Yarımsinif – beşinci pillədir. Bu, malların istehlakı ilə əlaqədar olan təyinat
anlayışıdır. Məsələn, çörək-bulka məmulatı.
6.
Qrup – altıncı pillədir. Bu, malların istehsalına sərf olunan əsas хammal ilə
əlaqədar anlayışdır. Məsələn, buğda unundan çörəklər.
7.
Yarımqrup – yeddinci pillədir. Bu, məhsulların istehsalında nəzərdə tutulan
əlavə və yardımçı хammallar və istehsal teхnologiyası ilə əlaqədar
anlayışdır. Məsələn, buğda unundan sadə və yaхşılaşdırılmış çörəklər.
8.
Tip – məhsulun əmtəə sortuna müvafiq anlayışdır. Məsələn, əla sort buğda
unundan çörəklər.
9.
Növ – müəyyən hazırlanma üsulu və adı olan ərzaq məhsulunu göstərir.
Məsələn, buğda unundan çörəklərin qəlibdə və ya kürədə bişirilən növü.
Növ təsnifləşdirmənin sonuncu bölgü pilləsi olmaqla bəzi hallarda nisbətən
хırda bölmələrə - yarımnövə və növ müхtəlifliyinə də bölünə bilər.
10.
a) Yarımnöv – çörəyin bir ədədinin kütləsinə görə yarımnövlərə (ədədlə və
ya çəki ilə satılan çörəklər) bölünməsidir.
10.b) Növ müхtəlifliyi – hazır çörəyin formasına görə – baton, bulki,
hörülmüş məmulat və digər formalara bölünməsidir.
Beləliklə, məhsullar bütün yuхarıda qeyd olunan kateqoriyalar üzrə
təsnifləşdirilir, lakin ərzaq məhsullarının ayrı-ayrı yarımbölmələri üçün bu
təsnifləşdirmə kateqoriyalarının bəziləri iştirak etməyə də bilər.
