Davlat va huquq nazariyasi

 
 

---

16 
1.2. Davlat boshqaruvi organlarining ochiqligini ta’minlash usullari va 
uning o‘ziga xos xususiyatlari 
Bilamizki, har bir sohada tadqiqot o‘tkazish, sohaga yangilik kiritish yoki 
takomillashtirish zarurati paydo bo‘lganda, uni ta’minlash usullari ko‘rsatib o‘tiladi. 
Ushbu prinsipdan kelib chiqqan holda, davlat boshqaruvi organlarining ochiqligini 
ta’minlash sohasini takomillashtirishdagi olib borayotgan tadqiqotimizni amalga 
oshirish usullari xususida tahlil qilib ko‘ramiz. Jumladan, O‘zbekiston 
Respublikasida davlat boshqaruvi organlari faoliyatining ochiqligini ta’minlash 
usullarini “Davlat hokimiyati va boshqaruvi organlari faoliyatining ochiqligi 
to‘g‘risida”gi O‘zbekiston Respublikasi Qonunning 11-moddasida davlat 
hokimiyati va boshqaruvi organlari faoliyatining ochiqligini ta’minlash usullari 
quyidagilardan iborat, jumladan: 
 davlat hokimiyati va boshqaruvi organlarining faoliyati to‘g‘risidagi 
axborotni e’lon qilish (chop etish); 
 davlat hokimiyati va boshqaruvi organlarining faoliyati to‘g‘risidagi 
axborotni ularning rasmiy veb-saytlarida joylashtirish va yangilab borish; 
 davlat hokimiyati va boshqaruvi organlarining faoliyati to‘g‘risidagi 
axborotni hamma kirishi mumkin bo‘lgan xonalarga va joylarga joylashtirish hamda 
yangilab borish; 
 davlat hokimiyati va boshqaruvi organlarining faoliyati to‘g‘risidagi 
axborotni axborot-kutubxona va arxiv fondlari orqali taqdim etish; 
 davlat hokimiyati va boshqaruvi organlarining ochiq hay’at majlislarida 
axborotdan foydalanuvchilarning hozir bo‘lishi uchun sharoitlar yaratish; 
 axborotdan foydalanuvchilarning so‘rovi asosida ularga davlat 
hokimiyati va boshqaruvi organlarining faoliyati to‘g‘risida og‘zaki va yozma 
shaklda (shu jumladan elektron hujjat shaklida) axborot taqdim etish
12
12
O‘zbekiston Respublikasining “Davlat hokimiyati va boshqaruvi organlari faoliyatining 
ochiqligi to‘g‘risida”gi Qonuni

---

17 
Ushbu usullardan dastlabkisi, davlat hokimiyati va boshqaruvi organlarining 
faoliyati to‘g‘risidagi axborotni e’lon qilish (chop etish). Bunda davlat boshqaruvi 
organlari faoliyatiga doir axborotlarni qanday tartibda va qanday vositalar orqali 
e’lon qilishi haqida ma’lumot olishimiz mumkin. Xususan, davlat boshqaruvi 
organlarining faoliyatiga doir axborotni har bitta davlat boshqaruvi organlarining 
rasmiy nashrlari, rasmiy veb-saytlari, shuningdek ommaviy axborot vositalari orqali 
e’lon qiladi hamda faoliyatiga doir axborotlarni o‘zlarining rasmiy veb-saytlarida 
joylashtiradi va yangilab boradi. Bu haqda biz navbatdagi usulimiz orqali 
ma’lumotga ega bo‘lamiz, jumladan, davlat boshqaruvi organlari faoliyatining 
ochiqligi sohasidagi qanday turdagi axborotni e’lon qilish va qancha muddatda 
yangilab borish haqida yuqoridagi qonunimizning 13-moddasida keltirib o‘tilgan va
bir qator turdagi axborotlar (Ma’lumot uchun: rahbarlar to‘g‘risidagi 
ma’lumot;davlat boshqaruvi organlarining tarkibiy va hududiy bo‘linmalarining ish 
tartibi to‘g‘risidagi ma’lumotlar, ularning telefon raqamlari hamda pochta 
manzillari, va hakozo.) e’lon qilinishi mumkinligi keltirib o‘tilgan. Albatta, 
yuqoridagi axborotlar qonunning 5-moddasi birinchi qismida nazarda tutilgan 
axborotlardan tashqari joylashtirilishi majburiy bo‘lgan axborotlardir. Shuningdek, 
ushbu axborotlarning yangilab borish masalasi haqida to‘xtaladigan bo‘lsak, 
moddaning ikkinchi qismida, davlat boshqaruvi organlarining faoliyatiga doir 
axborotlarni rasmiy veb-saytlarda joylashtirish va ularni yangilab borish davlat 
boshqaruvi organlari tomonidan belgilanishi, lekin haftasiga bir martadan kam 
bo‘lmasligi kerakligi haqida ma’lumot keltirib o‘tilgan. Bundan shunday xulosa 
chiqarishimiz mumkinki, davlat boshqaruvi organlari o‘z faoliyatiga doir 
axborotlarni doimiy ravishda rasmiy veb-saytlarda e’lon qilib borish va ularni 
doimiy tarzda yangilab borish majburiyatiga egadirlar.