810) Hansı üsul dərmanların xaricə tətbiq edilməsinə aid deyil?
1. Kompress
2. Toz şəklində səpmək
3. Damcı şəklində damızdırmaq
4. Dilin altına qoymaq
5. Sürtmək
6. Dəri içinə yeritmək
A) 4,6
B) 3,5
C) 2,4
D) 1,4
E) 2,6
Dərmanların xarici tətbiqi dedikdə həmin maddələrin, selikli qişalar və yara səthində işlədilməsi nəzərdə tutulur. Dərmanın dilaltı qəbulu və dəriiçinə yeridilməsi dərmanların daxilə tətbiq üsuluna aiddir.
Ədəbiyyat: Ədəbiyyat : C.N. Hacıyev ; R.Y.Əliyev. Xəstələrə qulluq. Səh. 131. “ Təhsil ” Bakı 1998.
811) Hansı halda tibb bacısı xəstəyə qızdırıcı kompress qoymalıdır?
A) Dərinin tamlığı pozulduqda
B) İnyeksiyadan sonra infiltrat olduqda
C) Dəridə allergik səpgilər olduqda
D) Yüksək qızdırma olduqda
E) Əzilmələr zamanı
İsidici kompresin təsiri nəticəsində onun qoyulduğu nahiyədəki səthi və dərin qan damarları uzun müddət genişlənməyə məruz qalaraq, həmin nahiyəyə qan axınını artırır, venoz stazı aradan qaldırır və nəticədə ağrı və şişkinlik aradan qalxır, ona görə inyeksiyadan sonrakı infiltratlar zamanı isidici kompresin qoyuluşu göstəriş, sadalanan digər hallarda isə əks- göstəriş sayılır.
Ədəbiyyat: Ədəbiyyat : C.N. Hacıyev ; R.Y.Əliyev. Xəstələrə qulluq. Səh. 118. “ Təhsil ” Bakı 1998.
812) Stasionarda müalicə alan xəstəyə narkotik maddə tətbiq etdikdə tibb bacısının səhvi hansıdır?
A) Narkotikin boş ampulasını narkotik jurnaldakı dərmanlarla tutuşdurur.
B) İstifadə olunan və olunmayan ampulaların sayını narkotik jurnalda dəqiqləşdirir
C) Narkotikin boş ampulasını zibil qabına atır
D) Narkotnkin boş ampulasını baş tibb bacısına təhvil verir
E) Narkotik maddəni tibb bacısı yalnız həkimin xəstəlik tarixçəsindəki qeydiyyatından sonra vurur
Bütün istifadə edilən narkotiklərin boş ampulaları şöbənin baş tibb bacısına verilir, əvəzində yenisi alınır. Narkotik maddələrin boş ampulaları yalnız xəstəxananın baş həkiminin yaratdığı xüsusi komissiyanın iştirakı ilə məhv edilir.
Ədəbiyyat: Ədəbiyyat : C.N. Hacıyev ; R.Y.Əliyev. Xəstələrə qulluq. Səh. 128. “ Təhsil ” Bakı 1998.
Dostları ilə paylaş: | 
