|
ALEKSANDR DROZDOV (11.6.1892-15.8.1968)
Məşhur opera artisti Aleksandr Aleksandroviç Drozdov Omsk şəhərində doğulub. Lirik-
dramatik tenor idi. 1918-ci il-də Saratov opera studiyasını bitirib və həmin ildən Tiflis, Sankt-
Peterburq, Odessa opera teatrlarında işləyib. Azərbaycan Dövlət Opera və Balet Teatrına 1935-ci
ildə solist götürülüb və iyirmi il səhnə yaradıcılığı ilə məşğul olub. 1947-ci il-dən teatrda işləməklə
yanaşı, Azərbaycan Dövlət konservatoriyasının vokal sinifində pedaqoci fəaliyyət göstərib.
RSFSR-in (Rusiya Sovet Federativ Sosialist Respublikası) əməkdar artisti Aleksandr
Drozdov 23 fevral 1940-cı ildə Azərbaycan Respublikasının xalq artisti fəxri adına layiq görülüb.
1943-cü ildə rus dilində tamaşaya qoyulmuş Üzeyir bəy Hacıbəyovun "Koroğlu" operasında
Koroğlunun partiyasını oxuyub.
Onun yaradıcılığında Cüzeppe Verdinin "Otello" (Otello), "Aida" (Radames), "Balmaskarad"
(Riçard), "Trubadur" (Manriko), Şarl Kamal Sen-Sansın "Samson və Dalila" (Samson), Cakomo
Meyerberin "Quqenotlar" (Raul), Pyotr Çaykovskinin "Qaratoxmaq qadın" (German), Cakomo
Puççininin "Toska" (Kavaradossi), "Çio Çio San" (Pinkerton), Boris Zeydmanın "Ağıldan bəla"
(Çatski), "Maskarad" (Arbenin), Eduard Napravnikin "Dubrovski" (Vladimir), Mixail Qlinkanın
"Ivan Susanin" (Sobinin), İvan Dzerjinskinin "Sakit Don" (Qriqori Melexov) operalarında oxuduğu
partiyalar daha parlaq sənət nailiyyətləri sayılır.
Dostları ilə paylaş: | 
