Dərs vəSAİTİ Azərbaycan Respublikası Təhsil Nazirliyi Elm və

torpaqların kəmiyyət və keyfiyyətcə uçotu, bonitirovkası  və iqtisadi qiymətləndirilməsi üzrə 
məlumatların məcmusu olub, torpağa mülkiyyət hüququ və digər hüquqların müdafiəsi üçün, torpaq 
dövriyyəsinin (xüsusən də, torpaq bazarının) inkişafı  və  təminatı üçün, həmçinin, onun «sosial 
funksiyasının» realizə olunmasını  təmin etmək məqsədi ilə torpaq mülkiyyətinə münasibətdə dövlətin 
«müdaxiləsi» üçün lazım olan qanuna əsaslanmış və hüquqi cəhətdən dəqiq məlumatlar üçün vacib olan 
hüquqi əhəmiyyətli informasiya əsasını yaradır.  
Bundan başqa, həmin informasiya bazası bütün cəmiyyətin mənafeyi üçün onun təlabatına uyğun olaraq 
torpaq ehtiyatlarının istifadəsinin, dövlət planlaşdırılması  və onların səmərəli istifadəsinin təminatına görə 
nəzarətin ilkin şərtidir. 
Qüvvədə olan torpaq qanunvericiliyinə uyğun olaraq torpaqlardan istifadə edilməsinin hüquqi əsasları, 
növləri, torpaq mülkiyyətçiləri, istifadəçiləri və kateqoriyaları üzrə bölüşdürülməsi, torpaqların keyfiyyət 
xarakteristikası, habelə torpaqların bonitrovkası  və iqtisadi qiymətləndirilməsi haqqında lazımi məlumat və 
sənədlər sistemini əks etdirən dövlət torpaq kadastrı aparılır. 
Dövlət torpaq kadastrı respublikamızda vahid sistem üzrə aparılır və geodeziya, topoqrafiya və 
kartoqrafiya məlumatlarının dövlət kadastrı  əsasında torpaq, geobotanika və digər axtarış-tədqiqatların 
aparılması, torpaq istifadəçiliyinin qeydiyyatı, torpaqların uçotu və qiymətləndirilməsi, bataqlıqlaşması, 
təhlükəli maddələrlə çirklənməsi, habelə torpaqların münbitliyini səciyyələndirən göstəricilər kompleksi üzrə 
kənd təsərrüfatında istifadə edilən torpaqların mədəniləşdirilməsi dərəcəsinin dinamikası üzərində yerüstü 
səyyar, stasionar və kənardan idarə (aerokosmik) metodları komplekslərindən istifadə ilə təmin olunur. 
Hazırda dövlət torpaq kadastrı ölkəmizdə Azərbaycan Respublikası Nazirlər Kabinetinin 7 iyun 1999-cu 
il tarixli 94 Saylı  Qərarı ilə  təsdiq edilmiş  «Dövlət torpaq kadastrının aparılması qaydaları haqqında 
Əsasnamə» üzrə aparılır. 

---

106 
 
Dövlət torpaq kadastrının aparılması vəzifəsi Azərbaycan Respublikası Dövlət Torpaq və Xəritəçəkmə 
Komitəsinin üzərinə qoyulmuşdur. 
Azərbaycan Respublikası Nazirlər Kabinetinin 7 iyun 1999-cu il tarixli 94 Saylı Qərarı ilə təsdiq edilmiş