233
12. MODDA VA ENERGIYA ALMASHINUVININIG BOSHQARILUVI
12.1. Modda va energiya almashinuvini neyrogumoral boshqariluvi
Hayvon organizmi qat‘iy ravishda tartibga solingan va o‗zaro
bir-biri bilan
bog‗liq bo‗lgan organ va to‗qimalarning murakkab tizimidir. To‗qimalarda
uzluksiz ravishda sodir bo‗ladigan almashinuv jarayonlari o‗ziga xoslikda va
maxsuslikda yuz beradi, shu asosda organizmning butunligi hamda undagi hayotiy
jarayonlarning kechishi ta‘minlanadi, bu esa evolyutsiya
davomida shakllangan
o‗ta murakkab boshqaruv mexanizmlari majmuasidan iboratdir. Moddalar
almashinuvining shu yo‗sinda nozik ravishda boshqariluvi alohida olingan organlar
va to‗qimalar o‗rtasida doimiy bog‗lanish aloqalari mavjudligiga asoslangan.
Hayvon organizmidagi almashinuv jarayonlarini tashqi muhitning o‗zgarishlariga
mos ravishda bo‗lishini
boshqarilishi, hayvonlarning o‗zgaruvchan muhitda
mavjud bo‗lishiga va bu o‗zgarishlarga monand
ravishda moslashuviga imkon
beradi.
12.1.1. Moddalar almashinuvining boshqariluvida
markaziy asab tizimining roli
Almashinuv jarayonlarining boshqariluvi asab tizimi orqali va gumoral tizim
(qon, limfa)ga maxsus moddalarning kiritilishi yo‗li bilan sodir bo‗ladi, ulardan
ba‘zilari metabolik
jarayonlarni faollashtiradi, boshqalari ingibirlaydi. Hayvon
organizmining
asab tizimi, uning markaziy apparati‒orqa miya va bosh miya
almashinuv jarayonlarini umumiy boshqariluvida yetakchi rol o‗ynaydi.
Organizmning barcha to‗qimalarida joylashgan ko‗p
sonli sezuvchi nerv
uchlari‒interoretseptorlar metabolik jarayonlarning holati haqida markaziy asab
tizimini doimiy ravishda ―xabardor qilib turadi‖, periferik asab tizimi esa markaziy
asab tizimi va to‗qima bilan qarama-qarshi yo‗nalishdagi
aloqani amalga oshirish
orqali metabolizmning me‘yoriy darajada bo‗lishini ta‘minlaydi.
Almashinuv jarayonlarini boshqariluvida gipotalamusning roli katta.
Markaziy asab tizimining ushbu qismi qator gormonlar ishlab chiqaradigan
endokrin bez ‒ gipofiz bilan bevosita bog‗langan.
Dostları ilə paylaş: