Sinergetik effekt o vaxt müşahidə edilir ki, iki nisbətən az
təhlükəli maddə birləşərək yüksək toksiklik dərəcəsi olan maddə
yaradırlar.
Toksiklik dərəcəsinə görə zərərli maddələr 4 sinfə
bölünürlər: I - fövqəladə təhlükəli; Il-yüksək təhlükəli; III-
mülayim təhlükəli; IV- az təhlükəli.
Təbii resursların istifadəsi (götürülməsi) normativləri də
mövcuddur. Bu normativlər müəyyən müddət üçün təyin edilirlər.
Eyni zamanda, ətraf mühitə yük normalarının həddi də müəyyən
edilə bilər. Bu normativlik xüsusən ərazi-sənaye komplekslərinin
formalaşdırılmasında, sənayenin, kənd təsərrüfatının inkişafında,
şəhərlərin tikintisində çox vacibdir. Bu zaman təbii mühitin
özünübərpa meyarlarını aşmağa yol verilmir. Həm də müəssisələr
ətrafında sanitar- mühafizə zonalarının müəyyən edilmə
normativləri də vardır. Bu zonaların ölçüləri onların
müəssisələrinin sanitar təsnifatına (I-IV) müvafiq olur. Məhsul və
xidmətlərin ətraf mühitin təhlükəsizliyinə, insanların həyatına və
sağlamlığına təsiri dövlət standartları ilə müəyyən edilir, bu zaman
ekoloji sertifikatlar, habelə məhsulun nişanlanması (markirovkası)
tətbiq edilir.
Dostları ilə paylaş: 
