İslam İnqilabının Böyük Rəhbəri həzrət Ayətullah Seyid Əli Xameneinin elm və elm istehsalı barədə çıxışlarından seçmələr Birinci cild

Ölkədə elm karvanının hərəkəti və inkişafı

Sizin işə başladığınız və ölkədə elm karvanının hərəkət etdiyi bu illərdə olduqca böyük nailiyyətlər əldə olunmuşdur. Ölkədə elmə təmayülün, elmlə məşğul olmağın, Elm istehsalı hərəkatı, Proqramlaşdırma hərəkatı və alim yetişdirmək təfəkkürünün başlandığı təxminən son 10-12 ildən bu günə qədər biz çox inkişaf etmişik. Bu inkişaflar çox faydalıdır.⁵⁸²

Elm inkişafı barədə söhbətin nəticələri

Alim, seçilmiş və ölkənin gələcəyi üçün ümidverici bir qrup arasında oturub ölkənin ən əsas məsələlərindən biri – elm və onun əsasında texnologiya inkişafı barədə söhbət etmək mənim üçün çox şirin və xoşdur. Bizim əziz qardaşlarımızın, bacılarımızın, övladlarımızın burada bəyan etdiyi məsələlər insanda bu fikri gücləndirir ki, ölkə gəncləri arasında alim yetişdirmək və qurucu fikri inkişaf etdirmək hissi güclənir və yaxşı gələcəyi müjdələyir. İnsan görür ki, həm elmin inkişafına, elm və texnologiyanın əhəmiyyətinə diqqət və maraq çoxalıb, həm də bunlar İslam Respublikası quruluşunun uca məqsədlərinə daha uyğunlaşmışlar.⁵⁸³