|
1970, 19 sentyabr. "Nazirin xanımı", Branislav Nuşiç. Tərcüməçi və quruluşçu rejissor
Tofiq Kazımov (Ələsgər Şərifovla birlikdə), rəssam Kamal Şıxəliyev. Tamaşadakı satirik gülüşün
nüvəsi Ağahüseyn Cavadovun (Sima Popoviç), Barat Şəkinskayanın (Jivka), Əliağa Ağayevin
(Rista Podoroviç), Möhsün Sənaninin (Çeda) və Amaliya Pənahovanın (Anka) duzlu oyunlarının
mayasında cəmləşmişdi.
1971, 12 fevral. "Mahnı dağlarda qaldı", İlyas Əfəndiyev. Quruluşçu rejissor Əliheydər
Ələkbərov, rəssam Nüsrət Fətullayev, bəstəkar Süleyman Ələsgərov. Baş rollarda Həsən Turabov
(Nicat) və Amaliya Pənahova (Şahnaz) öz oyunlarında kövrək psixoloji lirizmə, epizod surətlərin
ifasında Vəfa Fətullayeva (Gülgəz) və Fuad Poladov (Rəhman) incə yumora əsaslanırdılar.
1971, 8 may. "Yağışdan sonra", Bəxtiyar Vahabzadə. Quruluşçu rejissor Tofiq Kazımov,
rəssam Solmaz Haqverdiyeva, bəstəkar Emin Sabitoğlu. Aparıcı rollar Məlik Dadaşov (Aslan), Əli
Zeynalova (Qədimbəy), Amaliya Pənahovaya (Reyhan), Şəfiqə Məmmədovaya (Nihal) və Fuad
Poladova (Cığatay) tapşırılmışdı.
1972, 27 mart. "Darıxma, ana!", Nodar Dumbadze. Tərcüməçi Adil Babayev. Quruluşçu
rejissor Ağakişi Kazımov, rəssam Dmitri Tavadze. Əsas rolu Fuad Poladov (Avtandil), koloritli
epizod surətləri İsmayıl Osmanlı (İsidor Cakeli) və Möhsün Sənani (Vano dayı) oynayırdılar.
1974, 3 may. "Fırtına", Vilyam Şekspir. Tərcüməçi Anar. Quruluşçu rejissor Tofiq Kazımov,
rəssamlar İ.Lemeşev və Oleq İbrahimov, bəstəkar Fərəc Qarayev. Məmmədrza Şeyxzamanov (Kral
Alonso), Məlik Dadaşov (Prospero), Səməndər Rzayev (kaliban) və Şəfiqə Məmmədova (Ariel)
özlərinin yaradıcılıqlarında yeni xarakterlər yaratmışdılar.
1977, 16 dekabr. "Şəhərin yay günləri", Anar. Quruluşçu rejissor Tofiq Kazımov, rəssam
Solmaz Haqverdiyeva, bəstəkar Emin Sabitoğlu. Teatrın repertuarında uzun illər yaşayan tamaşada
Həsən Turabov (Qiyas), Şəfiqə Məmmədova (Dilarə), Səməndər Rzayev (Bəhram Zeynallı) və Fuad
Poladov (Ağarəfi) daha canlı təsir bağışlayırdılar.
1978, 29 aprel. "Dəli yığıncağı", Cəlil Məmmədquluzadə. Quruluşçu rejissor Mehdi
Məmmədov, rəssam Elçin Məmmədov, bəstəkar Cahangir Cahangirov. Ciddi psixoloji-sosial faciə
janrında hazırlanmış tamaşada ən yaxşı ifalar Hamlet Xanızadəyə (Molla Abbas), Şəfiqə
Məmmədovaya (Pırpız Sona), Mikayıl Mirzəyə (Cinni Mustafa), Hamlet Qurbanova (Doktor
Lalbyuz), Ramiz Məlikə (Formasyon Rüstəm), Yaşar Nuriyevə (Sərəsəm Salman) məxsus idi.
Dostları ilə paylaş: | 
