Milli incəsənətimizdə satirik qrafika, illüstrasiya, siyasi plakat janrlarının yaradıcısıdır. 7
may 1880-ci ildə Bakıda doğulub. Xüsusi rəssamlıq təhsili görməyib. "Molla Nəsrəddin" jurnalının
ən fəal rəssamlarından idi. Əzim Aslan oğlu Əzimzadə 1919-cu ildən başlayaraq teatr-dekorasiya
sahəsində də məhsuldar çalışıb. Əsasən müasir və klassik əsərlərin tamaşaya hazırlanmasında geyim
eskizlərini çəkib. Tərtibatçı rəssam Rüstəm Mustafayevin işlədiyi əsərlərdə Əzim Əzimzadənin
yaradıcılıq nailiyyətləri daha qabarıq nəzərə çarpır. 1921 - 1923-cü illərdə Bakı Azad Tənqid və
Təbliğ Teatrının ideoloji-təbliğat xarakterli satirik tamaşalarında müxtəlif məişət tiplərinin qrim və
geyim eskizlərini verib
Əzim Əzimzadə AMDT-də "Hacı Qara", "Mürafiə vəkilləri", "Müsyö Jordan və dərviş
Məstəli şah" (Mirzə Fətəli Axundzadə), "Dağılan tifaq", "Ağa Məhəmməd şah Qacar" (Əbdürrəhim
bəy Haqverdiyev), "Əntərə" (Şükri Qazi), "Özgə uşağı" (Vasili Şkvarkin), "Mirzə Rza kirmani"
(Əzim Əzimzadə), "Həyati-bəşər" (Leonid Andreyev), "Bayquş" (Xalid Fəxri), "Aydın", "1905-ci
ildə" (Cəfər Cabbarlı), "Ölülər" (Cəlil Məmmədquluzadə), "Maral" (Hüseyn Cavid) dram
əsərlərinin, Üzeyir bəy Hacıbəyovun "Leyli və Məcnun" "Əsli və Kərəm", "Şah Abbas və Xurşid
banu" operalarının, "Arşın mal alan", "Məşədi İbad" operettalarının, Müslüm Maqomayevin "Şah
İsmayıl" və "Nərgiz" operalarının, GTT-də "Partizan Məmməd" (Ədil İsgəndərov və Sabit Rəhman)
pyesinin tamaşalarında geyim rəssamı olub.
Əzim Əzimzadə 15 iyun 1943-cü ildə bakida vəfat edib. Məzarı Fəxri xiyabanda olan
rəssamın adına orta ixtisas sənət məktəbi və küçə var.
Dostları ilə paylaş: 
