2.1-rasm. O‘zbekiston Respublikasida yalpi ichki mahsulot hajmi o‘sishining dinamikasi (% hisobida) 1 O‘zbekistonda tadbirkorlik muhiti jiddiy ravishda yaxshilanganligi, iqtisodiy
o‘sish yuqori sur’atlari barqaror xususiyatga egaligini investitsiyaviy faollik
ko‘rsatkichlari yaqqol isbotlab turibdi. Xususan, 1990 - 2000 yillarda o‘zlashtirilgan
kapital quyilmalarning hajmi 3,8 barobarga ortdi, 2010 yilda esa mamlakat
iqtisodiyotida o‘zlashtirilgan kapital quyilmalarning hajmi 9,7 mlrd AQSH dollariga
teng bo‘ldi. Bu ko‘rsatkich 1990 yilga nisbatan 11,6 ortdi.
Mamlakatda korxonalarni modernizatsiya qilish, texnik va texnologik qayta
jihozlash hamda zamonaviy, yuksak texnologiyalarga asoslangan yangi ishlab
chiqarishni tashkil etishni tezlashtirish borasida faol investitsiya siyosati yuritishga
alohida e’tibor qaratilmoqda. 2011 yilda moliyalashtirishning barcha manbalari
hisobidan qiymati 10,8 mlrd. AQSH dollaridan ortiq kapital qo‘yilmalar
o‘zlashtirildi.Investitsiyalarning yalpi ichki mahsulotdagi ulushi 23,9 % ga etdi.
2011 yilning o‘zida iqtisodiyotning real sektoriga 2,9 mlrd. AQSH dollari
hajmida xorijiy investitsiyalar jalb qilindi, ularning 78,8 % to‘g‘ridan-to‘g‘ri xorijiy
investitsiyalardir.
Iqtisodiyotga investitsiyalarni jalb etish qulay investitsiya muhitiga
bog‘liqdir. Investitsiya muhiti qulay bo‘lishini quyidagi asosiy omillar belgilaydi:
• xorijiy investitsiyalarni jalb etish bo‘yicha davlat siyosati hamda bu
masalada mavjud imtiyozlar;
• resurs-xomashyolar (asosiy turdagi tabiiy resurslar bilan ta’minlanganlik
darajasi);
• ishlab chiqarish (mamlakatdagi xo‘jalik faoliyati natijalarining jamlanmasi);
• iste’mol ( aholining jamlanma xarid qobiliyati);
1
Ўзбекистон Республикаси Давлат статистика қўмитаси маълумотлари // http: //www.stat.uz.
7,5
