01b4ed00153a6dc26a146fde7c647734 BIOKIMYO VA MOLEKULYAR BIOLOGIYA
1. BIOKIMYONING PREDMETI, VAZIFALARI, RIVOJLANISH TARIXI VA ISTIQBOLLARI 1.1. Biologik kimyo fan sifatida Biologik kimyo – tirik organizmlar tarkibidagi moddalarning kimyoviy
tabiati, ularning almashinuvi, shuningdek, bu almashinuv jarayonlarining organlar
va to‗qimalar faoliyati bilan bog‗liqligini o‗rganadigan fan. Biokimyo uch
qismdan tashkil topgan:
a) statik biokimyo – tirik organizmlarning kimyoviy tarkibini o‗rganadigan
fan;
b) dinamik biokimyo – tirik organizmdagi modda va energiya almashinuvini
o‗rganadigan fan;
d) funksional biokimyo – turli hayotiy jarayonlarning asosini tashkil qiluvchi
kimyoviy o‗zgarishlarni hujayra, to‗qima, organ va yaxlit organizm miqyosida
o‗rganadigan fan.
Ammo shuni alohida ta‘kidlash lozimki, ushbu bo‗limlar o‗zaro bir-biri bilan
bevosita bog‗liq bo‗lib, zamonaviy biologik kimyoning u yoki bu qismini tashkil
etadi.
Hozirgi fan va texnikaning jadal rivojlanish davrida biologik kimyoni
tadqiqot obyektlariga ko‗ra, tibbiyot biokimyosi, hayvonlar biokimyosi, o‗simliklar
biokimyosi va mikroorganizmlar biokimyosi kabilarga ajratish mumkin.
Shuningdek, ilmiy tadqiqot yo‗nalishlariga mos tarzda uning ayrim bo‗limlarini
texnik biokimyo, evolyutsion biokimyo, kvant biokimyosi, enzimologiya,
gormonlar biokimyosi, vitaminlar biokimyosi, oqsillar biokimyosi, lipidlar
biokimyosi, nuklein kislotalar biokimyosi va boshqalarga ajratish mumkin.
Barcha tirik mavjudotlarda sodir bo‗ladigan biokimyoviy jarayonlar bo‗yicha
umumiylik bo‗lishiga qaramay, hayvonlar va o‗simlik organizmlarida, ayniqsa,
ulardagi moddalar va energiya almashinuvi tavsifida tubdan farqlanuvchi jihatlar
mavjud. Modda va energiya almashinuvi yoki metabolizm ‒ tirik tizimlarning
yashashi hamda o‗z-o‗zidan ko‗payishi uchun yo‗naltirilgan va organizmda sodir
bo‗ladigan kimyoviy reaksiyalarning yig‗indisidir. Ma‘lumki, o‗simliklar o‗z
tanasini tuzuvchi murakkab moddalar (uglevodlar, yog‗lar, oqsillar)ni suv,
karbonat angidrid va minerallardan iborat bo‗lgan oddiy moddalardan hosil qiladi
va bu xildagi sintetik faollik jarayoni uchun kerakli energiyani quyoshdan
(fotosintez) oladi. Aksincha, hayvon organizmi faqat suv va mineral
komponentlardangina emas, balki tarkibida murakkab organik tabiatli moddalar ‒
oqsillar, yog‗lar, uglevodlardan tashkil topgan ozuqalarning ham bo‗lishiga
muhtoj. Hayvonlarda hayotiy jarayonlarning namoyon bo‗lishi va tana tarkibiga
kiradigan moddalarning sintezi murakkab organik moddalarning parchalanishi
7
yoki oksidlanishi natijasida ajralib chiqadigan energiya evaziga yuz beradi.
Organik modda tabiatli moddalarning yetkazilishi shart bo‗lmagan o‗simlik
dunyosi vakillari