmin eksponatlar 19-cu əsrin ikinci yarısından aparılan 2006-cı ildən isə xüsusi vüsət alan arxeoloji qazıntılar nəticəsin- də meydana çıxarılıb. Eksponatlar Bərdədə antik və ilkin orta əsrlər döv- ründə həyatın bütün sahələrində, o cümlədən iqtisadiyyatda güclü inkişaf- dan xəbər verir. Bərdə strateji cəhətdən əlverişli mövqedə yerləşdiyindən burada həyat daim qaynayıb, tərəqqi başlıca meyar olub. Bərdə Tarix Di- yarşünaslıq muzeyindəki eksponatlar Qarabağın, doğma Azərbaycanımı- zın ilkin insan məskənlərindən biri olmasına dəlalət edən danılmaz sü- butlardır.
46 Prezident İlham Əliyev və xanımı Mehriban Əliyeva Bərdə Tarix Diyarşünaslıq muzeyinin açılış mərasiminə gəliblər. Dövlət başçısına mu- zeydə aparılan yenidənqurma tədbirləri barədə geniş məlumat verilib. Qeyd olunub ki, ötən il əsaslı şəkildə yenidənqurulan muzeydə tərtibat iş- lərinə sentyabr ayında başlanılıb və həmin tədbirlər qısa müddətdə, yük- sək keyfiyyətlə yekunlaşdırılıb. Bu mədəniyyət ocağı regionların sosial- iqtisadi inkişafına əvəzsiz töhfələrdəndir. Prezident İlham Əliyevə qədim Bərdənin maketi nümayiş etdirilib. Qeyd olunub ki, Bərdə V-X əsrlər ər- zində intibah dövrünü yaşayıb, yaxın Şərqin o dövr üçün ən əzəmətli ya- şayış məskənlərindən sayılan Bağdadla müqayisə edilib. Bu həqiqət bir sıra yazılı mənbələrdə, o cümlədən əl-Təbərinin qeydlərində hərtərəfli ək- sini tapıb. Maraqlıdır ki, məhz Bərdə Tarix Diyarşünaslıq muzeyinin ya- xınlığında bünövrə qazılarkən burada yeraltı şəhər aşkarlanıb. Bu barədə Azərbaycan Milli Elmlər Akademiyasının Arxeologiya İnstitutuna məlu- mat verildikdən sonra başlanan arxeoloji qazıntılar nəticəsində burada də- finə, qədim gümüş və qızıl pullar tapılıb. 2006-cı ildən başlayaraq Bərdə- nin tarixinin daha dərindən araşdırılmasına start verilib. Bərdə Rayon İcra Hakimiyyətinin təşəbbüsü ilə yaradılan xüsusi komissiya konkret tədbirlər həyata keçirib. Milli Elmlər Akademiyasının ekspedisiya qrupunun səylə- ri hesabına Bərdənin yaşının 3 min il olduğu müəyyənləşdirilib. 2009-cu ildə Azərbaycan Milli Elmlər Akademiyası Bərdənin 3000 illik yubileyi münasibəti ilə elmi praktiki konfrans keçirəcək. Bu möhtəşəm reallığın- Bərdənin 3000 illik tarixinin konkret faktlarla təsdiqlənməsi Azərbaycan torpaqlarını işğal edən ermənilərin yalan və iftiralarının əsl mahiyyətini bir daha üzə çıxarır. Qarabağın qədim tarixini özündə yaşadan Bərdə tür- bəsi – Nüşabə qalasının da yaxın vaxtlarda bərpasına başlanacaq. Bu, Pre- zident İlham Əliyevin xüsusi sərəncamı əsasında reallaşdırılır və artıq la- yihə smeta sənədləri hazırdır. Prezident İlham Əliyevə Bərdənin qədim tarixini dolğun ehtiva edən eksponatlar barədə geniş məlumat verildikdən sonra dövlət başçısı muzeyin xatirə kitabına ürək sözlərini yazıb. Ölkə başçısı Azərbaycanın tarixi və mədəniyyətinə həssas münasibətin bariz nümunəsi olan Bərdə Tarix Diyarşünaslıq muzeyinin daha da zənginləşdi- rilməsi, rayonda bu cür tədbirlərin genişləndirilməsi barədə tapşırıq və tövsiyələrini verib, kollektivə uğurlar arzulayıb. Yeni tikilən Bərdə Şəhər Musiqi Məktəbi də rayonda son illərdə həyata keçirilən mühüm tədbirlərdəndir. Məktəb Prezident İlham Əliye- vin göstərişi və Heydər Əliyev Fondunun yaxından dəstəyi ilə ərsəyə gəti- rilib. Bu musiqi ocağının tikintisinə 2008-ci ilin may ayından başlanıb, 8 ay ərzində inşaat ,tərtibat və təchizat işləri başa çatdırılıb. Bu Bərdədə fəa- liyyətə başlayan 7-ci musiqi məktəbidir. Məktəbdə 400 şagirdin musiqinin sirlərinə yiyələnməsi üçün hərtərəfli şərait yaradılıb. Foyedəki milli və müasir aura insanı elə ilk andaca musiqi dünyasına kökləyir, ruhunu oxşa-
47 yır. 1-ci mərtəbədəki Heydər Əliyev guşəsi yeniyetmə və gəncləri xalqı- mızın ən dəyərli sərvətlərindən olan zəngin musiqi və mədəniyyətinə də- rindən bağlılığa səsləyir. Məktəbdə 37 otaq var. Burada tar, kamanca, for- tepiano,skripka, nağara, qarmon və digər alətlərdə ifa bacarığı aşılanacaq. Nəzəriyyə və musiqi ədəbiyyatı otaqları gənclərin musiqinin fəlsəfəsinə daha dərindən yiyələnmələrinə xidmət edir. Hər bir mərtəbədəki səliqə- sahman göz oxşayır. Bir-birindən maraqlı rəsm əsərləri də buranın yetir- mələrini orijinal melodiyalara, yaradıcılıq əhval-ruhiyyəsinə kökləyəcək. Məktəbin 3-cü mərtəbəsində saz sinfi fəaliyyət göstərir. Təbii ki, məktəb- də xalqımızın gələcəyi olan uşaqlara ecazkar, sehrli muğamın incəlikləri də tədris olunacaq. Prezident İlham Əliyev və xanımı, Heydər Əliyev Fondunun pre- zidenti Mehriban Əliyeva Bərdə Şəhər Musiqi Məktəbinin açılış mərasi- mində iştirak ediblər. Prezident İlham Əliyevə Bərdə musiqi məktəbi haqqında ətraflı məlumat verilib. Bildirilib ki, burada gənclərin musiqinin sirlərini öyrən- mələri üçün hər cür şərait yaradılıb. Dövlət başçısı və xanımı məktəbdəki nəzəriyyə və musiqi ədəbiyyatı otaqlarını gəziblər, fortepiano otağında olublar. Prezident İlham Əliyev foyedə ulu öndər Heydər Əliyevin mədə- niyyətimizə və incəsənətimizə göstərdiyi diqqətini əks etdirən fotostendlə tanış olub. Prezident İlham Əliyev və xanımı Mehriban Əliyeva musiqi məktəbinin zalında da olublar. Burada müxtəlif konsertlərin keçirilməsi üçün musiqi alətləri var, xüsusi səs avadanlıqları quraşdırılıb. Dövlət baş- çısı və xanımı musiqi məktəbinin şagirdlərinin hazırladığı gözəl musiqi nömrəsini dinləyiblər. Prezident İlham Əliyev və xanımı Mehriban Əliye- va uşaqlara uğurlar arzulayıblar. Dövlət başçısı musiqi məktəbinin kollek- tivinə tövsiyələrini verib, onlara uğurlar arzulayıb. YAP Bərdə rayon təşkilatının yeni inzibati binası müasirliyi ilə diqqəti çəkir. 2006-cı ilin aprel ayında burada başlanan yenidənqurma tədbirləri başa çatdırılıb, şəhərin mərkəzində yerləşən 2 mərtəbəli yeni bi- nanın tikintisi yekunlaşdırılıb. Binanın ətrafla ümumi ansambl təşkil et- məsinə xüsusi diqqət yetirilib. İnşaat işləri daxili imkanlar hesabına aparı- lıb. Ətrafda kompleks abadlıq işləri görülüb. Buranın daxili tərtibatı da könül açandır. Layihə mükəmməlliyi ilə diqqəti çəkir. Heydər Əliyev gu- şəsində ulu öndərin Azərbaycanın müasir tarixindəki müstəsna rolu hər- tərəfli əksini tapıb. 1-ci mərtəbədə YAP Bərdə rayon təşkilatı sədrinin müa- vinlərinin, təlimatçıların, uçot bölmə müdirinin iş otaqları yerləşir. Parti- yanın rayonun təşkilatının gənclər birliyi və qadınlar şurası da bu mərtə- bədə fəaliyyət göstərir. İş otaqlarında informasiya-kommunikasiya texno- logiyalarına geniş yer verilib. Rayon təşkilatı sədrinin iş otağı isə 2-ci mərtəbədədir. Bir sıra yardımçı otaqların da yerləşdiyi bu mərtəbədə ən müasir tələblərə cavab verən 60 yerlik akt zalı var. Burada təşkilatın fəa-
48 liyyəti ilə bağlı fikir mübadiləsi aparılması, qarşıda duran vəzifələrin dol- ğun müzakirəsi üçün hərtərəfli şərait yaradılıb. Təşkilatın üzvləri rayonun ictimai siyasi həyatında fəal mövqe tuturlar. Prezident İlham Əliyev martın 2-də YAP Bərdə rayon təşkilatının yeni inzibati binası ilə tanış olub. Dövlət başçısına ulu öndər Heydər Əli- yevin yaradıcısı olduğu Yeni Azərbaycan Partiyasının ideyalarının həyata keçirilməsində fəal mövqeyi ilə seçilən Bərdə rayon təşkilatının yeni iş şəraiti və fəaliyyəti barədə geniş məlumat verilib. Qeyd olunub ki, 1993- cü il martın 13-də yaradılan bu təşkilatın üzvlərinin sayı 7500-ə çatır. Par- tiya sıralarına qoşulmaq istəyənlərin sayı çoxdur. Təkcə 2009-cu ilin yan- var və fevral aylarında 300 nəfərə qədər bərdəli YAP Bərdə rayon təşkila- tının üzvlüyünə qəbul olunub. Yeni inzibati binada yaradılan şəraitlə tanış olan dövlət başçısı tapşırıq və tövsiyələrini verib, təşkilatın üzvlərinə üm- də amallar naminə uğurlar arzulayıb. Bərdədə səfərdə olan Prezident İlham Əliyev daxili qoşunların N saylı hərbi hissəsinə gəlib. Daxili işlər Naziri, general-polkovnik Ramil Usubov dövlət başçısı, Ali Baş komandan İlham Əliyevə raport verib. Öl- kə Prezidenti hərbi hissənin yeni tikilmiş yataqxanasına gəlib və əsgərlər üçün yaradılan şəraitlə yaxından tanış olub. Burada hər şey müasir tələb- lərə uyğun qurulub. Ali Baş komandana hərbçilərin ictimai-siyasi və ümumi hazırlığı, yataq şəraiti və istirahət saatlarını mənalı keçirmələri üçün görülən tədbirlər barədə məlumat verilib. Yeni korpusda əyani təb- liğat vasitələrinə geniş yer ayrılıb. Tərtibat işləri yüksək zövqlə aparılıb. Bütün bunlar əsgərlərin yüksək vətənpərvərlik ruhunda xidmət etməsinə şərait yaradır. Yüklə 5,99 Mb. Dostları ilə paylaş:
|