Buxoro davlat universiteti

Kompetentlik yondoshuv deganda nimani tushunamiz?

Ta’limda kompetenstiyaviy yondoshuv deyilganda, o’quvchilarning shaxsiy, kasbiy va ijtimoiy hayotlarida uchraydigan vaziyatlarda egallagan turli tipdagi malakalarini samarali ravishda qo’llashga o’rgatish tushuniladi.

Ta’lim muassasasida umumta’lim fanlari bo’yicha o’quvchilarning bilim, ko’nikma va malakalarga ega bo’lishlari bilan birgalikda, o’z fikrini boshqalarga tushuntira olish, boshqalarni tinglab ularni tushuna olish, bahsga kirishish, kundalik hayotda muvaffaqiyatlarga erishish uchun o’quvchi ushbu axborotlarni izlab topishi, tahlil qilish, bilim, ko’nikma va malakalardan kundalik hayotlarida uchraydigan muammolarni hal etishda foydalana olishlarini shakllantirish zarur.

Ijodiy guruh tomonidan o’quvchilarda kompetenstiyalarni shakllantirishga yo’naltirilgan DTS va o’quv dasturlari loyihasi 2013-2014 o’quv yilida Respublika miqyosida tanlab olingan hududlarda tajriba tadqiqot ishlari olib borildi.

O’quv yili davomida tajriba-tadqiqot maydonlaridan, eksperimentator o’qituvchilarning hisobotlari olinib, berilgan takliflarga asosan fanlarga oid xususiy kompetenstiyalarga tuzatishlar kiritilib borildi.

Shu davrda inson jamiyatda o’z o’rnini egallashi, mavjud muammolarning echimini hal etishi uchun quyidagi tayanch kompetenstiyalarni ham shakllantirish ko’zda tutildi.