Bitiruv malakaviy ishi

II - bob. Kichik maktab yoshida bahoga munosabat shakllanishining psixologik xususiyatlarini eksperimental tadqiq etish.

2.1. Tadqiqot natijalari tahlili.
Tadqiqotimizning ob’ekti bo‘lib kichik maktab yoshidagi o‘quvchilar hisoblanadi. Ularning o‘qish motivlari tadqiqotimiz predmeti bo‘lib, uni o‘rganishda: Ko‘zatish, suhbat singari ma’lumot yig‘ishning asosiy metodlari bilan birga.
O‘quvchilarni bilim olishga va bilimlarni o‘zlashtrishga yo‘nalganligini aniqlash maqsadida Ye.P.Ilinva N.A.Kurdyukovalar tomonidan taklif etilgan «Bilim olishga intilish» metodikasidan:
O‘quvchilarni baho olishga yunalganligini aniqlash maqsadida Ye. P. Ilin va N.A.Kurdyukovalar tomonidan taklif etilgan «Baho olishga intilish» kabi metodikalardan foydalandik.
Bizning fikrimizcha, tadqiqotimizda qo‘llangan metodikalar tadqiqot farazlarini isbotlashga yetarli darajadagi ma’lumotlarni beradi.
Metodologiyadagi so‘nggi yunalishlardan biri metodlar tizimida turli xil sohaga taalluqli metodikalarni qo‘llash hisoblanadi. Bu tadqiqot ob’ekti xususida qo‘shimcha ma’lumotlarni olishga, ularni tahlil qilishdagi ishonchlilik mezonlarini oshirishga xizmat qiladi. Keyingi paytlarda ijtimoiy fan sohalarida ham kibernetik, matematik, statistik metodlardan foydalanish keng kulamda yo‘lga qo‘yilgan. Biz ham tadqiqot orqali qo‘lga kiritilgan natijalarni tahlil qilishda matematik- statistika metodlariga tayanib ish ko‘rdik
O‘qitishdagi motivlar muammolarini psixologik tahlil qilishga kirishar ekanmiz, biz tadqiqotda qo‘yidagi g‘oyani ilgari surishga qaror qildi: bolani mukammal inson bo‘lib shakllanishi uchun kichik maktab yoshidanoq unda o‘qish haqidagi tasavvurlarni uyg‘otish kerak. Kelgusi o‘qishda o‘z-o‘zini boshqara olishi, o‘z-o‘zini baholay olishi va imkoniyat darajasini anglay bilishi zarur. Pirovardida har tomonlama shakllangan inson vujudga keladi.
Oqituvchining tinimsiz ijodiy faoliyati ta’lim samaradorligini oshiradi. Kichik maktab yoshidanoq o‘quvchilar o‘z ehtiyojlari haqida muayyan tasavvurga ega bo‘lishlari lozim.
Bu vaqtda ehtiyojning yangi-yangi qirralari ochiladi, shu ehtiyojlarni qondirish bilan birga ijobiy tomonga qarab shakllantirish zaruriyati ham paydo bo‘ladi. Bu jarayon o‘qituvchi hamkorligisiz samarali bo‘lmaydi. Albatta, bu hamkorlik o‘qituvchi va o‘quvchi o‘rtasidagi ziddiyatni bartaraf etadi.
Tadqiqotimizda qo‘yidagi mezonlarga asoslangan holda tajribalar o‘tkazish rejalashtirildi.

1. 
   Kichik maktab yoshidagi o‘quvchilarda paydo bo‘lgan turli-tuman motivlarni o‘qish faoliyati jarayonida anglab yetilganlik darajasini o‘rganish:
   
2. 
   O‘qish faoliyatida yuzaga keladigan muammolarga yechim topishlarida motivlarning o‘rni va qiymati, qanday ahamiyatga ega ekanini o‘rganish.
   

v) Maktabda ham, maktabdan tashqari vaziyatda ham motivlarning o‘ziga xos fazilatlaridan maqsadga muvofiq foydalanish.
Bizning izlanishlarimizda kichik maktab yoshidagi o‘quvchilarning o‘qish faoliyatida: o‘qish, bilim va baho olishga intilish motivlariga, o‘yin orqali o‘qish faoliyatidagi ijobiy motivlarni shakllantirish xususiyatlariga alohida e’tibor qaratilgan.
Tadqiqot metodlari o‘yinga, o‘qishga, baho olishga intilish, bilim olishga intilish, ijobiy va salbiy motivlarni o‘rganishga qaratiladi.
Tadqiqot predmetini o‘rganishga kirishishdan oldin bizlar ustivor tushunchalarning operatsional tavsifiga to‘xtalib utsak.
O‘qish – o‘quvchini o‘z bilim, ko‘nikma, malaka, va qobiliyatlarini rivojlantirishga qaratilgan xususiy harakatlari.
O‘yin - faqat bolalarga xos olamni anglash va o‘z malakalarini takomillashtirish usuli.
Baho deb baholashning ball shaklida berilgan son orqali ko‘rsatilgan ulchamga aytiladi. Baholash deb bilim, ko‘nikma va malakalarni o‘qish dasturida ko‘rsatilgan etalon (ko‘rsatkich, qolip,o‘lchagich)lar bilan solishtirishni aytamiz
Bilim - bu o‘quvchilar ongida muayyan tartibda mustahkamlangan, ularning shaxsiy mulkini tashkil etadigan va bundan ular zaruriyatga ko‘ra foydalana oladigan faktlar, ma’lumotlar, ilmiy nazariyalar, qonunlar va tushunchalardir.
«Bilimga intilish motivlari» metodidan foydalanishimizdan maqsad qaysi sinflarda bilimga intilish kuchli ekanini, bu farqlar shahar yoki qishloq o‘quvchilarida qanday ko‘zatilishini aniqlashda edi.
Bu metodda o‘quvchilar ga 12 ta savol beriladi. Har bir savoldan keyin o‘quvchilar A yoki B javob variantidan birini tanlashlari kerak. A javob variantlar bolani bilimga intilishini, B javob variantlar esa bilim olishga nisbatan loqayd ekanini ko‘rsatadi.
«Baho olishga intilish motivi» metodidan foydalanishimizdan maqsad baho olishga intilish 3 sinfda qanday namoyon bo‘lishini aniqlash.
Biz o‘z tadqiqotimizda foydalangan ikki metodika: Ye.P.Ilin va N.A.Kurdyukovalar tomonidan taklif etilgan o‘quvchilarning bilim olishga va bilimlarni o‘zlashtirishganligini aniqlovchi «Bilim olishga intilish» hamda o‘quvchilarning baho olishganligini aniqlovchi «Baho olishga intilish» motivlari deb nomlanadi (Metodikalarning to‘liq matni ilovada keltirilgan.)
Ma’lumki, bilimlarni o‘zlashtirish jarayonini boshqarish muammosi yirik psixologlar P.YA.Galperin, N.F.Talizina tomonidan urganilgan Ular aqliy hatti- harakatlarni bosqichma-bosqich shakllantirish nazariyasini ishlab chiqdi. Mualliflar hatti-harakatlarni moddiy holda, tashqi nutq yordamida hamda aqliy shaklda namoyon bo‘lishini izohlab berdilar. Aqliy hatti-harakatlarning birinchi bosqichi rasm, sxema, diagramma va shartli belgilar tarzida o‘z ifodasini topadi.
Ikkinchi bosqich ko‘rgazmalardan olgan tasavvurlari to‘grisida o‘quvchilarning ovoz chiqarib fikr yuritishlaridan iboratdir.
Uchinchi bosqich esa, o‘qivchi ongida tasavvur, tushuncha, qonuniyat, xossa, xususiyat, operatsiya va usul tariqasida namoyon bo‘ladi. Ana shu bosqichlarni o‘quvchilarga tushuntirish orqali ularni o‘z-o‘zini boshqarishga o‘rgatish mumkin .
Bilim olish motivlari o‘quvchilar tomonidan ko‘p e’tirof etilsada, juda ham kam namoyon bo‘ladigan jarayondir. Bu real harakatdagi motivlar farqlidir. Masalan: o‘quvchi bo‘lajak kasbiga tayyor bo‘lish uchun o‘qiyman degani bilan kasbning o‘zi mavhum bo‘lishi mumkin. Yaxshi o‘qiydigan o‘quvchilarda «real» motivlar
«biladigan» motivlariga mos tushadi. Boshlangich sinf o‘quvchilarining o‘qish
motivlari turlicha bo‘ladi. Ba’zilari: «jamiyatga foyda keltirish uchun» desa ba’zilari
«madaniyatli bo‘lish uchun» deydi. Bunday iboralar tahlili o‘qish faoliyati motivlarini maktabga borish, bilim olish, baho olish kabi motivlarga farqlanishini taqozo qiladi.
Navbatdagi metodika kichik maktab yoshidagi o‘quvchilarning bilimga intilishlarini qay darajada kuchli ekanligini aniqlashga yordam beradi.
Sinaluvchilarning «Baho olishga intilish» metodikasi bo‘yicha tajribagacha olingan natijalari. (foizda)
«Baho olishga intilish» motivlari bo‘yicha esa motivlar manzarasi qo‘yidagicha bo‘ldi. Maktab o‘quvchilarining 13% mazkur motivlar past, 38% - o‘rta va 49% yuqori darajada namoyon bo‘lar ekan.
Kichik maktab yoshidagi o‘quvchilar faoliyatini baholash unda o‘qishga ijobiy munosabatni shakllantirishda muhim ahamiyatga egadir. Ma’lumki, maktablarda bolalarni og‘zaki baholash odat tusiga kirib qolgan, chunki birinchi sinf o‘quvchisi ana shu baho ta’sirida o‘z faoliyatini kuchaytiradi, ijodiy izlanishga harakat qildilar.
O‘qituvchining rag‘batlantirishi uning uchun eng muhim rol o‘ynaydi.
Bu yerda yuqori motivatsiyani «baho» egallaydi. L.I.Bojovich fikricha, boshlang‘ich sinf o‘quvchilarida baho bu ularga berilgan vazifani bajarishdagi urinishlarga qo‘yilgan, baho, lekin bu baho vazifaning to‘g‘ri, noto‘g‘riligini belgilamaydi. O‘quvchilar qo‘yilgan baholar hisobidan kelib chiqib, o‘z yutuqlarini baholashadi, olgan bilimlarini ahamiyati unchalik emas, lekin bunday fikr tez orada o‘z-o‘zidan yo‘qolib ketadi. I.P.Ilin fikricha shu yo‘qolib ketgan fikr bilan 3-sinfga kelganda tuqnashamiz. 3- sinfga kelib vazifalar murakkablashadi va 3-4 sinfga kelib o‘quvchilar og‘irlikni his qila boshlaydilar va endi ular a’lochilarni masxara qilishga utadilar. L.I.Bojovichning fikricha, o‘qitish o‘quvchilar intellektiga emas, balki ularning xotirasiga qaratilganligi uchun shunday holat vujudga keladi. Sinfdan-sinfga o‘tgach, o‘quvchilarning mustaqilligi oshadi, o‘ziga xurmat hissi va erishgan yutuqlarga zaruriyat hislari oshib, o‘qish jarayoni ularni qoniqtirmay boshlaydi. Bu sinflarda o‘qituvchi roli ham, o‘quvchilarning bilim olishga undash ham o‘z-o‘zidan susayadi. O‘qituvchi bu yerda «baho»lar hisobiga o‘quvchilarni e’tiborini tortishga
harakat qiladi. Boshlang‘ich sinfni bitirishga kelib, qoloq o‘quvchilar «jazodan qochish» fikri bilan vaqt o‘tkazishadi. Buning natijasida o‘uvchilarda ijodiy faoliyat rivojlanmaydi, ma’suliyat shakllanmaydi, sabotlilik, matonatlilik, mexnatsevarlik hislari shakllanmaydi.
O‘quvchilarning bilim va ko‘nikmalarini tekshirish uzviy tarzda baholash bilan bog‘liqdir. Bahosiz o‘quvchilar bilimini tekshirish kam samara beradi. Chunki bolalar o‘z ish natijalarini ko‘rmaydilar. Shu sababli o‘zlarini nazorat qilish pasayib boradi.
Maktab hayotining ko‘rsatishicha, haqiqatdan ham bir qism bolalar bahoga noxush munosabat bildirsalar, bir qismi bahoga umuman befarq bo‘ladilar.
Bolalarda baho ob’ektiv qo‘yilmaganda unga nisbatan noto‘g‘ri munosabat yuzaga keladi. Bolalarga olgan baholarini tushuntirish kerak. Baho qo‘yishda o‘quvchining yutuq, kamchiliklarini ko‘rsatish kerak. E’lon qilingan baho sinf jurnaliga va o‘quvhchi kundaligiga qo‘yiladi. Ba’zan og‘zaki baho ham qo‘yilishi mumkin. Har holda og‘zaki rag‘batlantirish katta ahamiyatga ega. Baho qo‘yish, asosan, kundalik tekshirish orqali amalga oshiriladi.
190-maktabda o‘quvchilar bilan suhbatlashib: nima uchun yaxshi baho olishni istaysan?- degan savolni berganimizda: “O‘zimizni xo‘rsand qilish uchun” javobini 48% bola, “Ota-onamni xo‘rsand qilish uchun” javobini 30%, “Aqlliroq bo‘lish uchun” javobini 22% bola berdi.
“Baholar qo‘yilmasligini istarmiding?” degan savol berilganda 40 ta o‘quvchidan 38 tasi salbiy fikrni bildirdilar. Qolganlari javob berishni istashmadi. O‘quvchilarda motivatsion baholar katta ahamiyatga ega. Tekshiruvlar birinchi va ikkinchi sinf o‘quvchilari bahoning rolini yaxshi tshunishlarini, bilim va baho o‘rtasidagi bog’liqlikni kamchilik deb tushunib yetmasliklarini ko‘rsatadi. Ko‘p bolalar baholar ota-ona, o‘quvchi yoki o]qituvchini quvontirishi kerak yoki xafa qilishi mumkin deb hisoblaydilar. Hamma bola bahoni qadrini tushunmasa ham, ko‘pchiligi uning uchun ishlashadi. Agar baho olish yoki qiziqish uchun misol yechish o‘rtasida tanlash imkoni bo‘lsa, ko‘pchilik baho yo‘lini tanlaydi. Baho bolaning jamiyat oldida uning obro‘sini ko‘tarish mumkin. Shuning uchun ular o‘z
xoxishlari bilan emas, o‘z mavqeylarini saqlash uvhun ham intiladilar. O‘quvchi namunali baho olish uchun harakat qilib, o‘z natijasini baholashga erishadi.
Uning fikricha, uning javobi qoniqarli bo‘lib, unga qoniqarsiz baho berilgan deb o‘ylaydilar. Boshqalari esa o‘z omadsizliklariga ko‘nikib, ishonchlarini yuqota boradilar va olayotgan baholariga farqsiz bo‘lib qoladilar. Shuning uchun kichik maktab yoshidagi o‘uvchilar shu baho bilimi va darsga berilgan ko‘rsatkich ekanligini tushunishi lozim. Ko‘rsatilgan motivatsiya o‘qituvchi uchun diqqatga sazovor bo‘lganda, o‘quvchida egoistlik holatlari yuzaga kelib, yomon tomonga burilishi mumkin. Gruziyaning ko‘pgina maktablarida yo‘lga qo‘yilgan kichik maktab o‘quvchilarini baholamaslik tajribasi qiziqarli. 1964 yildan beri o‘qish jarayonida kichik maktab yoshidagi o‘quvchilar baholanmaydi. Gruzin psixologlarining fikricha, baholashda o‘quvchining asosiy motivatsiya xususiyati gavdalanadi. Oquvchi unga qo‘yilgan bahodan yuqori baho olishni istaydi, qiziqishi so‘nadi. Bunday hol o‘qishchiga yomon ta’sir qiladi. Bahosiz o‘qitish esa, o‘quvchi hayajonini yuqotib, o‘qish, bilish motivlarini kuchaytiradi.
Ko‘pchilik mutaxassis olimlar kichik maktab yoshidagi o‘quvchilarni baholash salbiy oqibatlarga olib keladi, deb hisoblashoqdalar. Ma’lumki, faqat baho uchun o‘qish bilimning ijtimoiy ahamiyatini pasaytirishi mumkin. Shunga ko‘ra bilimni tekshirishning boshqa usullarini topish hamda qo‘llash hozirgi kunning dolzarb vazifalaridan biridir.