3
KIRISH
Biologik kimyo – tirik organizmlarning tarkibi, ularda uchraydigan
birikmalarning strukturasi, xossalari, lokalizatsiyasi, ularning hosil bo‗lish yo‗llari
va qonuniyatlarini, almashinuvi mеxanizmlarini o‗rganuvchi fandir.
Insoniyat
uchun biokimyoning fan sifatidagi ahamiyatini baholash ancha mushkul bo‗lib, u
tibbiyot, qishloq xo‗jaligi, biotexnologiya, genetik muhandislik va qator sanoat
tarmoqlari, o‗rmon xo‗jaligining nazariy asoslaridan biri hisoblanadi. Jonajon
respublikamizda mustaqillik yillarida va ayniqsa, hozirgi fan va texnikaning
mislsiz darajada rivojlanish davrida xalq xo‗jaligining
barcha jabhalari uchun
yuqori malakali kadrlar tayyorlash muhim ahamiyat kasb etadi. Mazkur darslik
biolog mutaxassisligi bo‗yicha bakalavr akademik darajali kadrlar tayyorlash
uchun mo‗ljallangan o‗quv manbayi bo‗lib, u ushbu fanga oid barcha zamonaviy
materiallarni o‗zida mujassamlashtirgan. Darslik OTMga tegishli barcha hujjatlar
talablariga, ya‘ni DTS va unga mos tarzda tuzilgan namunaviy dastur talablariga
to‗liq javob beradi.
Biokimyoning rivojlanishini belgilovchi kashfiyotlarning
mislsiz yangilanib
borishi bilan bog‗liq bo‗lgan hozirgi kunda yaratilayotgan ushbu o‗quv manbayi
zamon talabiga mos bo‗lishi lozim. Xususan, unda biokimyoning zamonaviy
rivojlanishidagi ilmiy tadqiqotlarning natijalari, shuningdek, ushbu fanning
rivojlanish istiqbollariga oid materiallar bayoni keltiriladi.
Darslikda hayotiy
jarayonlarning kimyoviy jihatlarini o‗rganishni molekulyar darajada amalga
oshirishga, ya‘ni biokimyoni molekulyar biologiyaning yutuqlari negizida
yoritishga harakat qilingan. Darhaqiqat, shuni alohida qayd etish lozimki,
zamonaviy biokimyoni molekulyar biologiya asosidagi biokimyo deb atash o‗rinli
bo‗ladi. Chunki biokimyo uchun ham, molekulyar biologiya uchun ham o‗rganish
obyektlari bir xil bo‗lishi bilan birga, tadqiqot uchun qo‗llaniladigan
fizikaviy,
kimyoviy va biologik metodologiyalar ham bir xildir. Darslikda materiallar
bayonida biokimyo va molekulyar biologiyaning o‗zaro bog‗liq bo‗lgan jihatlarini
e‘tiborga olgan holda hayotiy jarayonlarning kimyoviy mexanizmlari yoritilgan.
Unda bayon qilingan ―Hujayra, uning organellalari, makromolekulalari‖, ―Gen,
uning strukturasi va funksiyasi‖, ―Oqsil biosintezi‖ va h.k. mavzular molekulyar
biologiyaga ham taalluqli ekanligi bu fikrni to‗liq tasdiqlaydi. Darslikda hayotiy
jarayonlarning kimyoviy va fizikaviy asoslarini har tomonlama izchil va ma‘lum
darajadagi ketma-ketlikda bayon qilishga harakat qilingan. Materiallarning
mazmunini bayoni mamlakatimizda va xorijda nashr
etilgan zamonaviy ilmiy
manbalar, monografiyalarga tayangan bo‗lib, unda fanga oid eng so‗nggi
ma‘lumotlar qatori biokimyoning yutuqlari va rivojlanish istiqbollari ochib
berilgan. Darslikning o‗ziga xosligi shundaki, unda o‗quv materiallari hayotiy
4
jarayonlarga xos kimyoviy jihatlarining bayoni qiyosiy-evolyutsion nuqtayi
nazardan amalga oshirilgan va bakteriyalar, zamburug‗lar, o‗simliklar,
hayvonlar
hamda odamlarda kechadigan biokimyoviy jarayonlarning umumiylik va farqli
jihatlari ilmiy asosda yoritib berilgan. Shuningdek, bo‗lajak biolog-bakalavr uchun
muhim jabha, ya‘ni ekologik vaziyat o‗zgarishlarining biokimyoviy jarayonlarga
ta‘siriga oid masalalar va ajratib olingan ayrim birikmalardan hamda, umuman,
biokimyoviy jarayonlardan amaliyotda foydalanish imkoniyatlari bayon qilingan.
Kitob hayotiy jarayonlarning fizik-kimyoviy asoslarini o‗rganishga qiziqqan
kishilarga, eng avvalo,
biokimyo, tibbiyot, qishloq xo‗jaligi va xalq xo‗jaligining
boshqa sohalari mutaxassislari uchun ham foydali bo‗lishi mumkin. Shu sababli
ushbu darslikni universitet va pedagogika institutlarining biolog-bakalavrlaridan
tashqari, meditsina, qishloq xo‗jaligi, farmatsevtika va boshqa sohalarga tegishli
oliy o‗quv yurtlari talabalari va magistrlariga tavsiya qilish mumkin.
Biokimyoda materiallarni bayon qilishni
qulaylashtirish maqsadida
qisqartirilgan atamalardan foydalanildi. Ularning ayrimlari quyida keltirilgan:
Dostları ilə paylaş: