Dərslik rəHBƏRLİk azərbaycan Respublikası Təhsil Nazirliyinin 24 saylı

Məsələ №6
Klinikaya 19 yaşlı xəstə dirsək və dizaltı büküşlər nahiyəsində qaşınma şikayətləri ilə
qəbul olmuşdur. 6 ayından (anasının sözlərinə görə) xəstədir. Xəstəliyin residivləri şoko-
lad, portağal, şirniyyat istifadə etdikdən sonra baş verir. Obyektiv olaraq: dirsək, dizaltı 
büküşlərin üzərindəki dəri qurudur, lixenifikasiyalıdır, hemorragik qartmaqlar, ekskori-
asiyalar müşahidə olunur.
1. Diaqnozu, klinik formanı və xəstəliyin mərhələsini təyin edin.
2. Müalicə planını təklif edin.
Məsələ №7
15 yaşlı xəstə bədənin dərisində səpgilərdən və qaşınmadan şikayətlənir. Obyektiv ola-
raq: dirsək və dizaltı büküşlər nahiyəsində, sifətdə skvamoz ləkələr, papulalar, qabıqlan-
ma; ekskoriasiyalar, qartmaqlar nəzərə çarpır.
1. Diaqnozun qoyulması zamanı sizin taktikanız?
2. Müalicə planını təklif edin.
Məsələ №8
Sizə 23 yaşlı kişi tüklərin tökülməsi şikayəti ilə müraciət etmişdir. O özünü 4 ildir ki, 
xəstə hesab edir. Anamnezdən aydın olmuşdur ki, xəstə alkoqoldan həddən artıq istifadə 
edir, istiotlu, ədviyyəli qidaya üstünlük verir. Baxış zamanı başın tüklü hissəsinin dərisi 
çox yağlıdır, yağlı sarı-qonur pulcuqlarla örtülmüşdür. Tüklər diffuz seyrəlmişdir, yağlı-

---

485
dırlar, parlayırlar. Subyektiv olaraq xəstəni dövri qaşınma narahat edir. Daxili orqanların 
patologiyası aşkar edilməmişdir. 
1. Güman edilən diaqnoz?
2. Xəstəni müayinə etmək üçün sizin taktikanız.
3. Ümumi və yerli müalicə ilə əlaqədar sizin təklifləriniz.
Məsələ №9
Qəbulda 17 yaşlı gənc şəxs sifətində, belində və sinəsində səpgilərin olması şi-
kayətləri ilə müraciət etmişdir, onları ilk dəfə 2 il əvvəl aşkar etmişdir. Müalicə olunma-
mışdır, dediyinə görə atasında da gənc yaşlarında oxşar səpgilər olmuş və özbaşına keçib 
getmişdir. Ailə anmnezindən məlumdur ki, atası hazırkı dövrdə şəkərli diabetdən əziy-
yət çəkir. Baxış zamanı: dərinin, döşün yuxarı hissəsi və kürək nahiyəsi həddən artıq 
yağlıdır, piy vəzilərinin axacaqlarının ağzı açıqdır, bəziləri komedonlarla tutulmuşdur. 
Çoxlu sayda follikulyar papula və pustulalar vardır, həmçinin parlaq çəhrayı, ağrılı, iri 
noxud dənəsi böyüklüyündə, zirvəsində pustula olan infiltrasiyalı düyünlər, qanlı-irinli 
qartmaqlar, dairəvi çapıqlar, hiperpiqmentasiyalı ləkələr görünür.
1. Sizin güman etdiyiniz diaqnoz?
2. Müalicə taktikası.
3. Xəstənin ambulator müayinəsinin taktikası.