D. Djanabayev, Sh. Murodov, A. Xolmurzayev chizma geometriya

Yechish. Kesishish chizig’ining quyi va yuqori nuqtalarini aylantirish usuli bilan topish qulay. Dastavval sferaning markazidan o’tuvchi yordamchi M(M_H) tekislik berilgan Q(Q′,Q″) tekislikka perpendikulyar qilib o’tkaziladi.
So’ngra M(M_H) yordamchi tekislikning sfera va berilgan Q(Q′,Q″) tekislik bilan kesishish chiziqlari sferaning i(i′,i″) o’qi atrofida frontal vaziyatga kelguncha aylantiriladi. Bu holda M(M_H) tekislikning sfera bilan kesishish chizig’i (aylana) ning frontal proeksiyasi sferaning ocherki bilan ustma-ust tushadi. M va berilgan tekislikning kesishish chizig’i 0₁3 ning frontal proeksiyasi 0₁″3″ esa 0₁″3₁″ vaziyatni egallaydi. Demak, sferaning frontal proeksiyadagi ocherki bilan 0₁″3₁″ to’g’ri chiziqning kesishish nuqtalarini belgilab (rasmda faqat A₁″ nuqta belgilangan), ularni teskari yo’nalishda α burchakka burish kerak bo’ladi. Buning uchun A₁″ nuqtadan gorizontal vaziyatda to’g’ri chiziq o’tkazib, uning 0₁″3″ to’g’ri chiziq bilan kesishish nuqtasi A″ ni belgilash etarli bo’ladi. B″ nuqta ham xuddi shunday topiladi. Ocherklarning berilgan tekisliklar bilan kesishish nuqtalari C, D, E va F lar H₂ hamda V₁ tekisliklar yordamida topilgan. Oraliqdagi ixtiyoriy nuqtalardan E₁ va E₂ lar esa yordamchi H₁ tekislikdan foydalanib topilgan.
4-masala. H tekislikda joylashgan to’g’ri doiraviy silindrning ixtiyoriy vaziyatdagi P(P_H, P_V) tekislik bilan kesishishidagi kesim yuza proeksiyalari yasalsin (9.24-rasm).
Yechish. Kesim yuzasining gorizontal proeksiyasi silindrning gorizontal proeksiyasi (asosi) bilan ustma-ust tushadi. SHuning uchun kesimning faqat frontal proeksiyasi topiladi.

9.23-rasm.

Dastlab silindrning chetki 1, 2 yasovchilari bilan P tekislikning kesishish nuqtalari A va B ning frontal proeksiyalari A″ va B″ nuqtalari topiladi. Buning uchun chetki yasovchilar orqali V₁(V_1H) frontal tekislik o’tkaziladi. Bu tekislik berilgan P tekislikni frontal chiziq bo’yicha kesadi. Kesishish chizig’ining frontal proeksiyasi ƒ″ silindr chetki yasovchilarining frontal proeksiyalari bilan kesishib, A″ va B″ nuqtalarni hosil qiladi.

Kesimning eng yuqori va eng quyi nuqtalarning frontal proeksiyalari D″ va C″ nuqtalarni topish uchun silindrning o’qidan o’tuvchi va P tekislikka perpendikulyar bo’lgan M(M_H, M_V) gorizontal proeksiyalovchi tekislik o’tkaziladi: iM_HH. Bu tekislik silindrni 4(4′,4″) va 5(5′,5″) yasovchilari, P tekislikni esa 67(6′7′,6″7″) to’g’ri chiziq bo’yicha kesadi. Yasovchilarning frontal proeksiyalari 6″7″ to’g’ri chiziq bilan kesishib, D″ va C″ nuqtalarni hosil qiladi.
Kesimning boshqa nuqtalarini kesuvchi tekislikning gorizontal yoki frontal chiziqlaridan foydalanib topish mumkin. Masalan, E nuqtaning frontal proeksiyasi E″ ni topish uchun E nuqtadan o’tkazilgan V₂(V_2H) tekislik silindrni yasovchisi bo’yicha, P tekislikni ƒ₁(ƒ₁′, ƒ₁″) frontal chiziq bo’yicha kesadi. Frontalning frontal proeksiyasi ƒ₁″ va E′ nuqtadan o’tuvchi yasovchi o’zaro kesishib, E″ nuqtani hosil qiladi. F′ va F₁″ nuqtalar ixtiyoriy H₁(H_1V) gorizontal yordamchi tekislik o’tkazish yo’li bilan topiladi. Yordamchi tekislikning H_1V izi C″ va D″ nuqtalar oraligida o’tkaziladi. Bu tekislik silindrni aylana bo’yicha kesadi. Bu aylananing gorizontal proeksiyasi silindrning asosi bilan ustma-ust tushadi. Berilgan P(P_H, P_V) tekislik H₁(H_1V) tekislik bilan 1₁(1₁′, 1₁″) nuqtadan o’tuvchi h(h₁′,h₁″) gorizontal bo’ylab kesishadi.

9.24-rasm.
h₁ gorizontalning gorizontal proeksiyasi h₁′ va silindrning asosi o’zaro kesishib, F′ va F₁′ nuqtalarni hosil qiladi. Bu nuqtalardan proeksion bog’lanish chiziqlari o’tkazilib, H_IV izda F″ va F₁″ nuqtalar belgilab olinadi.
Silindrning kuzatuvchiga karatilgan oldingi yarim qismi ko’rinadi, orqa tomondagi qismi esa ko’rinmaydi. Shunga asosan, kesimning frontal proeksiyasidagi A″F₁″E₁″C″B″ qismi ko’rinadi, B″F″E″D″A″ qismi esa ko’rinmaydi. Bu nuqtalarni tartibi bilan tutashtirib, tekis egri chiziq - ellips hosil qilinadi.
5-masala. Asosi V tekislikda joylashgan to’g’ri doiraviy konusning P(P_H, P_V) tekislik bilan kesishishidagi kesim yuza proeksiyalari yasalsin (9.25-rasm).