Bilimlendiriw ministrligi
Yüklə 5,01 Kb. Pdf görüntüsü
|
|
Pikir bildiriwshiler:
Abdullaev I. S. – ekonomika ilimleri doktorı, docent. Sauxanov J.K. –ekonomika ilimleri kandidatı, docent. Oqıw qollanba Berdaq atındaǵı Qaraqalpaq mámleketlik universiteti Keńesiniń 30-may 2020-jılǵı 10-sanlı protokolı menen basıp shıǵarıwǵa usınıs etilgen. 3 SÓZ BASÍ Ekonomikalıq reformalardıń búgingi basqıshında ekonomikanı basqarıw hám tártipke salıw mexanizmin túpten ózgertiw, modernizaciyalaw, sanaat, awıl xojalıǵı hám basqa tarmaq, tarawlardıń óndirisin texnikalıq hám texnologiyalıq tárepten qayta qurıw, tereń strukturalıq ózgerislerdi ámelge asırıw boyınsha keń kólemli jumislar alıp barılmaqta. Ózbekstan Respublikası Prezidentiniń 2017 jıl 7 fevraldaǵı ˗ «Ózbekstan Respublikasın jánede rawajlandırıw boyınsha Háreketler strategiyası haqqında»ǵı PF˗4947-sanlı pármanı tiykarında belilep berilgen, ekonomikanı jánede rawajlandırıw hám liberallastırıwǵa baǵdarlanǵan makroekonomikalıq turaqlılıqtı bekkemlew, ekonomikanıń joqarı ósiw pátlerin saqlap qalıw, milliy ekonomikanıń básikige shıdamlılıǵın joqarlatıw wazıypaların orınlawda ámeliyatta sınawdan ótken, хalıqaralıq statistikada keń qollanılıp atırǵan, хalqaralıq talaplar hám standartlarǵa sáykes keliwshi statistikalıq analizdiń zamanagóy usılların, kórsetkishlerin, bahalaw kriteriyaların hám esabat formaların engiziw búgingi kúnniń baslı máseleleri bolıp esaplanadı. Bul máselelеrdi ámelge asırıwda «Statistika teoriyası» páninde úyreniletuǵın temalar hám teoriyalıq–ámeliy máseleler úlken áhmiyetke iye. Statistika teoriyası páni social-ekonomikalıq qubılıs hám processler haqqında dáslepki maǵlıwmatlardı toplaw, qayta islew hám analizlew usılların úyrenedi. Joqarıda keltirilgenlerdi, sonday-aq jańa áwlad oqıw qollanbasın jaratıw hám olardı joqarı bilimlendiriw sistemasına engiziw, joqarı oqıw orınlarınıń málimleme resurs oraylarınıń fondın jańa ádebiyatlar menen toltırıp barıw maqsetinde avtor tárepinen «Statistika teoriyası» páni boyınsha joqarı oqıw orınlarınıń 5230400- «Statistika» tálim baǵdarı studentleri ushın bul oqıw qollanbası jaratıldı. Oqıw qollanba mámleketlik tálim standartları boyınsha islep shıǵılǵan hám Respublika muwapıqlastırıw komissiyası tárepinen usınıs etilgen pánniń úlgi baǵdarlaması tiykarında jazıldı. Oqıw qollanbanıń maqseti barlıq hádiyse hám waqıyalardı sıpatlawshı kórsetkishlerdi esaplaw teхnologiyasın, olardıń quramın, dinamikasın, ózara 4 baylanısın, olarǵa tásir etiwshi faktorlardı anıqlawda hám analizlewde zárúr bolǵan ekonomikalıq-statistikalıq metodlardı qollanıw jolların úyreniwden ibarat. Oqıw qollanbada statistika teoriyası hám uslubiyatı máseleleri tolıq ashıp berilgen, yaǵnıy statistikalıq baqlaw, svodkalaw, gruppalaw, statistikalıq kesteler, grafiklar, absolyut, salıstırmalı, ortasha muǵdarlar hám variaciyanı úyreniw usılları, saylanba baqlaw, korrelyaciyalıq-regressiyalıq analiz, dinamikanı úyreniw hám indeks usılları kórip shıǵılǵan. Oqıw qollanba qaraqalpaq tilinde taza latın imlasında birinshi márte jazılǵanlıǵı ushın ayrım kemshilikler bolıwı múmkin, onıń mazmunın bayıtıw, ilimiyligin joqarılatıw boyınsha pikir hám usınıslarıńız ushın aldın-ala minnetdarshılıǵımızdı bildiremiz. |