DaxiLDİR: “qeydsiz-şƏrtsiz bəRAƏt istəyirəM!” Son söZ səh. 1-17

"DEYƏSƏN, GÜLƏR SƏSIMI YAZMAĞA GƏLMIŞDI..." 

Zatən  həmkarlarım  Gülərin  verilən  anonsla 

bağlı  yanıma  gəldiyini  bilirdilər.  Beləcə, 

Güləri  birtəhər  başımdan  edib  redaksiyadan 

çıxarandan  təxminən  beş  dəqiqə  sonra  ən  azı 

beş  nəfərə  onun  səsimi  yazmasından  və  məni 

şantaj etməyə  gəldiyindən bəhs  etdim.  Bir,  ya 

iki  gün  keçmədi  ki,  mənə  informasiya  daxil 

oldu  ki,  mənim  ətrafımda  ciddi  oyunlar 

hazırlanır.  Mənə  konkret  məlum  oldu  ki,  bu 

oyunların  bir  parçası  da  Gülərdi.  Mən  zatən 

bunu təxmin eləmişdim. 

Bir  həftə  keçdi.  Bu  həftə  müddətində 

G.Əhmədova  ölkənin  müxtəlif  ranqlı  tanınmış  adamları  vasitəsi  ilə  mənə  telefon  etdirir,  haqqındakı 

yazı-xəbər,  müsahibənin  dərcinin  dayandırılmasını  xahiş  edirdi.  Heç  kimin  telefonunu  götürmədim  və 

Gülərlə görüşməməyə qərar verdim. Gülərin telefon zəngləri növbəti cümə günü yenidən başladı və mən 

təkcə cavab verməməklə kifayətlənmədim, eyni zamanda əməkdaşlarıma və mənə yaxın olan adamlara 

da  Gülərdən  və  onun  zənglərindən  uzaq  olmağı  tapşırdım.  Hamıya  açıq-açıq  xəbərdarlıq  etdim: 

"Gülərdən  ehtiyatlı  olun.  Biz  hakimiyyətin  qurduğu  əməliyyatın  içindəyik.  Hər  an  baş  verə  biləcək 

hadisələrdən məni xəbərdar edin." Bu qadın tam çılpaqlığı ilə başını itirmişdi. Dalbadal mənə mesajlar 

yazır, redaksiyaya  gəlmək istədiyini bildirir, mənə qızıl dəstini verə biləcəyini söyləyir, avtomobilinin 

sənədlərini  girov  qoyacağını,  özünün  danışıb  özünün  müəyyənləşdirdiyi  hansısa  məbləğ  pulu  mənə 

vermək üçün vaxt istəyirdi. Yeganə qərar o idi ki, bu qadına heç bir cavab verməyim və vermədim də. 

Elə bu məqamda mənə "Yeni Müsavat" qəzetinin baş redaktoru Rauf Arifoğlu zəng elədi. Təbii ki, onun 

telefonunu  götürdüm.  Rauf  bəy  Gülərin  ondan  xahiş  elədiyini  və  onu  qəbul  etməyimi  rica  etdi.  İlkin 

olaraq  telefonunu  götürməyimi  xahiş  etdi.  Həmkarımın  sözünü  yerə  salmadım  və  Gülərlə  danışdım. 

Telefonu  açan  kimi  eyni  sözləri  təkrar  etdi  və  yenə  Güləri  birtəhər  yola  verəsi  oldum.  "Xural"ın 

gündəlik nəşrə hazırlaşdığı məqamda informasiya aldım ki, Əli Həsənov Ramiz Mehdiyevin xeyir-duası 

ilə Gülərdən və onun  yazdırdığı səsimdən istifadə planları qurub. Zatən KİVDF və MŞ artıq "Xural"a 

hücuma keçmişdi. Vüqar Səfərli 5.000 manatı icraya yönəltmiş, MŞ "Xural"ı "qara siyahı"ya salmışdı. 

Mən  hər  zaman  Əli  Həsənovun  planlarını  alt-üst  etmişəm.  İndi  də  etdim  və  sentyabrın  18-də  Gülərin 

məni şantaj etdiyini cəmiyyətə açıqladım. 

                                                       Gülər Əhmədova şantaj edir! 

 Həbsimdən düz 42 gün əvvəl Gülərin yanıma gəldiyini, məni pul verməklə şantaj etdiyini, hakimiyyətin 

məni  Gülər  vasitəsilə  həbs  eləmək  planlarının  olduğunu  açıqladım.  Həm  "Xural",  həm  də  "Azadlıq" 

qəzetlərində bu məsələ ilə bağlı açıqlamam, müsahibəm  yayımlandı və çox keçmədən  Əli  Həsənovun 

himayəsində  olan  "Olaylar"  qəzeti  və  eyniadlı  agentliyi  Gülərin  mənə  cavablarını  dərc  etdi.  Gülər 

mənim  yanıma  gəlməyini  sərt  bir  dillə  inkar  etdi.  Hətta  G.Əhmədova  mənim  psixoloqa  ehtiyacım 

olduğunu bildirdi (Mən çox sonra Gülərlə Elşad Abdullayevin videoçarx məsələsindən öyrəndim ki, o, 

həm  də  BDU-da  psixologiyadan  dərs  deyirmiş.)  Prokurorluq  və  hüquq  mühafizə  orqanları  KİV-də 

yazılan  bu  yazılardan  sonra  dərhal  hərəkətə  keçməli  ikən,  bunu  etmədilər  və  R.Mehdiyevin  şəbəkəsi 

 

30 

beləcə məni şərləyib həbs etdirdi. Halbuki bir daha vurğulayıram, mən bu şantaj haqqında nə az, nə də 

çox, düz 42 gün əvvəl ictimaiyyəti məlumatlandırmışdım. 

                                          311.3.3 VƏ 311.3.4-CÜ MADDƏLƏR DƏ YETMƏDI 

 KQMİ  G.Əhmədovanın  şəri  və  ərizəsi  ilə,  eyni  zamanda  saxta  yolla  əldə  olunmuş  qeyri-qanuni  səs 

yazısını əsas götürərək məni həbs etsə və haqqımda CM-nin ən ağır maddəsi ilə cinayət işi qaldırsa da, 

eyni  ilə  306.2-ci  maddədə  olduğu  kimi  iddianın  şər-şəbədə  olduğunu  hamıdan  gözəl  özləri  bilirdilər. 

Məni  həbs  etmişdilər,  haqqımda  311.3.3  və  311.3.4-cü  maddələrlə  saxta  və  siyasi  ittiham  elan 

etmişdilər, amma dəqiq bilirdilər ki, bu ittiham absurddur. Və mən onları bu ittihamın altında basıb dəfn 

edəcəyəm. Rahat deyildilər və əlavə ittiham elan etməli idilər.  

                                                     BAX 311.3.2-CI MADDƏ BELƏ ÇIXDI 

 311.3.3  və  311.3.4-cü  maddələrdən  bir  kar  aşmayacağını  gözəl  başa  düşən  istintaq  R.Mehdiyev  və 

Ə.Həsənov  şəbəkəsinin  istəklərinə  boyun  əyərək  həbsimdən  bir  həftə  keçmədi  ki,  mənə  311.3.2-ci 

maddə  ilə  (təkrar  rüşvət  alma)  yeni  ittiham  elan  etdilər.  2007-2008-ci  illərin  ağrısı,  "modelyer" 

göndərdikləri günlərin acısı, otağıma dinləmə qurğusu quraşdırdıqları  günlərin xiffəti hələ qalmışdı. O 

təcrübədən  çıxış  edirdilər  və  üzümə  2007-  2008-ci  illərdə,  hətta  daha  gerilərdə,  2005-2006-cı  illərdə 

məhkəmələrimiz olan və yekunlaşan adamlar qoyulurdu. Elə adamlar ki, mən onlarla təxminən elə 5-6 

ildir  ki,  görüşmürəm.  Bunların  içində  normal  münasibətim  olanlar  da,  həmkəndlilərim  və  uzaqdan-

yaxından  qohumluq  münasibətlərində  olduğumuz  adamlar  da  vardı.  Bu  dəfə  öz  hesablarınca  "yaxşı" 

işləmişdilər.  Məni  tanıdığım  adamlar  tərəfindən  vururdular.  Bu  Əli  Həsənovun  həyatının  ən  iblisanə 

qərarlarından biri idi. Mən onun bəlkə də bütün həyatının ən böyük oyunu olmalı idim. Amma olmadı. 

Beləliklə, Akif Məmmədov, Aydın Heydərov və Sabir Tarverdiyev absurd və olmayan iddialarla üzümə 

qoyuldular.  Guya  ki,  mən  onlardan  nə  zamansa  rüşvət  tələb  etmişəm.  Nə  zaman?  2006-2007-2008-ci 

illərdə! Bəs bu illərdə bu adamlar harada idilər?  

                                         RAMIZ MEHDIYEVLƏ ƏLI HƏSƏNOVUN ŞAHIDLƏRI 

Mənim  həbsimin  əsas  memarı  PA  rəhbəri  R.Mehdiyevdir.  Yalnız  o  məni  məhkəməyə  verəndən  və 

cərimələdəndən sonra bu ssenari işə düşüb. Əsas sifarişçi də odur. R.Mehdiyevin sifarişini Əli Həsənov 

icra  edib  və  onun  memarı  olduğu  cinayət  işini  o  "tikib".  Ona  görə  də  zərərçəkənlər  və  üzəduranlar 

arasında  tək  bircə  nəfər  də  yoxdur  ki  R.Mehdiyev  və  Əli  Həsənov  dəstəsindən  kənar  olsun.  Baş 

zərərçəkən R.Mehdiyevin özüdür. 10.000 manat tələbi ilə "Xural"ı müsadirə etdirən, tifaqımızı dağıdan 

da  odur.  Sadəcə,  Ədliyyə  Nazirliyinin   açdığı  cinayət  işindən  R.Mehdiyevin  adı  çıxarıldı.  Çünki 

zərərçəkən qismində tanınsa R.Mehdiyev istintaqa ifadə verməli və məhkəmə proseslərində iştirak edib 

şəxsən üzümə durmalı idi. Bunu şəstinə sığışdırmadı və Azərbaycan qanunlarına hörmət eləmədi. Məni 

məhkəməyə verən, cərimələdən R.Mehdiyev məni öz rəhbərliyində olan idarə tərəfindən də həbs etdirdi. 

KQMİ  birbaşa  R.Mehdiyevə  tabedir  və  məndə  olan  informasiyalara  görə,  ilk  əvvəl  bunu  etmək 

istəməyiblər və deputatı başqa qurumlara göndəriblər. Sadəcə, digər hüquq mühafizə orqanları bu həbsi 

həyata  keçirib  öz  reputasiyalarını  korlamaq  istəməyiblər.  Belə  olan  halda  bütün  "zərərçəkən"  və 

"şahid"lərin də R.Mehdiyevin adamları olması təbiidir... Elə deyilmi? 

"Zərərçəkən"lərdən  KİVDF-nin  icraçı  direktoru  Vüqar  Səfərli  və  Ağabəy  Əsgərov  birbaşa  Əli 

Həsənovun  kurasiyasındadır.  Hətta  2008-ci  ildəki  məhkəməmiz  dövründə  A.Əsgərovla  bütün 

mərhələlərdə anlaşıb barışsaq da, birbaşa A.Əsgərova telefon açan Ə.Həsənov buna maneçilik etmişdi. 

Yalnız  bundan  sonra  razılaşdırılmış  təkzib  mətnini  dərc  etsək  də,  A.Əsgərov  yenidən  cığallığa 

başlamışdı.  Vüqar  Səfərlini  isə  ictimaiyyət  o  qədər  Əli  Həsənovun  adamı  bilir  ki,  hətta  ona  "Əli 

Həsənovun əl telefonu" deyənlər də var. Əli Həsənovla Vüqar Səfərli KİVDF-ni şirkət kimi işlədirlər. 

Prezidentin  yaratdığı  bu  qurum  müstəqil  mətbuata  kömək  etməli  ikən,  tam  korrupsiya  bataqlığında 

boğulur.  Dövlət  büdcəsindən  ayrılan  pulun  tam  yarısı  Vüqarla  Əlinin  cibinə  gedir.  Bizim  bu  haqda 

silsilə  yazı-araşdırmalarımız  olub.  V.Səfərli  ilə  Əli  Həsənovu  digər  ticarət  sahələri  də  bağlayır.  Onlar 

birlikdə ev - bina tikintisi ilə məşğul olurlar və ticari maraqları var. 

 

31 

Nüşabə  Ələsgərli  adlı  müğənni  də  digər  müğənnilər  kimi  bunların  himayəsindədir.  Onu  bu  işə 

Ə.Həsənov "Xəmsə" restoranının sahibi Mürvət Həsənlinin əli ilə qoşub. 

Şahidlərə  gəlincə,  G.Əhmədova  məsələsi  artıq  bütün  dünyaya  aydındır.  Amma  bütün  dünyaya  aydın 

olmamışdan mən bilir və hayqırırdım ki, bu deputat R.Mehdiyevin siyahısından təyin olunub parlamentə 

və onun tapşırığı ilə üzümə durub. Zaman göstərdi ki, G.Əhmədova təkcə R.Mehdiyevin dəstəsində yer 

almaqla kifayətlənməyib, o, həm də R.Mehdiyevin adından deputat kreslosunu satan və onların pulunu 

torbalara yığıb ona - R.Mehdiyevə gətirən, rüşvətdaşıyandır. Yəni Gülər R.Mehdiyevə o dərəcədə yaxın 

adamdır ki, onun adından ciddi dövlət vəzifələrini satışa çıxarmaq, ona qiymət qoymaq, o pulu almaq və 

gətirmək səlahiyyətləri var və bunu tək də eləmir. Məşhur videoda görünür ki, o, bunu R.Mehdiyevin 

qızı  və  kürəkəni  ilə  birlikdə  edir.  O  da  məlumdur  ki,  G.Əhmədova  BDU-da  psixologiya  kafedrasında 

dərs deyir və R.Mehdiyevin qızı orada onun müdirəsidir. Gülərin qəzetinin və sahib olduğu informasiya 

resurslarının  isə  Mehdiyevə  aid  olduğunu  və  Əli  Həsənovun  kuratorluğunda  fəaliyyət  göstərdiyini  isə 

deməyə  ehtiyac  yoxdur.  Mən  onun  qəzetinin  Mehdiyevin  təsisçiliyində  fəaliyyət  göstərdiyini  2011-ci 

ilin sentyabr ayından yazmışam və həmin cədvəli məhkəməyə də təqdim etmişəm. 

Yəni  bu  cinayət  işində  G.Əhmədova  təsadüfi  seçilmiş  adama  oxşamır.  O  birbaşa  R.Mehdiyevin  və 

Ə.Həsənovun  tapşırığı  ilə  hərəkət  edib.  İstintaqın  qərar  verməsinə  baxmayaraq  Gülərin  telefonuna 

gələn-gedən  zənglərin  siyahısı  çıxarılmayıb.  SMS  məzmunları  götürülməyib.  Dəfələrlə  vəsatətlər 

verməyimə baxmayaraq, məhkəmə bunu etmədi. Elə olsaydı, Gülərin R.Mehdiyev və Ə.Həsənovla bu 

məsələdə necə birgə fəaliyyət göstərdikləri üzə çıxa bilərdi. Nə istintaq, nə də məhkəmə buna maraqlı 

olmadı.  Çünki  həm  istintaq,  həm  də  məhkəmə  R.Mehdiyevin  adı  çəkiləndə  nəfəs  almaqdan  belə 

çəkinirlər.  Hər  nə  işdirsə,  bu  ölkədə  İlham  Əliyevdən  daha  çox  R.Mehdiyevdən  qorxurlar  və  mən  bu 

fakta mətbu fəaliyyətim dövründə də rast gəlmişdim. Bəlkə bu, həm də ona görədir ki, Gülər və bu dəstə 

adam oğurluğunda da ittiham olunurlar? Bu haqda hələlik bir söz deyə bilmərəm. 

Hətta bəzən mənə elə gəlir ki,  Gülərin mənimlə normal  münasibət  yaratması  da xüsusi plan daxilində 

olub.  Redaksiyaya  elə  qəribə  adamlar  gəlib  və  az  qala  onlarla  niyə  dostluq  eləmək  istəmədiyim  üçün 

mənimlə davaya çıxanlar olub ki, biz onları "Xural"dan zorla qovmuşuq. Bizə yaxınlaşmaq, kollektivə 

daxil olmaq üçün çox çalışanlar olub. Hətta Ə.Həsənovun şahidlərindən biri olan Mürvət Həsənli mənim 

Anama  zəng  edib  şikayət  etmişdi  ki,  “Əvəz  mənimlə  niyə  dostluq  eləmir?”  Beləcə,  məlum  olur  ki, 

mənim və "Xural"ın yolunu kəsə bilməyənlər, hüquqi mübarizədə uduzan və uduzacaqlarını bəri başdan 

bilən  hökumət  səlahiyyətliləri  məndən  -  məni  şərləməklə  yaxa  qurtarmaq  istəyiblər.  Ola  bilər  ki, 

planlarında başqa variant - məni öldürmək də olub, amma hər halda məni həbs etdirməklə bu plandan 

imtina etdikləri görünür. 

Gülərin şahidinə və şahidlərinə  gəlincə, onları iki  yerə ayırmaq lazımdır. Gülərin şahidləri və Gülərin 

yanında  Əli  Həsənovun  şahidi.  G.Əhmədovanın  şahidləri  oğlu  Toğrul  Əhmədov,  rəfiqəsi  Rüxsarə 

Axundova və işçisi Zaur Mirzədir. Bu şahidlər qanunla da yalançı şahidlərdir. Çünki adı çəkilən Toğrulu 

ilk dəfə məhkəmədə gördüm, Rüxsarə xanımı məhkəməyə qədər cəmi bir dəfə görmüşəm, Zaur Mirzə 

ilə isə bu məsələ ilə bağlı heç bir söhbətimiz olmayıb.  Bu şahidləri nə istintaq, nə də məhkəmə şahid 

qismində tanımamalı idi. Bu haqda dəfələrlə vəsatətlər də qaldırdım. Amma görünür, yalançıya şahidlər 

lazım imiş. 

Ə.Həsənovun Gülərin yanındakı yalançı şahidi Tənzilə Rüstəmxanlı haqqında isə ayrıca söhbət açmağa 

ehtiyac var. 

G.Əhmədova  istintaqa  ifadəsində  Tənzilə  Rüstəmxanlını  özünün  yaxın  rəfiqəsi  adlandırsa  da, 

T.Rüstəmxanlı  məhkəmədə  bunu  inkar  etdi  və  onu  şahid  göstərdiyi  üçün  hətta  Güləri  tənqid  də  etdi. 

Amma  ibtidai  istintaqa  verdiyi  ifadəni  də  təsdiq  etdi.  Gülərə  yol  göstərdiyini  və  mənim  həbsimdə 

maraqlı olduğunu sübut etdi. Bəs niyə? Bu sualın cavabı R.Mehdiyev və Ə.Həsənovun dəstəsində yatır. 

T.Rüstəmxanlı  çoxdandır  R.Mehdiyev  şəbəkəsi  ilə  çalışır.  Onun  adı  zaman-zaman  hakimiyyətin 

müxalifətə  yönəlik  planlarında  yer  alıb.  İndi  onun  Gülər  Əhmədovanın  şahidi  kimi  mənim  həbsimdə 

maraqlı olması da Mehdiyev komandasında olmağından qaynaqlanır. Bundan başqa, T.Rüstəmxanlının 

 

32 

Ə.Həsənovla  özəl  münasibətləri  də  var.  T.Rüstəmxanlı  Ə.Həsənovun  həyat  yoldaşı  Sona  Vəliyeva  ilə 

rəfiqəlik  edir.  Sona  Vəliyeva  şairədir.  Onun  sonuncu  şeirlər  kitabının  ön  sözünün  müəllifi  də  başqası 

deyil,  T.Rüstəmxanlının  həyat  yoldaşı,  xalq  şairi  Sabir  Rüstəmxanlıdır.  T.Rüstəmxanlı  S.Vəliyevanın 

həyat  yoldaşı  Ə.Həsənova  həsr  etdiyi  "Qaragilə"  şeirini  türkiyəli  milliyətçi  müğənni  Əhməd  Şəfəqin 

ifasında səsləndirib. Musiqisi Ə.Şəfəqə, sözləri isə S.Vəliyevaya aid olan "Qaragilə" mahnısına xüsusi 

disk  çıxarılıb  və  bu  diskin  maliyyəsini  T.Rüstəmxanlı  verib.  Türkiyədə  işıq  üzü  görən  diskin 

Azərbaycanda geniş təqdimatı olub. Və bundan sonra Azəri-Türk Qadınlar Cəmiyyətinin Heydər Əliyev 

sarayında  təqdimatı  olub.  Təqdimatda  S.Vəliyeva  və  Ə.Həsənov  iştirak  ediblər.  Təqdimatdan  sonra 

S.Vəliyeva ölkə mətbuatına müsahibə verib və "Qaragilə" şeirini həyat yoldaşı Ə.Həsənova həsr etdiyini 

deyib.  Məhz  bu  hadisədən  sonra  isə  Əhməd  Şəfəq  Əli  Həsənovun  dəstəyilə  “Tərəqqi”  medalına  layiq 

görülüb.  Təbii  ki,  bu  haqda  "Xural"da  yazılar  dərc  olunub.  Və  bu  yazıların  dərcindən  sonra 

T.Rüstəmxanlı bizdən inciyib. 

Çox  ciddi  şübhələrim  var  ki,  əgər  G.Əhmədova  ilə  bu  şər  alınmasaydı,  Ə.Həsənov  bu  rolu  ifa  etmək 

üçün T.Rüstəmxanlıdan istifadə edəcəkdi. Onun həm də belə işlərdə təcrübəsi var. 

311.3.2 (TƏKRAR RÜŞVƏTALMA) 

 Hakimiyyət 311.3.3 və 311.3.4-cü maddəni Gülərin əli ilə üzərimə yükləsə də, qısa müddət sonra bunun 

da bir işə yaramayacağını dərk etdi. Və hər ehtimala qarşı Ə.Həsənov daha üç "iş" tapdı. Bu epizodun 

əsas  oyunçusu  Akif  Məmmədov  və  onun  şahidləridir.  A.Məmmədov  "Kurort"  ASC-nin  sabiq 

direktorudur. Onun qanunsuz fəaliyyəti ilə əlaqədar 2006-2008-ci illərdə müxtəlif yazılar yazmış və bu 

səbəblə də məhkəmə çəkişməsi  keçirmişik.  A.Məmmədov həm  mülki qaydada, həm  də xüsusi ittiham 

qaydasında məni məhkəməyə verib, sonra isə ərizəsini geri götürüb, yəni barışmışıq. Son dəfə nə zaman 

görüşdüyümüzü  xatırlamıram.  Heç  son  illər  onun  haqqında  nəsə  yazmamışıq  da.  İşin  maraqlı  tərəfi 

ondadır  ki,  A.Məmmədov  Ə.Həsənovun  doğmaca  qudası,  Azərbaycan  Həmkarlar  Konfederasiyasının 

sədri,  deputat,  "Ülfət"  qəzetinin  sahibi  Səttar  Mehbalıyevin  iş  ortağıdır.  Uzun  illər  S.Mehbalıyevin 

tabeçiliyində  çalışıb.  İndi  də  onun  qarşısında  tabeçilik  münasibətləri  var.  A.Məmmədovun  işi  də 

G.Əhmədovanın  işi  kimidir.  Orada  da  bir  şahid  var  ki,  birbaşa  Ə.Həsənovun  təkərində  fırlanır.  Bu 

mənim  həmyerlim,  uşaqlıq  "dost"um,  "Xəmsə"  restoranının  sahibi  Mürvət  Həsənlidir.  M.Həsənli 

Ə.Həsənovla  KİVDF icraçı  direktoru V.Səfərlinin vasitəsilə tanış olub.  Müxtəlif vaxtlarda təmənnasız 

olaraq  KİVDF-nin  tədbirlərini  keçirib.  M.Həsənli  19.12.2011-ci  ildə  mənim  əleyhimə  istintaqa  ifadə 

verib. Nə qəribədir ki, 29.12.2011-ci ildə KİVDF "Xəmsə"də tədbir keçirib. Baş rolda isə Ə.Həsənov. 

Səhih məlumatlarım var ki, mənim həbsimdən əvvəl ən azı 5 dəfə Ə.Həsənov "Xəmsə"də görünüb və 

mənim  həbsimin  detalları  müzakirə  olunub.  Həm  M.Həsənlidən  mənim  əleyhimə  informasiya  alıblar, 

həm də ona mənim üzümə durmağı müqabilində vəzifə və  yeni obyekt  - imtiyazlar vəd olunub. Hətta 

"Gülüstan"  sarayını  işlətməyin  müqabilində  ondan  külli  miqdarda  pul  tələb  edib  və  alıblar.  Sadəcə, 

Prezident "Gülüstan" sarayının sahibini şəxsən tanıdığından Ə.Həsənovun planı pozulub. 

Yəni  A.Məmmədovla  M.Həsənli  Ə.Həsənov  üçün  lap  göydəndüşmə  olub.  Bu  qrupu  "ələ  verən" 

M.Həsənli olub. Bunu həm A.Məmmədov, həm də X.Muxtarov ifadələrində təsdiq etdilər. 

Akif Məmmədov işində qalan 2 şahid - Xanoğlan Muxtarov və Vüqar Məmmədov isə sadəcə Mürvətin 

təqdimatında Ə.Həsənovun karvanına qoşulublar. V.Məmmədov ölkədən qaçıb getsə də və məhkəməyə 

ifadə  verməsə  də,  Mürvət  öz  ömrünə  yazdığı  qara  ləkəni  onun  da  ömrünə  saldı.  Təəssüf  ki, 

V.Məmmədov  da  həm  mənim  həmkəndlimdir,  həm  də  dostum  olub.  Türkiyəyə  də  mənimlə  bəhsə 

girərək oxumağa gəlib. Vüqarın atası da atamla dost olub. İndi Vüqarın atası o dünyada - mənim atamın 

üzünə necə çıxacağını, oğlu isə bu dünyada - mənim üzümə necə çıxacağını düşünür. 

V.Səfərli  Ə.Həsənov  üçün  necə  əl  telefonu  funksiyasını  icra  edirsə,  X.Muxtarov  və  V.Məmmədov  da 

M.Həsənli üçün elədir. Onlar da Mürvətin "əl telefonları"dır. 

Sabir Tarverdiyev hakimiyyətyönümlü Milli Dövlətçilik Partiyasının sədridir. İqtidarın iş adamlarından 

biridir və birbaşa Əli Həsənova bağlıdır. Bu işə də birbaşa onun direktivləri ilə daxil olub. S.Tarverdiyev 

məhkəmədə  də  etiraz  etdi  ki,  ona  mənim  üzümə  durmaq  üçün  çox  ciddi  təpkilər  olub.  Onun  mətbuat 

 

33 

xidmətinin  rəhbəri  isə  Sabirin  fikirlərinə  şahid  durub.  Hər  yalançının  mütləq  və  ən  azı  bir  şahidi 

olmalıdır axı. 

S.Tarverdiyev  başqa  bir  xətlə  də  Ə.Həsənovdan  asılıdır.  Onun  2  qəzeti  MŞ-nın  üzvüdür  və 

S.Tarverdiyev hər ay Əflatun Amaşova "xüsusi haqq" göndərir və bunu hər yerdə deməkdən çəkinmir. 

Ə.Həsənov  bu  məsələyə  xüsusi  diqqət  edir.  Həm  S.Mehbalıyevin  "Ülfət"  qəzeti,  həm  M.Həsənlinin 

"Xəmsə" qəzeti, həm S.Tarverdiyevin "Araz" və "Meridian" qəzetləri MŞ-nın üzvüdür və bəziləri hətta 

MŞ-nın  təsisçilərindəndir.  Bu  da  təsirin  bir  növüdür.  Yuxarıdakı  T.Rüstəmxanlı  olayı  da  belədir. 

Ə.Həsənov  həm  T.Rüstəmxanlının,  həm  də  onun  həyat  yoldaşı  S.Rüstəmxanlının  QHT-lərini 

maliyyələşdirir.  Bir  ailədən  2  QHT  Ə.Həsənovun  təsirində  olan  Azay  Quliyevin  DDŞ-sindən  maliyyə 

alır. 

311.3.2-nin  3-cü  üzəduranı  Aydın  Heydərovdur.  A.Heydərov  isə  S.Tarverdiyevin  xalası  oğludur  - 

doğmaca. Ə.Həsənovun bir zəngi ilə xalası oğlunu xalaoğlu işə qoşub, vəssalam... 

Maraqlıdır ki,  A.Heydərov KQMİ-yə 7 il bundan əvvəl  MŞ-ya  göndərdiyi ərizəni  təqdim  edib.  Aydın 

olur ki, bunu A.Heydərov yox, MŞ edib. Yəni Ə.Həsənov inhisarında olan MŞ-dan 7 il əvvəlin ərizəsini 

çıxarıb və KQMİ-yə göndərib. Saxtakarlığın bu miqyasda olanına yalnız R.Mehdiyev və ya Ə.Həsənov 

gedə bilərlər. 

A.Heydərovun  sürücüsünə  gəlincə,  onu  mən  tanımadım.  O  da  məni  tanımadı.  İstintaqa  ifadə  verən 

sürücü  ilə  məhkəməyə  gələn  sürücü  arasında  o  qədər  fərq  var  idi  ki,  sonradan  şəxsiyyət  vəsiqəsinə 

baxarkən onu hakimlər və prokuror da tanımadılar. 

Beləcə, Ə.Həsənov mənim işimdəki üzəduranların hamısı ilə birə-bir əlaqədə olub və onların hamısını 

şəxsən təlimatlandırıb. Çünki 311.3.3, 311.3.4 və sonradan əlavə olunan 311.3.2-ci maddələrində olan 

"şahid"lərin hamısını PA-nın şöbə müdiri şəxsən tanıyır. 

Bütün bu çətinliklərə baxmayaraq, siyasi hakimiyyət bunların da fakt olmadığını gördü. S.Tarverdiyev 

Gəncənin icra başçısı E.Vəliyevin adından danışır, halbuki onunla "Xural"ın məhkəmə prosesi olub və 

məhkəmənin qanuni qüvvəyə minmiş hökmü var. Eləcə də A.Heydərovla məhkəmə çəkişməmiz olub və 

A.Heydərov xüsusi ittiham qaydasında şikayətini geri götürüb. Neyləməli? Ə.Həsənov daha bir ittiham 

uydurmalı idi. Bu da vergi oldu. 

                                      PA VERGIDƏN - 213.1-CI MADDƏDƏN MƏDƏT UMUR 

Bu  qədər  yalançı  şahidlərə  baxmayaraq,  Ə.Həsənov  və  istintaq  yenə  rahat  ola  bilmədi.  Onların 

sərəncamında kifayət qədər üzəduran var idi, amma mötəbər sübutları kifayət etmirdi. Hətta müstəntiqin 

özünün  mənə  etirafına  görə,  ilk  günlər  təxminən  100  nəfərə  qədər  üzəduran  siyahısı  hazırlasalar  da, 

sonradan  bu  plandan  imtina  olunub.  İstintaq  100-dən  çox  adamdan  1.500.000  -  2.000  000  manat  pul 

yükləmək istəyirmiş boynuma. 

Bütün bu komplo teorilərinin alınmadığını görən hakimiyyət və onun diqtəsi ilə çalışan istintaq ənənəvi 

susdurma  metodundan  istifadə  edir:  Vergi  ilə  çökdürmək!  Onlara  elə  gəlir  ki,  vergi  ilə  bizi  sıradan 

çıxarmaq daha  asan olacaq. 306.2, 311.3.2, 311.3.3, 311.3.4-cü maddələrindən kar  aşmayacağını  bilə-

bilə,  bilərək  bu  dəfə  vergini  işə  salmağa  qərar  verdilər.  14.11.2011-ci  ildə  müstəntiq  Qabil  Qasımov 

təqdimatla müraciət etdi və KQMİ-nin heç bir hüquqi ixtiyarı olmaya-olmaya məhkəmə tərəfindən vergi 

yoxlaması  təyin  etdi.  Bu  isə  istintaqı  o  qədər  bərbad  duruma  saldı  ki,  işin  içindən  özləri  də  çıxa 

bilmədilər. Əlli min saxtakarlıq edərək, min hoqqadan çıxaraq, guya ödəmədən  yayınan 7.300 manata 

yaxın  məbləğ  açkarladılar  ki,  bunu  da  müstəntiqin  özünün  dəvət  etdiyi  ekspert  4.000  manata  qədər 

endirdi. Müstəntiq hey "bu bizim yanlışımızdır" deyirdi... 

                                                     

 

 

34 

HƏR AĞIZDAN BIR AVAZ GƏLIR 

 Əslində,  bu  istintaqdan  olsaydı,  Cinayət  Məcəlləsinin  bütün  maddələrini  mənə  yükləyəcəkdi.  Bunun 

üçün  də  şərait  yaranmışdı.  Ə.Həsənovun  mətbuatı  tam  gücü  ilə  əleyhimə  kampaniyaya  başlamışdı. 

Kəmaləddin  Heydərovun  informasiya  agentlikləri  də  onlara  qoşulmuşdular.  Keçmiş  deputat  Vüqar 

Rəhimzadə,  hazırkı  deputat  Bəxtiyar  Sadıqov  MŞ-nın  adından  daha  irəli  gedir,  daha  sərt  və  adlarına 

yaraşan  bəyanatlar  verirdilər.  B.Sadıqov  qanunların  çox  yumşaq  və  humanist  olmasından  bəhs  edirdi. 

Və  onun  dedikləri  əslində  Milli  Məclisin  də  mövqeyi  kimi  qəbul  olunmalı  idi.  Mən  hüququn  verdiyi 

bütün  yollardan  istifadə  edir,  demokratik  cəmiyyətin  qaydalarına  uyğun  olaraq  dirəniş  göstərir, 

"Xural"ın  və  onun  Oxucularının  sərt  müqavimətini  təşkil  edir,  bunlar  isə  məhz  onu  istəmirdilər.  Ona 

görə  də  beyinləri,  intellektləri  ilə  mənimlə  döyüşə  bilməyənlər  inzibati  amirlik  metodunu  köməyə 

çağırırdılar.  Demokratiyalarda  bükə  bilmədiyin  əli  öpməlisən,  amma  bunların  rejimində  bükə 

bilmədikləri qolu sındırmaq var. Bunlar məndə və "Xural" qəzetində də elə etdilər. Ramiz Mehdiyev-Əli 

Həsənov şəbəkəsinin mətbu xadimləri gözükölgəli, satılmış qələmlərdən ibarətdir və onlar demokratik 

şəkildə  mübarizə  apara  bilmədilər.  Ə.Həsənovun  tapşırığı  ilə  öz  işlərini  gördülər.  Təsadüfi  deyil  ki, 

A.Heydərov MŞ-ya yazılan ərizəsini guya istintaqa da göndərib. Amma elə deyil. O ərizəni istintaqa MŞ 

göndərib... 

                                                       QEYRI-HÜQUQI MÜBARIZƏ