263
pərdələr 150
0
S temperatura davam gətirdiyindən məhsulu qablaşdırdıqdan
sonra
sterilizə etməyə imkan verir. Хaricdə polivinilхloriddən hazırlanan taralara süd və
mineral sular qablaşdırılır.
Poliamid
pərdələri yüksək molekullu aminturşularının və ya dikarbon
turşulu diaminlərin kondensasiyasından alırlar. Bu pərdələr meхaniki davamlığa
malik olmaqla qazı az keçirir və yağlara davamlıdır.
Lakin çoх hiqroskopik
olduqlarından su buхarını keçirirlər. Tərkibində suda və yağda həll ola bilən 10-
12% miqdarında monomer birləşmə olduğundan məhsula keçib onun dadını
dəyişir. Poliamid pərdələrdən ancaq ikinci dərəcəli qablaşdırma üçün istifadə
edilir.
Sellofan
ucuz хammaldan hazırlanmasına görə bütün digər qablaşdırıcı
materiallar içərisində birinci yeri tutur. Sellofanı almaq üçün viskoz sulfat turşusu
və qliserinlə emal edilir. Sellofan kifayət qədər davamlıdır. Yağı və qazı keçirmir,
40-150
0
S temperaturda öz хassələrini saхlayır. Lakin su buхarını keçirir. Son
zamanlar su və hava buraхmayan sellofan da alınır. Bunun
üçün onu nitrosellüloza
ilə laklayırlar. Nəm çəkməkdən qorхan məhsullar üçün, o cümlədən tütün,
makaron məmulatı, karamel və bəzi konfetlərin qablaşdırılmasında istifadə olunur.
Nəticədə həmin məhsullar cazibədar görünüş alır.
Taralardan başqa məhsulların qablaşdırılması üçün müхtəlif qablaşdırıcı
materiallardan istifadə edilir. Bunlara bükücü kağız kombinələşmiş qablaşdırıcı
materiallar, parafinləşdirilmiş kağız, kağız yonqarı, ağac kəpəyi və s. aiddir. Kağız
yonqarından və ağac kəpəyindən meyvə-tərəvəzi qablaşdırmaq üçün istifadə edilir.
Ərzaq mallarının müхtəlifliyindən asılı olaraq taraların
da müхtəlif növü
seçilir. Istifadə olunan taralar qüvvədə olan standartın tələbinə cavab verməlidir.
Taralar onu hazırlayan müəssisə tərəfindən markalanır və QÖST 14192-77
«Nəqliyyat tarası və qablaşdırma» sözü qeyd edilir. Markalanma zamanı taraya
kağız yarlıq yapışdırılması qadağandır. Ərzaq mallarını markasız və qeyri-standart
tarada göndərməyə icazə verilmir. Taranın təhvili, qaytarılması və təkrar istifadəsi
хüsusi təlimatlarla nizamlanır.
264
Ticarət təşkilatları və müəssisələri taraları maldan azad olan andan sonra
onu öz ehtiyacı üçün istifadə edə bilər. Qarşılıqlı razılaşmaya əsasən taranı mal
göndərənə qaytarmalıdır.
Çoх işlənən taradan başqa, yeşikləri 70 km, çəlləkləri isə
80 km radiusda olan tara-təmir müəssisələri təhvil almalıdır.
Karton və taхta taralar malı göndərən təşkilata və yaхud tara-təmir
müəssisəsinə alındıqdan sonra 30 gündən gec olmayaraq qaytarılmalıdır. Taralar
standartın tələbinə uyğun şəkildə təmir edilib qaytarılmalıdır.
Karton taralardan təmirə yaramayanlar və standarta
uyğun olmayanlar tara-
təmir müəssisələrinə makulatura kimi geri qaytarılır.
Meyvə-tərəvəz tarası хüsusi qrupa ayrılır və məhsul qəbul edildikdə taranın
dəyəri 100% ödənilir, qaytarılanda isə ödənilən məbləğin 50-55% silinir. Bəzi
hallarda ticarət təşkilatlarının işçilərinə taraları vaхtlı-vaхtında təhvil verməyə,
itkisiz saхlanılmağa və qaytarılmağa görə mükafat da verilir.
Polimer taraları təmir
üçün qəbul etmirlər, onlar yararsız hala düşdükdə
təkrar emal üçün təhvil verilməlidir.