The XXXVI International Scientific Symposium "Multidisciplinary Studies of the Turkish World" The 25 th of March 2023 ISBN: 978-605-72481-0-7 Eskishehir / Türkiye ---220---
dəhlizlərinin inkişafının təşviqi kimi aktual məsələlər də yer alır” (15). Qeyd edək ki, Zəngəzur dəhlizinin
istifadəyə verilməsi məsələsini Azərbaycan rəhbərliyi ilə yanaşı, Türkiyə də gündəmdə saxlayır.
Dəhlizin istifadəyə verilməsi Rusiya Federasiyasının və eləcə də, Ermənistanın maraqları daxilindədir.
Çünki dəhliz hər iki ölkə üçün dividentlər gətirəcək. Ermənistan Zəngəzur dəhlizinin açılmasıyla uzun illər
davam edən blokadadan çıxacaq və maddi gəlir əldə edəcək. Bundan başqa, Rusiyaya birbaşa nəqliyyat
marşrutu əldə edəcək. Azərbaycan Prezidenti İlham Əliyevin Rusiya Federasiyasının dövlət başçısı ilə baş
tutan görüşlərində dəhlizin açılması mütəmadi olaraq, müzakirə edilir. RF Prezidenti Vladimir Putin də
dəhlizin açılmasında həm siyasi, həm də iqtisadi baxımdan maraqlıdır və öz qəti mövqeyini ortaya qoymuşdur
və 2020-ci il 10 noyabr üçtərəfli bəyanatda nəzərdə tutulan öhdəliklərə əməl etməsini Ermənistandan tələb
edir.
Zəngəzur dəhlizinin açılması regional əməkdaşlıq və beynəlxalq layihələrin icrası aspektlərində
region ölkələrin maraqlarına xidmət edir. Çünki dəhliz Cənubi Qafqazdan keçən marşrutlar sisteminin
fəaliyyətini dirçəldəcək. Dəhliz, eyni zamanda, Azərbaycan və İran İslam Respublikası arasında dəmir
yol xəttinin çəkilməsinə və İranın dəmir yollarına çıxışını təmin edəcək. Zəngəzur dəhlizi müxtəlif
istiqamətlərdə əməkdaşlığın mühüm bəndlərindən biri kimi qəbul edilir.
Nəticə Deyilənləri yekunlaşdıraraq, belə bir nəticəyə gəlmək olar ki, Zəngəzur dəhlizinin istifadəyə
verilməsi regionda sülhün və təhlükəsizliyin qorunmasına töhfə verməklə yanaşı, türk dünyasını
birləşdirəcək, regionda yaradılan yeni nəqliyyat imkanları hesabına Avropa ilə Asiya arasında əlaqələrin daha
da sıxlaşmasına, regionun geosiyasi əhəmiyyətinin artmasına səbəb olacaq, Azərbaycanı regionun nəqliyyat
qovşaqlarının mərkəzinə çevirəcək.
