Densawliqti saqalaw ministirligi

Keselliktin’ jug’iw jollarina qarsi o’tkiziletug’in is-ilajlar
Eger nawqas u’yde qaldirilsa, ol jag’dayda emlew dawaminda kishi meditsina xizmetkerleri ta’repinen ku’ndelik dezinfektsiya jumislari o’tkiziledi. Awqattan tazalang’an idis tabaqlar dezinfeksiya maqsetinde 0,5% soda eritpesi 15 minut qaynatiladi ya’kiy 0,5% xloramin eritpesinde 10 minut uslap turiladi, 150 g xloraminge 10 l suw tuwri keliwi kerek. Qaldiq awqat bolsa 15 min qaynatilip son’ shelekke taslanadi. Ustingi kiyimler ha’m prostinalar 0,5% soda eritpesi qollanilip 15 min qaynatiladi yakiy 0,5% xloramin eritpesi menen 30 minut uslap turilg’annan keyin qaynatiladi ha’m qurg’atiladi.
Plastmassa, ag’ash, rezinadan tayyarlang’an oyinshiqlar 0,5% xloramin eritpesinde 30 min dawaminda uslap turiladi, materiyaldan tayarlang’an oyinshiqlar 0,5% xloramin eritpesi menen tazalanadi.U’ydegi pollar da usi eritpe menen tazalanadi. Otirg’ish garshok, sudno,unitazlar0,5% xloramin eritpesi menen tazalaniladi, 30 min uslanadi.
Shibinlarg’a qarsi is-ilajlar ushin u’ydegi barliq esik ha’m aynalarg’a tor ornatiladi. Nawqas ushin isletiletug’in grelka, termometrler de 0,5% xloramin menen tazalanadi.
Nawqas benen kontaktta bolg’anlar 7 ku’n dawaminda meditsina baqlawi astinda boladi. Sol maqsette poliklinikanin’ meditsina xizmetkerleri ta’repinen mekteplerde, baqshalarda balalardi meditsina ko’rikten o’tkiziledi ( dene temperaturasi, najasi tekseriledi ha’m juwan ishek palpatsiya qilinadi). Keselleniw ha’wij alg’anda keselliktin’ aldin aliw maqsetinde bakteriofaklar beriledi. Balalarg’a 3 jasqa shekem 1 tabletka, 3 jastn joqari ha’m ulken jastag’I balalarg’a 2 tabletka ha’r 3 kunnen beriledi.

Dezenteriya keselliginin’ profilaktikasi

MSEBO talaplarina muwapiq kesellik oshag’inda sanitar-profilaktik is-ilajlar o’tkiziledi. Suw derekleri, suw hawizleri, qudiqlardi jaqsilaw ha’jetxanalardi tazalaw, shibinlardi joq etiw ha’mde sanitary ag’artiw jumislarin alip bariw.
Epidemiyalogik jag’daydan kelip shig’ip, ayrim jag’daylarda, xaliqtin’ bazi sotsialliq kasiplik gruppalari ortasinda fagoprofilaktika o’tkiziledi. Bunda aldin usi bakteriyofagdin’ ajratip atirg’an shigellalardi lizis qiliw qasiyeti u’yreniliwi ha’m esapqa aliniwi kerek;.
1. Profilaktika maqsetinde mektepke shekem bolg’an balalar, baqshag’a shekem bolg’an balalar awqatlaniw karxanalarinda islewhsi xizmetkerler, aziq awqat dukanlarindag’I satiwshilar, suw tarmag’inda islewshilerge ha’mde somatic emlewxanalarda nawqaslarg’a 5 ku’n dawaminda 1 tabletkadan bakteriofag beriledi.
2. Oshaqta epidemiologik ko‘rsetpege qarap mektepke shekem bolg’an balalar mekemelerinde profilaktika maqsetinde 3 kun izbe-iz sistemali rawishte fagoprofilaktika o’tkiziledi.
4. Iskek o‘tkir kesellikleri menen awirg’an nawqaslarg’a 2 ma’rteden emlew maqsetinde 5 kun bakteriofag beriledi. Awirmagan 6 aydan 3 jasqa shekem balalarg’a 1 tabletka, 3 jastan joqari ha’m u’lken jastag’ilarg’a 2 tabletka, 8 jastag’ilarg’a 2-4 tabletka. Emlenip bolg’an balalar, balalar mekemelerinde ha’m awqatlaniw karxanalarinda jumis islewshi xizmetkerlerge 5 ku’n dawaminda fagoprofilaktika o’tkiziledi.