Əksinə demokra- tik cəmiyyətin çox mühüm bir göstəricisi ideya- siyasi cərəyanların, yanaşmaların mövcudluğu, onların hər birinin digərinin fəaliyyətinə münasibətdə dözümlülük göstərməsi və açıq xarakterinin tə„min olunmasıdır. Siyasi ideologiya təkcə anlayışlar, fikirlər, obrazlar sistemi deyildir.
O həm də cəmiyyətin müəyyən institutudur. Məhz onun köməyilə siyasi
ideologiya kütləvi şüurda fəaliyyət göstərə bilir. Məsələ bundadır ki, hər
hansı siyasi ideologiya özü- özlüyündə qarşısına qoyduğu məqsədlərə nail
olmaqda acizdir. Bunun üçün onu kütlələr içərisində yaymaq və kütlələri
ona inandırmaq tələb olunur. Buna görə də hər bir ideologiya öz
xarakterinə, məzmun və məqsədinə uyğun olan ideoloji tə„sir vasitələri,
təbliğat tipini, onun metod və formalarını işləyib hazırlayır.
Müasir cəmiyyət siyasi plüralizm siyasi partiyaların və ictimai-
siyasi hərəkatların çoxluğu ilə səciyyələnir. Bu subyektlərin hər biri öz
siyasi ideologiya və proqramını kütləvi şüurda yaymağa, təbliğ etməyə
çalışır. Bu məqsədlə müəyyən funksioner təbəqəsi, təbliğatçılar qrupu
yaradır. Əlbəttə bu prosesdə ümumi qəbul olunmuş forma və vasitələrdən
istifadə edilirsə, bu tamamilə normal haldır. Lakin təəssüf ki, siyasi
reallıqda bə„zən qeyri- məqbul formalar (pulla ələ alma, qorxutma, aldat-
ma, populizm, manipulyasiya və s.) da tətbiq olunur.
Müasir ictimai inkişafın mühüm bir xüsusiyyətini kütləvi
siyasiləşmə meylinin artması təşkil edir. Bunun nəticəsində cəmiyyətin hər
bir üzvünün siyasi maraq dairəsi durmadan genişlənir. Əhalinin bütün
təbəqələrinin siyasi mədəniyyəti və fəallığı artır, onlar ölkədaxili və
beynəlxalq siyasət məsələləri ilə daha yaxından məşğul olurlar. Bununla
əlaqədar olaraq onların siyasi şüuru da durmadan təkmilləşir və inkişaf
edir.
Hazırda müstəqil dövlətimizin siyasi xəttinin həyata keçirərkən,
