Dars ishlanmasi (konspekt)

DARS ISHLANMASI (KONSPEKT)
Dars sanasi:_________ Sinf: ___
Fan nomi: Ona tili
Dars mavzusi: I va U unlilari
Dars maqsadi:

1. 
   ta’limiy maqsad: o’quvchilarga mavzuni to’liq yetkazish, o’tilgan mavzularni mustahkamlash
   

2. 
   tarbiyaviy maqsad: o’quvchilarni chiroyli yozuv qoidalariga rioya qilishga o’rgatish, ularga estetik tarbiya berish
   
3. 
   rivojlantiruvchi maqsad: o’quvchilarning mantiqiy fikrlash qobiliyatini rivojlantirish, savodli yozish uquvlarini o’stirish
   

Dars turi: aralash
Dars uslubi: kichik guruhlarda va yakka holda ishlash
Darsda foydalaniladigan jihozlar: rasmlar, ko’rgazma, tarqatma materiallar, kesma harflar
Ilmdan bir shu’la dilga tushgan on,
Shundan bilursankim ilm bepoyon.
Dars jarayoni va texnologiyasi

Ishning nomi	Bajariladigan ishning mazmuni	Metod	Vaqt
1-bosqich Tashkiliy qism	Darsni tashkil etish. O’quvchilarning davomatini aniqlash. Sinfning darsga tayyorgarligi tekshiriladi	Suhbat	2 minut
2-bosqich Ehtiyojlarni aniqlash	O’quvchilarning ehtiyojlarini aniqlab, mavzuga oid tushunchalar beriladi Harflarni yozish o’rgatiladi	Savol-javob	3 minut
3-bosqich Yangi mavzu bayoni	O’tilgan mavzuni mustahkamlash I va U unlilari haqida tushuncha berish Harflarni bog’lab yozishni mashq qilish 14 – 15 mashqni bajarish	Tushuntirish, izlanish Og’zaki savol-javob	31 minut
4-bosqich Mustahkamlash	Mavzu yuzasidan savol va topshiriqlar O’yinli mashg’ulotlar	Muammoli izlanish	6 minut
5-bosqich rag’batlantirish	O’quvchilarning darsga ishtiroki hisobga olinib rag’batlantiriladi		2 minut
6-bosqich Uyga vazifa	16-mashq 12 -bet	izlanish	1 minut

Darsning borishi:

1-2 bosqichlar texnologik xarita asosida tashkil etiladi
O’tilgan mavzuni takrorlash, o’quvchilar bilimini aniqlash va mustahkamlash maqsadida aqliy hujum savollari beriladi.
1. O’tgan darsda qaysi mavzu bilan tanishgan edik?

2. 
   O’zbek tilida nechta tovush bor?
   
3. 
   Unli harflar nechta?
   
4. 
   O’zbekiston poytaxti qaysi shahar?
   
5. 
   Tovushlar yozuvda nimalar bilan ifodalanadi?
   
6. 
   Nimani talaffuz qilamiz va eshitamiz?
   

III. Yangi mavzuni tushuntirish
O’quvchilar diqqati doskaga jalb etiladi. Yangi mavzu e’lon qilinadi.
Mavzuga oid mashqlar bajariladi.

a, e, I, o, u, o’ – unli tovushlarni ifodalovchi harflar

14-mashq. Tez aytishni bir nafas bilan necha marta ayta olasiz?
1. Chumchuq chug’urchuqni cho’qimasa,
Chug’urchuq chumchuqni cho’qimaydi.
2. Tursunda to’rtta to’r qop bor.
Ko’chiring, u unlisi i tarzida aytiladigan so’zlarning tagiga chizing.
Ularning qaysi bo’g’inida xato qilish mumkin?
15-mashq. So’zlarning oxirgi bo’g’inida u unlisini talaffuz qiling.
Chumchuq, boyqush, bulbul, qirg’ovul, burgut
Qushlar haqida o’quvchilar bilan suhbat o’tkaziladi.
O’quvchilarning so’zlarni yozishda qo’l harakatlari kuzatib turiladi.
Dam olish daqiqasi

IV.Yangi mavzuni mustahkamlash
. V. O’quvchilar darsga ishtirokiga qarab rag’batlantiriladi.
Uyga vazifa. 16-mashq.