Garanglik odam bevosita qulog'i ostida aytilgan qattiq gapni eshitmaydigan holat.
Bolalar garangligi Eshitish pasayishi to'xtovsiz avj olib borganda bolalik yoshida garanglikni erta tashxis qilish zarur. 8 oylik bo'lgan hamma go'daklar ommaviy tekshiruvdan o'tkazilishi kerak. Nazorat natijalari shubha tug'dirgan hollarda ular audiologik markazning LOR - mutaxassisiga birmuncha sinchikab tekshirish uchun yuborilishlari kerak. Bu guruhga quyidagi patologiyalari bo'lgan bolalar kiritiladi:
1) oy-kuni to'lmasdan chala tug'ilgan va tana og'irligi kam;
2) perinatal gipoksiya;
3) gemolitik kasallik;
4) irsiy garanglikning oilaviy anamnezi;
5) ona qornidagi ekspozitsiya (qizilcha , sitomegalovirus va VICH kabi virusli infeksiyalar ta’siri). Bolaning ahvoliga ona tomonidan baho berilishi juda muhim. Agar onasi bolaning eshitish qobiliyati unchalik yaxshi emasligini aytsa, bunga ishonish kerak. Neonatal davrda xavfli guruhdagi bolalarni tekshirish hozirgi vaqtda ko'pgina markazlarda eshitish potensiallarini qayd qilish bilan o'tkaziladi.(obyektiv metod)
Quloqlardagi shovqin Quloqning har xil patologiyasida tez-tez uchraydigan simptom. Quloqlarda shovqin paydo bo‘lishiga quyidagilar sabab bo’lishi mumkin:
- quloq kiri;
- o'tkir o ‘rta otit;
-tubootit;
- surunkali o ‘rta otit;
-otoskleroz;
- koxlear nevrit;
-eshituv nervi nevrinomasi;
Menyer kasalligi. Quloqdagi shovqin qisqa muddatli, davomli yoki doimiy bo‘lishi mumkin. Uning intensivligi (kuchi) ham har xil, aksariyat shovqin tinch sharoitda kuchayadi. Shovqin xarakteri g‘oyat turli-tuman: o‘rmon shovqini, dengiz to‘lqini chigirtka chirillashi va h.k. Shovqin eshitish analizatorining har qanday sohasidagi kasalliklarida: tashqi quloq (quloq kiri), o'rta quloq (turli xil otitlar), ichki quloq (nevritlar , chig'anoq kasalliklari ) va markaziy eshitish buzilishlarida paydo bo'lishi mumkin. Otosklerozda shovqin, ayniqsa, qattiq azob beradi. Bemorda shovqin bo‘lganda otoskopiya o ‘tkazish, eshitish zararlanishining xarakterini aniqlash uchun eshituv faoliyatini tekshirish (so'zlashuv nutqi, kamertonlar, audiometriya orqali tekshirish o'tkazish) zarur.
