4-masala. Makkajo’xori o’simligida poyaning uzunligi to’rt juft polimer gen orqali belgilanadi. Shu genlarning genotipda retsessiv holatda bo’lishi poya uzunligining 40 sm bo’lishini, ularning dominant gomozigota holatda bo’lishi esa 320 sm bo’lishini ta’minlaydi. Quyidagi genotipga ega jo’xori o’simliklari chatishtirilsa, ota-ona o’simliklarning hamda F1 va F2 da olingan o’simliklar bo’yining o’rtacha uzunligini aniqlang: A1A1A2A2A3A3a4a4 x a1a1a2a2a3a3A4A4. 5-masala. Odamlarda terining qora rangi uch juft dominant noallel genlar tomonidan, oq rangi esa uch juft retsessiv allellar tomonidan boshqariladi. Bu polimer genlar kumulyativ effektga ega. Agar qora rangli afrikalik negr yevro’alik qizga uylansa, ularning oilasida tug’iladigan bolalar – mulatlarning teri rangi jigarrang bo’ladi.
6-masala. Bug’doy o’simligida donning rangli bo’lishi ikki juft allel bo’lmagan dominant genlarga bog’liq. Donning to’q qizil rangi A1A1A2A2 genotipga, qizil bo’lishi A1A1A2a2 va A1a1A2A2 genotiplarga, och qizil bo’lishi A1A1a2a2, a1a1A2A2, A1a1A2a2 genotiplarga, juda och qizil bo’lishi A1a1a2a2, a1a1A2a2 genotiplarga va oq bo’lishi a1a1a2a2 genotipga bog’liq. Quyidagi genotipga ega bo’lgan bug’doy o’simliklarini chatishtirilganda keyingi avlodda olinadigan o’simliklarning genotipini va fenotipini hamda ularning nisbatini aniqlang:
1) A1a1A2A2 x a1a1a2a2; 2) A1a1a2a2 x a1a1A2a2; 3) A1a1A2a2 x A1a1A2a2.
