Bilimlendiriw ministrligi

Pul formasındaǵı transfert
– bir institutcion birliktiń basqa bir institutcion 
birlikke hesh qanday ekvivalent almastan ótkergen tólem yamasa tólengen naq 
pulları.
Renta 
– alıwshıdan isbilermenlik xızmetin talap etpeytuǵın capital, múlik yamasa 
jer maydanınan alınatuǵın dáramat. 
Saylanba baqlaw
– bir bólegin baqlaw usılı bolıp, bunda toplamnıń hámmesi 
emes, al belgili bir saylaw qaǵıydaları tiykarında ajıratıp alınǵan hám pútin 

---

214 
toplamdı ulıwma halda хarakterley alatuǵın onıń bir bólegi úyreniledi hám pútin 
toplamǵa tarqatıladı. 
Statistikalıq baqlaw
– úyrenilip atırǵan social-ekonomikalıq hádiyseler hám 
processler haqqındaǵı maǵlıwmatlardı jobalı, ilimiy, ulıwmalastırılǵan tiykarda 
toplaw processi túsiniledi. 
Statistikalıq esabat 
– Ózbekstan respublikası statistika komiteti
 
yaki onıń 
jergilikli shólkemleri hám de Ózbekstan respublikası Finans ministrligi tárepinen 
tastıyqlanǵan, tiyisli kórsetkishlerge iye bolǵan, ǵárezsiz balansta turıwshı barlıq 
kárхana, mekeme hám shólkemler tárepinen belgilengen múddetlerde nızamlı 
tártipte shólkemlestiriliwshi, statistika hám joqarı shólkemlerge jiberilip turılatuǵın 
esabat formaları túsiniledi. 
Statistikalıq gruppalaw
– waqıya hám processlerdi tereń hám hár tárepleme 
úyreniw maqsetinde eń kerekli, хarakterli belgiler boyınsha birdey gruppa hám 
kishkene gruppalarǵa bólip úyreniwge aytıladı.
 
Statistikalıq kórsetkish
– anıq sharayatta payda bolǵan waqıya hám hádiyseniń 
muǵdarın, kólemin, bahasın хarakterleydi. Kórsetkishler sisteması bolsa bir-biri 
menen óz-ara baylanıslı bolǵan pútin sistema bolıp, hádiyse hám waqıyaları bir 
pútinliginshe хarakterleydi. 
Statistikalıq toplam
– óz-ara baylanısta bir qıylı sapaǵa iye bolǵan hádiyseler, 
elementler, birlikler, dáliylewler toplamı túsiniledi. Máselen, sanaatta miynet haqı 
menen miynet ónimdarlıǵı ortasındaǵı qatnas statistikalıq tárepten tekseriliwi lazım 
bolsa, bunday jaǵdayda barlıq sanaat kárхanaları statistikalıq toplam bolıp 
esaplanadı.