C virus hepatitinin müalicəsi üzrə klinik protokol

XÜSUSİ HALLARIN MÜALİCƏSİ 

Qaraciyərin minimal histoloji dəyişikliyi olan pasiyentlər 

►

 

Minimal histoloji  dəyişiklik müşahidə olunan (F 0-1,  A 0-1 

METAVIR) pasiyentlərdə qaraciyər xəstəliyinin  əhəmiyyətli 

dərəcədə inkişaf etməsi riski yüksək deyil. Proqnoz və müalicə 

variantlarının  ətraflı müzakirəsindən sonra həkim və pasiyent 

müalicəsiz müşahidə taktikasını seçə bilərlər. Belə olan təqdirdə, 

fibroz və histoloji aktivlik səviyyəsini hər il müəyyən etmək 

lazımdır (qeyri-invaziv metodlarla). Əgər fibroz və histoloji 

aktivliyin səviyyəsinin qiymətləndirilməsi biopsiya məlumatları 

əsasında aparılırsa, onda bu prosedur 3-5 ildə 1 dəfədən çox 

olmamaq  şərtilə yerinə yetirilməlidir. Qaraciyər xəstəliyinin 

proqressivləşməsi müşahidə edilərsə, VƏT-nin başlanması 

tövsiyə olunur.  

►

 

Əgər VƏT-nin xüsusiyyətləri və yanaşı  təsirləri barədə dolğun 

informasiya verildikdən sonra, fibrozun və  xəstəlik aktivliyinin 

minimal olmasına baxmayaraq pasiyent müalicəyə  təkid 

göstərərsə, virus əleyhinə terapiya aparıla  bilər.  

Klinik protokol Azərbaycan Respublikası Səhiyyə Nazirliyinin 

İctimai Səhiyyə və İslahatlar Mərkəzində hazırlanmışdır. 

---

 21

►

 

Qaraciyər zədələnməsinin ağırlığından asılı olmayaraq, hepatitin 

qaraciyərdən kənar təzahürləri olan pasiyentlər üçün virus 

əleyhinə terapiyanın aparılmasının mümkünlüyü mütləq nəzərdən 

keçirilməlidir. 

►

 

HVC-nin 2-ci və 3-cü genotipi olan pasiyentlərdə DVC-yə nail 

olmanın yüksək ehtimalı, hətta minimal histoloji dəyişiklik olan 

hallarda VƏT aparılmasını məqsədəuyğun edir.