Dərslik rəHBƏRLİk azərbaycan Respublikası Təhsil Nazirliyinin 24 saylı

Klinik şəkil
Müxtəlif formalı eritema və qabıqlanma. Sərhədləri çox vaxt kəskin nəzərə çarpmır. 
Hiperemiya zəif və ya intensiv ola bilər.
Müalicə
Steroid və qeyri-steroid xaricə işlənən preparatlar işlədilir. II-V qrupu steroid krem-
lər gündə 2 dəfə polietilen okklüziya ilə və ya onsuz təyin olunur. Okklüziya topik 
steroidin absorbsiyasını sürətləndirərək ocaqların sağalmasını tezləşdirir. Okklüziya-
nın davametmə müddəti fərdi seçilir, o, məhdud olmalı və nəzarət altında aparılmalıdır. 
Steroid məlhəmlər gündə 2 dəfə okklüziyasız tətbiq olunurlar. Qeyri-steroid topik im-

---

221
munmodulyator pimekrolimus (1%-li “Elidel” kremi) gündə 2 dəfə dərinin zədələnmiş 
sahələrinə tətbiq olunur və üzün və ya periorbital sahənin yarımkəskin ekzeması zamanı 
xüsusilə effektivdir. Əvvəlcə göynəmə hissiyyatı meydana çıxır ki, o da bir neçə gün-
dən sonra ötüb-keçir. Terapiyanın bu növü atopiklərdə yarımkəskin ekzemanın xronik 
gedişi zamanı effektivdir. Qatran məlhəmləri və kremləri steroidlərə davamlı ocaqlar-
da alternativ vasitələr sayılırlar və bəzi xəstələrə mülayim effektiv təsir göstərirlər. Yaş 
kompresslərdən çəkinmək lazımdır, belə ki, onlar dərini güclü qurudurlar. Nəmləndirici 
vasitələrin tətbiq olunması gündəlik terapiyanın vacib elementlərindən biridir. Nəmlən-
diricilər o zaman daha yaxşı təsir edir ki, onları topik steroidlərdən bir neçə saat sonra 
tətbiq edilirlər. İltihab söndükdən bir neçə gün və ya həftə sonra applikasiyanı davam et-
dirmək lazımdır. Nəmləndiriciləri tez-tez tətbiq etmək lazımdır. Nəmləndiricilər yuyun-
duqdan dərhal sonra (bu zaman əvvəlcə dərini dəsmalın yüngül hərəkətləri ilə qurutmaq 
lazımdır) dəriyə səylə sürtüldükdə daha effektivdirlər.
Tərkibində daha çox allergenlərlə assosiasiya olunan inqredientlərin daxil edilmədiyi 
sadə tərkibli kremlər (məsələn, “Aveeno”) losyonlara nisbətən daha yaxşı təsir edirlər.
Sadə vazelin jelesi ən yaxşı nəmləndirici sayılır və onun bir sıra üstünlükləri var: tərki-
binin sadəliyi, allergiya verən əlavələrin və ya qıcıqlandırıcı inqredientlərin olmaması. 
Lakin yağlı olması səbəbindən belə xəstələr üçün vazelin məhdud tətbiq edilir. Dərini 
sabunla tez-tez yumadıqda yumşaq kiçik parçalar şəklində olan “Dove” tipli sabunlardan 
istifadə etmək daha sərfəlidir. Antibiotiklər ikincili bakterial infeksiyalar zamanı tətbiq 
olunur.