YUqori va pastki jag` alveolyar o’siqlarini rezektsiya qilish quyidagi hollarda ko‘rsatilgan:
protezda tishlar, antagonist tishlar uchun joy bo‘lmaganda ortiqcha to‘qimalar, suyaklarning deformatsiyasida
qo‘llaniladi. Modelda protez joyini ko‘rib, rezektsiyaning kerakli hajmi olib tashlanadi. Burun va yuqori jag`
bo‘shlig`ini joylashishi operatsiya vaqtida ularni jarohatlanishini oldini olish uchun rentgenologik tasvirdan
o‘rganiladi. Alveolyar yoydan chiziqsimon kesma o‘tkaziladi va shilliq-suyak usti laxtagi separatsiya qilinadi.
Ba`zida bitta yoki bir necha qo‘shimcha og`iz bo‘shlig`i dahlizi asosiga vertikal kesmalar o‘tkazilib,
burchaksimon, trapetsiyasimon shaklli laxtaklar separatsiya qilinadi. Alveolyar sohaning ortiqcha qismlari
suyak kusachkalari, dolota, shuningdek, sovutib borlar, frezlar bilan olinadi, bu esa suyak yuzasini silliqlab,
uni termik jarohatlanishidan oldini oladi. Ortiqcha yumshoq to‘qimalar shunday hisobda olinishi kerakki,
jarohat chetlari tortilmasdan bir-biriga yaqin kelishi kerak. Eng yaxshisi sintetik ipdan uzluksiz chok qo‘yiladi
[Daniel R., 1978; O‘Ryan F., 1992]. Adentiya holatida alveolektomiya yuqori jag`ning oldingi sohasi
disproportsiyasida o‘tkaziladi. O. Dean (1941), K. Kallenberger (1953), H. Obwegeser (1968) tomonidan
tavsif etilgan suyak korrektsiyalari asosli hisoblanib, garchan alohida mualliflar ularning modifikatsiyalarini
ishlab chiqqanlar [Keller E. et al., 1987; Sailer H., 1989; Richardson D., Cawood., 1990].
