Chet el valyutasida bank hisobvaragʼini ochish va birjadan tashqari valyuta bozorida valyuta oldi-sotdi operatsiyalarini amalga oshirish boʼyicha oferta shartnomasi
Chet el valyutasini oldi-sotdi operatsiyalarini amalga oshirish tartibi
Yüklə 474,46 Kb. Pdf görüntüsü
|
|
3. Chet el valyutasini oldi-sotdi operatsiyalarini amalga oshirish tartibi
3.1. Bank tomonidan valyutaning nomi, bitimning mohiyati, chet el valyutasidagi summasi, hisob-kitoblarni amalga oshirish tartibi, tomonlarning majburiyatlari, shuningdek amaldagi qonunchilikka muvofiq boshqa qoidalar koʼrsatilgan alohida shartnomaga muvofiq mijozdan erkin valyuta mablagʼlarini sotib olish boʼyicha operatsiyalar amalga oshiriladi. 3.2. Mijoz uchun OʼzRVBda yoki bankning pozitsiyasi hisobidan chet el valyutasini sotib olish boʼyicha operatsiyalar Oʼzbekiston Respublikasi Markaziy banki Boshqaruvining “Oʼzbekiston Respublikasida valyuta operatsiyalarini amalga oshirish qoidalarini tasdiqlash toʼgʼrisida” 2020-yil 31-avgustdagi 3281-son qarori bilan tartibga solinadi. 3.2.1. Mijozning arizasiga koʼra, Bank mijozga chet el valyutasini sotib olish uchun mablagʼlarni zaxiralash uchun milliy valyutada bloklangan hisob raqami va valyuta bozorida sotib olingan chet el valyutasi hisobga olinadigan maxsus valyuta hisobvaragʼini ochadi. 3.2.2. Mijoz chet el valyutasini sotib olish uchun ariza topshirishdan oldin Bank komissiyasini hisobga olgan holda chet el valyutasini sotib olish uchun milliy valyutadagi mablagʼlarni blokli hisobvaragʼida yetarli miqdorda zaxiraga qoʼyish majburiyatini oladi. 3.2.3. Mijoz birjadan tashqari valyuta bozorida yoki bank pozitsiyasida chet el valyutasini sotib olish va sotish boʼyicha operatsiyalarni amalga oshirganligi uchun Bankning belgilangan tariflariga muvofiq haq toʼlash majburiyatini oladi. 3.2.4. Mijoz valyuta kursining oʼzgarishini inobatga olgan holda blokli hisobvaragʼiga milliy valyutada yetarli miqdorda mablagʼ taqdim etishi shart. 3.2.5. Chet el valyutasini sotib olish toʼgʼrisidagi arizada valyutaning nomi, bitimning mohiyati, shartnoma raqami va sanasi, valyutadan foydalanish maqsadi, chet el valyutasidagi summa koʼrsatiladi. 3.2.6. Tugallangan operatsiyalar boʼyicha hisob-kitoblar ikki ish kuni ichida amalga oshiriladi. Belgilangan muddatda hisob-kitoblar bajarilmasa, bitim bekor qilinadi. 3.2.7. Mijoz sotib olingan chet el valyutasidan mablagʼlar Mijozning maxsus valyuta hisobvaragʼiga kirim qilingan paytdan eʼtiboran yetti ish kuni ichida maqsadli foydalanishga majburdir. Mijoz tomonidan sotib olingan, Mijozning maxsus valyuta hisobvaragʼiga pul mablagʼlari kiritilgan kundan eʼtiboran 7 ish kuni mobaynida foydalanilmagan chet el valyutasi keyingi banklararo savdo sessiyasida soʼzsiz qayta sotilishi shart. Bunda chet el valyutasini teskari sotish Bank tomonidan sotilgan kundagi kurs boʼyicha qabul qilish tartib-taomilisiz amalga oshiriladi. Ilgari maxsus valyuta hisobvaragʼidan yechib olingan va foydalanilmaganligi yoki qaytarilmaganligi sababli ushbu schyotga qayta kiritilgan valyuta, agar arizada koʼrsatilgan shartnomaga asosan 3 ish kuni ichida ushbu mablagʼlar oʼtkazilmasa, qayta sotilishi ham mumkin. 3.3. Ushbu Shartnomada nazarda tutilmagan chet el valyutasini oldi-sotdisi boʼyicha boshqa barcha jihatlarda tomonlar Oʼzbekiston Respublikasi Markaziy banki Boshqaruvining “Oʼzbekiston Respublikasida valyuta operatsiyalarini amalga oshirish qoidalarini tasdiqlash toʼgʼrisida” 2020-yil 31-avgustdagi 3281-son qaroriga amal qiladilar. Yüklə 474,46 Kb. Dostları ilə paylaş:
|