şəxsin çəkdiyi və hüquqlarının bərpası üçün çəkəcəyi xərclər, həmçinin, əgər şəxsin hüquqları pozulmasaydı, həmin torpaq sahəsinin istifadəsi zamanı ala biləcəyi, lakin alınmamış gəlir (əldən çıxmış fayda) başa düşülür. Əgər şəxs, digər şəxsin torpaq hüququnu pozmaq nəticəsində gəlir əldə edirsə, o zaman hüququ pozulan
şəxs digər itkilərlə yanaşı onun hüququnu pozan şəxsdən əldə etdiyi gəlirdən az olmamaq şərti ilə ödəniş tələb
etmək hüququna malikdir.
Dövlət orqanlarının, bələdiyyələrin və bu orqanların vəzifəli şəxslərinin qanunsuz hərəkəti (hərəkətsizliyi)
nəticəsində vətəndaşa və ya hüquqi şəxsə dəymiş zərər dövlət və ya bələdiyyə qurumları tərəfindən ödənilir.
Torpaq hüquqlarının müdafiəsi torpaq mübahisələrinin həlli qaydasında, yəni, predmeti bu və ya digər
torpaq sahəsi və ya müvafiq torpaq sahəsinə hüquqların mübahisəsinin həlli qaydasında həyata keçirilə bilər.
Torpaq mübahisələrinə həmçinin, torpaq sahələrinin verilməsinə imtina edən səlahiyyətli orqanların qərarından
şikayətlə bağlı olan mübahisələr də aiddir.
Torpaq üzərində mülkiyyət, torpaqdan istifadə məsələləri üzrə rayonların (şəhərlərin) daxilində torpaq
mülkiyyətçilərinin, istifadəçilərinin və icarəçilərinin mübahisələrinə müvafiq icra hakimiyyəti orqanı, bələdiyyə
və məhkəmə tərəfindən baxılır. Onların çıxardığı qərarla tərəflər razı olmadıqda mübahisələrə qanunvericiliklə
müəyyən edilmiş qaydada müvafiq məhkəmədə baxılır.
Azərbaycan Respublikasının Mülki Məcəlləsinin 166.3-cü maddəsinə görə, daşınar əşyalardan fərqli
olaraq torpaq sahəsinə mülkiyyət hüquqi və sahiblik haqqında iddia hüququnun torpaq sahəsinin daşınmaz
əmlakın dövlət reyestrində qeydə alınmasından irəli gəldikdə ehtimal edilir. Lakin daşınar əşyalarda olduğu
kimi torpaq sahəsinin faktik sahibi də sahiblikdən özbaşına məhrum edilmə vaxtı sahibliyin qaytarılması,
sahibliyin pozulması olduqda pozuntuya son qoyulması barədə iddia verə bilər.
