Chet el valyutasida bank hisobvaragʼini ochish va birjadan tashqari valyuta bozorida valyuta oldi-sotdi operatsiyalarini amalga oshirish boʼyicha oferta shartnomasi

4. Tomonlarning huquqlari 
 
4.1. Bank quyidagi huquqlarga ega: 
4.1.1. Oʼzbekiston Respublikasining amaldagi qonunchiligida, Oʼzbekiston 
Respublikasi Markaziy bankining normativ hujjatlarida, bank qoidalarida belgilangan 
hisob-kitoblar tartibini buzish, shuningdek, Mijoz tomonidan toʼlov hujjatlarini qayta 
ishlash va oʼz vaqtida taqdim etish tartibini buzish holatlari boʼlsa, Bank operatsiyani 
toʼxtatib turish choralarini koʼradi, yaʼni qonunga zid boʼlgan toʼlovni amalga 
oshirishdan bosh tortadi va uning bajarilishini toʼxtatadi. 
4.1.2. Mijozning boʼsh pul mablagʼlaridan mijozning oʼz mablagʼlarining 
xavfsizligi va erkin tasarruf etilishini kafolatlab, resurslar sifatida foydalanish. 
4.1.3. Bank mijozlariga xizmat koʼrsatish Tariflariga oʼzgartirishlar kiritish. Shu 
bilan birga, Bank mijozni tariflar oʼzgarishidan 10 kun oldin xabardor qiladi (bank 
binosida eʼlon joylashtirish, ommaviy axborot vositalari orqali yoki Bankning xohishiga 
koʼra boshqa usullar bilan). 

---

4.1.4. Soliq organining taqdimnomasini bajarishda, mijozning roziligisiz chet el 
valyutasini Oʼzbekiston Respublika valyuta birjasida sotilgan kundagi kurs boʼyicha 
byudjet oldidagi qarzini toʼlash uchun zarur boʼlgan miqdorda sotishni amalga oshirish 
va Аdliya vazirligi tomonidan 1999-yil 21-iyundagi 753-son bilan roʼyxatga olingan 
“Xoʼjalik yurituvchi subʼektlarning valyuta hisobvaraqlaridagi mablagʼlari boʼyicha 
byudjet oldidagi majburiyatlarini toʼlash tartibi”ga muvofiq, Mijozning milliy 
valyutadagi talabiga binoan depozit hisobvaragʼiga ekvivalent summani oʼtkazish. 
4.1.5. “Jinoyatdan olingan daromadlarni legallashtirishga va terrorizmni 
moliyalashtirishga qarshi kurashish toʼgʼrisida”gi Oʼzbekiston Respublikasi Qonuniga 
muvofiq mijoz tomonidan amalga oshirilgan operatsiyalar toʼgʼrisida zarur hujjatlar va 
maʼlumotlarni soʼrab olish hamda ularning hisobvaraqlari boʼyicha operatsiyalarni 
toʼxtatib turish. 
4.1.6. Аgar bank operatsiyalarini amalga oshirish uchun asos boʼlgan hujjatlarning 
haqiqiyligiga shubha tugʼilsa, bir vaqtning oʼzida operatsiyalarni toʼxtatib turish bilan 
imzolash huquqiga ega boʼlgan masʼul shaxslarga xabar berish va Mijozdan 
operatsiyalarning qonuniyligini tasdiqlovchi qoʼshimcha hujjatlarni taqdim etishni talab 
qilish.